咁樣算唔算師生戀: 我地點認識

中學畢業已經3年 我都K都認識咗6, 7年喇 
一直我都覺得我地嘅關係好微妙 師生又唔完全係
朋友? 又好似唔止呢種關係
兄妹? 我仲係15歳果陣佢都仲會開到口當正我係妹咁嘅
但畢咗業之後 就算我地比以前更啱傾 佢死口都唔再認佢當我係細妹

要講到我同K嘅關係, 就要講番我中三果年嘅暑假
中學考完試 通常6月都有試後活動 咁我自己本身好中意地理科
所以只要係同地理相關嘅野 我都會join
咁啱K就係我地學校來咗一年嘅老師 當時佢24歳


佢都係教初中地理嘅 但就冇教中我果班
但係如果有field trip佢都會同miss一齊帶我地去

K唔算高大靚仔 比起同齡嘅小鮮肉 佢嘅外表同高度都只係中等程度
但一直都聽聞好多女同學都成日講佢 男學生就麻麻地佢咁啦
而我當時只係隔離班一個女同學 果陣又中意咗個同班男同學
咁阿sir有幾咁正 有幾咁受歡迎其實我都唔係好理

講番去試後活動 咁2012年嘅6月
地理科有個活動去米埔 咁我就去咗啦


我熟嘅朋友又冇去到 得一個叫做ok熟 又會一齊打波嘅女同學W一齊去
咁我就緊係跟實佢啦
而K就係W嘅地理科老師 所以佢地比較熟
詳細嘅野我唔記得喇 話晒都咁多年前
總之果日個天有雲 但都有陽光 所以個個都有擔遮
咁我就一個人單丁咗出來 自己擔遮 因為W有自己個friend
咁K呢個時候就類似話呢種天陰陰嘅太陽 比起猛烈嘅太陽
會晒到我地更黑之類 我到而家都唔知堅定流

咁佢好似冇遮之類 但佢同我唔熟又冇行埋來我把遮度


直至W叫佢去我度一齊擔
老實講 果陣覺得佢都一表人材
可能果個年紀 覺得啲"哥哥"正掛
但果刻又冇咩特別好感 但依家諗起
我記得我果陣完咗個活動之後有想text下佢之類
但內容唔記得喇
總之我地就係咁認識咗對方
但係我地係點樣熟咗? 咁就要睇下一篇, 唔想打咁長