咁樣算唔算師生戀: 我地點熟

自從果個活動之後 我就唔知點解開始留意下佢Facebook之類
咁中三果排我玩緊結他 學緊作曲嘅
我可能果陣係Fb問過有冇人想填下詞啦
佢所以佢就inbox我喇
咁我地嘅對話就係因為作曲填詞開始

佢果排好似失戀咗冇耐 (後尾佢同我講番)
就算佢唔講 我見佢填啲詞都知啦
就係咁我地就開始傾下計
後尾佢仲問我拎電話, 咁我地就多數whatsapp傾計



我地果陣咩都傾 字裡行間 我覺得都有flirt嘅成分
但我果陣始終覺得, 佢係學校嘅老師
咁樣係唔啱, 咁反正又暑假, 咁都唔會點見啦

果陣番下parttime, 又去下交流團
咁咪識下啲同齡嘅男孩, 搵下第二個男仔分下心
之前講到我中意咗個同班嘅男仔, 但後尾發現佢心有所屬咁就算咗

咁我果陣都知就算自己對K有啲好感


都冇可能架啦 咁果陣都係開始有啲中意佢姐
要放低唔難吖 話唔定K都只不過係剛失戀
若有所失, 搵人攝下姐

咁所以我係7月一個交流團識咗個男仔叫做B
識咗冇耐就一齊咗 叫做拍拖 但實情只係出過兩次街之後就分咗

咁暑假K就約我單獨出來食飯 我feel到佢有意
但我知咁樣係唔得 所以叫埋佢個學生, 我個best friend, L 一齊出來食
我果陣都有問準佢 佢話好我先叫埋的



咁我同B拍拖拍咗兩個月就散了 咁K就同我一齊作咗首歌, 填咗啲詞
但我兩年前拎番起呢啲歌詞 諗番起我同K嘅呢啲野
我唔知發咩神經掉晒自己啲作品 連埋所有同佢有關嘅日記都掉晒
可能我諗住咁樣可以令到我忘記佢掛

就係因為咁 我同佢又再填詞 我同K又密密Message
如果我冇記錯 果陣早晨,goodnight加心心emoji都係基本
佢有段日子會send錫錫符號比我添
依家我地表面上都當大家係普通朋友 所以每當我諗番起呢啲野
再諗番起大家依家嘅表現 心諗 K 你係咪真係唔記得以前嘅野?

同B散咗嘅時候係中四開學冇耐
我同佢又勁多message, 偷偷話你地知 我果陣set咗佢生日做我手機password
我覺得自己有中意佢 但都係果句, 根本冇可能


所以果陣班上有個男仔成日撩我 我都對佢有少少好感
但實不相瞞 每個夜晚 果陣我都有掛住K架

可能因為大家都知冇可能 所以都以兄妹相稱就算
佢每次去親旅行都買野送比我
佢果陣送比我嘅果隻紫色嘅俄羅斯娃娃同荷蘭小木屐我都有好好收埋
我到依家都有好好收埋

有次佢去英國 仲話比我知佢趕飛機都買咗個格林威治天文台嘅pizzle
係背後寫咗好多野比我 (我唔記得寫咩喇) 之後趕住都寄比我
咁16歳嘅我知有人對我咁好 咁關心
會錯意又好咩都好啦 少少心動都好正常姐下嘛

咁我見佢咁好 又成日話冇咩住家野食
咁年年新年我都整好西


咁果年我好似係送咗個我整嘅蘿白糕比佢
之後我都好似冇咩點送過啲咩比佢
吖~敬師日我好似有寫卡比佢架

我同佢好似係熟 但咩事令到我覺得曖昩呢?
就要睇下一篇.