[愛情甜故] 因為一次睇到佢打飛機,所以我地變咗做炮友: 26.回憶篇:諾與樂(下)
什麼啦?我係咪眼花咋...!?
周樂恆同...一個喺女仔擁吻...?痴咩線呀!?
但嗰個女仔唔係我地學校...佢着住另一間學校嘅校服
我嗰一刻個腦空白一片,我冇拎起電話打比佢,反而揀咗逃跑
我跑出咗7仔,跑到番屋企留下
我走入屋,番房,「呯」一聲咁閂房門
我個腦運作唔到...我load唔到啱啱嘅畫面...我嘅眼淚濕潤咗眼眶...
好熱嘅眼淚呢~
到底我係因為嬲而喊定係因為心碎而喊?
我唔知道...所有嘅問題堆喺我個腦入面
「鈴鈴~」我嘅電話響起...係周樂恆...
「喂?諾諾?」
「做...做咩呀...」
「做咩咁嘅聲呀?你喊呀?」聽到佢咁關心我,突然覺得佢好噁心...
呢頭先同第二個女仔攬攬錫錫,嗰頭就關心佢女朋友
咩事呀?
「你係咪有嘢想講...」
「吓...我會有咩想講?」電話裏傳嚟佢嘅笑聲
「你...算啦...冇嘢啦…」我苦笑起嚟
「做咩呀?有嘢就講啦~」佢話
「冇嘢...」
我最後揀咗忍氣吞聲...
但我知道...佢最後一定會分手...好快...同我分手
果然一個月後...
「我想分手。」企喺我面前嘅佢一臉抱歉
「嗯...好呀...」我微微一笑,因為我知道佢背後嘅原因
我唔需要佢嘅解釋,只想佢搵到幸福
「你去搵你嘅幸福啦!」我笑起嚟
我冇喊,一滴淚都冇流,一個月前嘅事,我早就知道啦
佢呢一個月嚟要咁樣忍住,我知佢地好辛苦...
佢一臉錯愕咁望住我
「咩呀?你有咩事都可以搵我㗎~我只希望你會搵到你嘅幸福。」我笑咗一笑
心入面好似突然紓壓了,放下咗心頭大石
「喂!」周樂恆拍一拍我,將我從回憶之中帶番嚟現實
「咩呀~」我笑咗一笑
過去嘅事就隨佢過去啦,做人最重要都係向前望啫~