[愛情甜故] 因為一次睇到佢打飛機,所以我地變咗做炮友: 25.回憶篇:諾與樂(上)
「喂!」「嘩!嚇死我咩!?」
一隻手用力咁拍落嚟我博頭,嚇到我博頭都縮一縮
「嘻嘻...早晨呀~」
呢個人係周樂恆...
「笑笑笑...比你嚇死啦!」我搣咗佢手臂一下
「喂!痛呀!」佢捉住我手腕
「你啱啱嚇死我呀…」我望住佢
「冇呀冇呀~你都未死~」佢調皮咁笑咗一笑
呢個周樂恆成日都係咁...話佢就扮冇事,笑一笑就算
「無聊...」我反咗個白眼,「你平時都唔係行呢度㗎...今日又會撞到你嘅?」
「今日買早餐嘛,所以咪行呢邊囉。」佢揚一揚手上嘅膠袋
咦,原來佢有拎住嘢㗎...我宜家覺留意到添
「算你好彩呀~今日三文治買一送一,比一個你。」佢喺膠袋度拎咗一個三角形嘅盒出嚟
「吓...多謝...」我望住手上嘅蕃茄片加蛋三文治,心入而講咗句「其實我唔中意食呢個」
我係中意食蕃茄炒蛋,但我對凍冰冰嘅蕃茄冇興趣...
「呀係喎...」周樂恆拎走我手上嘅三文治,然後拎咗個餐蛋治比我,「差D唔記得咗你唔食茄蛋治㗎添~」
「你又知...我幾時講過比你聽?」我將個三文治放入書包
「咩呀...你失憶呀?有次去茶餐廳,咁啱得番茄蛋治,你諗都冇諗就話唔要啦!」
都好耐之前嘅事啦喎...咁都記得?
我只係笑咗一笑
「我對好多嘢都唔太上心,除咗你之外。」佢突然開口講
「唉...你又嚟啦...」
我真係冇佢咁好氣呀...
擾亂我個心...想點呀?明明就係你唔要我,宜家又想追番我...做咩呀?好好挽咩?
兩年前,分手前一個月...
「呀樂...你又去咗邊呀?」
「快D覆我wts啦!!!」
「係咪發生咗咩事呀?」
send 3個message比佢都唔覆...到底咩事啦?
「諾諾,今晚唔煮飯呀!」我呀媽喺我房門口嗌
「嗯!」我望住手機嘅螢幕,心入面只係諗緊佢點解仲唔覆我
唉...又食外賣,日日都食外賣...
我換咗件衫就出咗去,唔想喺屋企食外賣...煩...食成個星期都要繼續,個廚房不如拆咗佢啦!
我行行下,就行咗入去7仔
「食咩好呢~」我企喺賣飯糰嘅貨架前面,諗緊食雞排手卷定係豬排手卷好
呢個時候,我唔知做咩,突然望向左手邊嘅玻璃窗
那個...!
我望到喺外面微弱嘅街燈下,有一男一女喺度擁吻
雖然我企嘅位置只係望到側面,但我敢肯定嗰個人一定係周樂恆...