[愛情甜故] 因為一次睇到佢打飛機,所以我地變咗做炮友: 85.S228.突如其來(上)

好!我決定...
我走...
你可能會鬧我冇志氣，呃...我認我係...
正常人都會直接上前捉姦，例如打佢兩巴，打埋個小三添，但sorry，我冇勇氣咁做
或者葉子朗都係一時挽挽下啫，佢唔會咁對我嘅...
佢同洛天恩，一時㗎啫，冇事嘅...
我成個腦真係一片空白，仲白過白紙...
我嘅手機鈴聲喚醒我，我望一望手機...
「喂?」
「喂...」


「你番到屋企未呀~」
「番到啦...你呢?」
「我?我咪話我仲有嘢做囉傻妹~」
「嗯...係喎...」
「聽落你好似好攰咁...你快D沖個涼就好去休息啦~」
「嗯...我會㗎啦...」
我收咗線之後，我將手機較咗做飛行模式
我一個人行咗落去酒吧，坐喺吧枱前面，一個人坐喺度飲酒
放心啦...我酒量唔差...
「靚女，一個人飲酒呀?我陪你呀~」有個男人行咗過嚟搭訕


「唔洗啦，我飲酒唔洗人陪。」我眼尾都冇望佢一眼
「陪你啦~」佢伸手搭我博頭，我一手撥開佢隻手
「走開。」我瞪咗佢一眼
「做咩唔洗啫?我陪你啦。」佢仲繼續死纏難打
「我話咗...」「Venus，我都叫咗你唔好行開㗎啦!」
有把男聲喺我隔離幫我解圍
嗰個本來搭訕嘅人一臉沒趣咁走開咗
我一擰過去，見到Stephen Li企咗喺度
「多謝你幫我解圍。」我微微一笑
「唔介意我坐呀嘛?」佢問


「唔介意。」我搖搖頭，佢坐咗喺我隔離嗰個空位
「做咩一個人飲酒?一個女仔好危險。」佢露出笑容
「我酒量唔差，而且...想一個人飲下啫。」我望一望佢
「你都係有笑容好睇D。」佢話，「就好似嗰日喺你公司見到你嗰陣嗰個笑容咁。」
「係咩...」我輕輕一笑
「係喎，我都未介紹自己。」佢突然講，「李永豪，Stephen。叫我Stephen得啦!」
「我知道...金融才俊嘛...金融大亨個細仔。」我望住佢笑咗一笑
「嗯哼~」佢笑起嚟，「咁你呢?你係咪都好應該介紹下自己?」
「方芷諾，Venus。叫芷諾或者叫Venus都ok。」我講咗自己個名比佢知，其實佢都知啦...佢啱啱都叫咗我個名，「其實你都知我叫Venus啦...」
「我係知道你叫Venus，但我唔知你中文名喎~」佢飲咗啖酒，「知道咗大家叫咩名，就係朋友啦!不過唔好同人講呀…」
「ok~」我無奈咁笑咗一笑，然後比個ok手勢佢
「笑下咪幾好~」佢望實我
「你唔係應該好忙㗎咩?仲得閒出嚟飲酒嘅?」我拎起咗個酒杯，放到我嘅視平線上，搖咗兩下酒杯
「吊頸都要抖下氣啦~成日喺公司會痴線。」佢放低咗酒杯
「係咩...我反而幾enjoy工作嘅過程...」我露出淡淡嘅笑容


「原來你係工作狂嚟...」佢一臉無奈
「聽我班同事講話你好cool，原來都唔係呀。」我望住佢
「cool...呢一面喺職場係必須品嚟㗎!特別係我爸爸嗰邊，我太善良嘅話，班下屬會恰我㗎...」
原來喺冷酷嘅外表下，收埋咗個嘅苦衷
「都係嘅...」我都同意佢嘅講法
「你做秘書嘅，都係要睇老闆面色㗎啦!」佢開玩笑咁講
「我睇慣㗎啦...我捱得苦㗎!」我笑住咁答佢
「難怪Alvin要特登請你番嚟啦!」佢笑一笑
「你點知佢係特登請我...」我望向佢
「要知有幾難?我仲知道你地係舊同學添~」佢一臉自豪咁講
「咁...呢個係事實呀~」我笑咗一笑，然後飲咗啖酒，之後伏咗喺吧枱度
「喂，你唔係醉呀嘛!我唔知你住邊㗎!」佢捉住我博頭喺度搖，「你喺男人面前咁瞓你會死㗎!陣間我食咗你，你都唔知咩事呀!」
「你就醉...我冇醉呀...」我坐番起身，望住Stephen Li
「冇醉就最好啦...」佢話
過咗一陣之後，我就比錢走了


「喂!」Stephen Li從酒吧追於嚟拉住我
「做咩?」我回頭望佢
「我叫司機開車車你番去啦!」佢皺起眉
「唔洗啦~我ok的。」我微微一笑
「咁你小心啦。」佢點點頭，「拜拜啦!朋友。」
「好的好的，拜拜。」我揮揮手
我搭車番到屋企樓下，見到葉子朗企咗喺度
「你喺度嘅?」我跑到佢面前
「你梗係唔想我喺度啦!」佢嘅語氣變咗，好冷漠，「你又同邊個飲酒嚟呀?」
「冇同邊個...」我搖搖頭
「係咩?你唔係同個着住灰色西裝嘅男人飲酒咩?」佢帶住質問嘅語氣問我
「你跟蹤我?」我打從心底覺得無言
「即係係啦...我都知㗎啦!」佢一臉不屑咁講，「去到上流係唔同D㗎啦!有機會都識有錢仔啦!」
「你...你係咪痴咗線?」我語落一秒未夠，我左邊臉頰就覺得又熱又痛，「你...你打我...」
你冇睇錯，佢打我...


用力摑咗我一巴...

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link