那年我20歲asso yr1，用左141叫雞(重甜): 結局篇-第一章：父母期望VS溝女

返到屋企既時候，一入屋就見到老豆老母坐係廳，跟住老母就開口講：「阿明呀，sem 2就快完啦，之後就要考試，阿媽要返工無咁多時間睇住你，唔好掛住玩。總之阿明你記得做好d同考好d試，只要繼續保持住你上個sem咁既成績，之後就可以升返上大學架啦。」。其實sem 1，我拎到咁高GPA都嚇下跳，可能我真唔係背書派。

老母跟住對住老豆講：「哎呀，你都幫手講返句野啦」

老豆咳左兩聲，然後講：「明仔呀，上得返就最好，老豆都知你壓力大，盡力而為啦」

我應左講：「喔，阿爸阿媽我知架啦」，然後就行返入房。由細到到大我都聽晒老豆老母講，佢地話點就點，我都好少反駁佢地，因為我都知老豆老母都係想我有出色姐。但唔知點解，今日聽完老豆老母呢一番說話之後，個心好似赤赤痛咁，但我都無理咁多。

入返房後，我攤係張床上到開始係到諗究竟要點樣表白呢？就咁直接開口問婉婷？再買份禮物同束花？但會唔會太老土呢？表白對於我呢d毒L真係好難既事，完全都無經驗...



食完夜晚後，我繼續攤係床到，諗表白呢樣野真係諗到我頭都爆...媽呀，有無人可以教下我呀...一於聽日先去買左份禮物先，禮物實無死既。但係...但係又買咩禮好呢？ dllm 好複雜呀！都係唔好諗住先啦，聽日出去行返轉睇睇再算。

婉婷應該未有咁快就「放工」，咁我唯有打返幾場機慢慢等佢算。於是到我搵左果三條毒L fd陪我食下雞消磨下時間。