[愛情甜故] 因為一次睇到佢打飛機,所以我地變咗做炮友: 84.S227.提醒(下)

我擰轉頭，見到阿Wing
「Wing?你都嚟呢度食飯呀?」我微微一笑，然後同葉子朗介紹一下，「呢個係我同事，阿Wing。」
葉子朗對佢微微笑點點頭，但阿Wing個表情...好似有咩想講咁
「呢個係你男朋友?」阿Wing望向我
「係呀，佢係葉子朗。」我點頭
「我地聽日再講呀~」阿Wing話
「我去一去洗手間。」我望一望葉子朗，然後起咗身
我拉咗阿Wing去toilet
「Wing，上次同你地食lunch嗰陣，你睇到張相嗰陣已經有D古怪，係咪有D乜嘢?」我問，「我地都算朋友㗎可?」
阿Wing逐格推一推門，確保冇人


「Venus，我地當然係朋友啦!」佢捉住我雙手，「但我喺未確定一樣嘢之前，我唔想講住...」
「你要確定D咩?」我疑惑咁問
「你同佢...係幾時開始?」佢一臉認真咁問
「喺我由英國番嚟之後，但之前佢一直等緊我番嚟。」我話，「做咩咁問?」
阿Wing冇出聲，只係皺住眉頭
「我地係朋友，你講啦...」我微微笑
「我...之前見過佢...喺識你之前...」佢話
「唔出奇呀。」我笑住咁講
但我冇諗過，我呢個笑容...喺下一秒就消失了...
「Venus，你聽我講，我見過佢...係喺酒吧嘅事...但唔係我同佢有咩，而係...我見佢同另一個女仔一齊，佢攬住嗰個女仔走...」


我睇得出，佢唔想講，但因為我叫佢講，佢只好講比我知
「而嗰個女仔...」「你識嘅?」
喺佢未講之前，我就問咗先
但阿Wing搖搖頭
「個女仔...喺我地幢大廈番工...」阿Wing話，「但你嚟咗之後，你應該一次都冇撞過佢。」
「你知唔知個女仔叫咩名?」我問
喺佢答我嘅同時，我心中嘅不安感來襲
「以我所知，佢叫...洛天恩...」
阿Wing講嘅時候，我後退咗兩步，撞到洗手盆
「喂!小心D呀!」阿Wing即刻扶住我


「我...冇事...」我搖搖頭
洛天恩...!
我唔會比你接近到葉子朗!
「Venus，我地一場朋友，我都唔想講咩，只係想你好好睇住佢，佢地係咩關係我真係唔知...」阿Wing一臉擔心
「我會㗎啦...多謝你...」我點點頭，微微一笑
我番咗出去，繼續食飯
食完飯，我同佢去咗睇戲
「我帶咗件外套比你。」葉子朗從佢個袋度，拎咗件外套出嚟遞比我
「唔該~」我笑起嚟
雖然阿Wing咁講，但我真心希望佢地係冇嘢
套戲完咗之後，我就番屋企，佢話佢仲有D嘢要做喎...
「咁好啦，我自己番去得啦，你去忙吧~」我微微一笑，然後將件外套除番落嚟比佢
「咁你小心D啦，番到屋企...」「whatsapp你呀嘛!我記得啦!」
佢笑咗一笑，然後就同我行相反方向
但宜家成9點啦喎...佢仲要去邊...


我停咗落嚟，回頭望
把心一橫，就跟住佢尾...
聽咗阿Wing咁講，我都覺得佢怪怪地...
我見佢鬼鬼祟祟咁行咗入條巷仔度
我放輕腳步，跟喺佢後面...
「寶貝!乜你咁晏架!」有把女仔聲喺入面傳出嚟
「噓...唔好咁大聲!」
係葉子朗同嗰個女仔一齊!?
「驚咩啫?佢都番咗去啦!」個女仔攬住葉子朗
「係...不過...」葉子朗冇推開佢，反而攬住佢
「不過咩呀...我地宜家就去開心一下啦!」個女仔拉住葉子朗轉咗入去，行另一邊走...
我偷偷地望一望入去，我有冇眼花呀!
我個腦完全一片空白...
阿Wing...冇睇錯...好彩佢提一提我...
洛天恩...


葉子朗果然同洛天恩有嘢...
我應該宜家衝入去定係轉身就走...?

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link