[愛情甜故] 因為一次睇到佢打飛機,所以我地變咗做炮友: 93.S236.偷懶的半日

我講完分手，講咗要講嘅嘢，我就番咗屋企
沖完涼就灘咗落床
我再醒嘅時候，係第二朝早
一上車，扣好安全帶，周樂恆就用個奇怪嘅眼神望我
「做咩呀?一朝早就奇奇怪怪咁...」我望佢笑一笑
「今日冇人打比你嘅?」佢暗示緊葉子朗
「嗯...」我深呼吸一下，「分手lu~」
「吓!?」周樂恆個樣超驚訝
「喂停車呀!紅燈呀!」我咁啱望到前面轉咗紅燈
佢即刻剎車，成個人即刻向前chok咗一下


「你洗唔洗咁大反應呀?」我笑起嚟
「點解散咗嘅?」佢問
「唉~出軌...」我望向佢，佢即刻好似心虛咁望一望前面，「仲要係同洛天恩...」
「唔好傷心，佢係渣男嘛!佢唔珍惜你啫!一定有人會識去珍識你嘅~」佢笑住咁講
「嗯!我明㗎啦~」我微笑起嚟
「咁先係我識嘅方芷諾㗎嘛~」佢伸手拍拍我個頭
「知啦!」我撥開佢隻手，「整亂晒我D頭髮啦!」
「你仲係同以前一樣好可愛，成日都唔中意人地整亂你D頭髮。」佢笑住咁講
「痴線...仲可咩愛呀?」我無奈咁望咗佢一眼，然後低頭望手機
過咗一陣...咦...原來我瞓着咗


但點解冇人叫醒我嘅!?
我即刻坐起身，周樂恆呢?
我一坐起身嗰下，有個好小嘅重力落咗喺我大脾上面
我低頭一望，係一件黑色嘅西裝外套
「你醒啦?」企喺車外嘅周樂恆彎身，透過開咗嘅車窗同我講嘢
「呢度邊度嚟?」我望出去，由呢度望落去，可以望到香港嘅建築物，好多，好細，有種天下在我腳下嘅感覺，「山頂?」
「好聰明呀~」佢笑咗一笑，「要唔要出嚟呀?」
「嗯，好呀。」我點點頭
佢幫我開車門，我落車，佢將嗰件西裝外套披喺我背上
「做咩突然上嚟嘅?」我企喺佢隔離，順手閂埋車門


「冇呀，見你瞓咗，我又唔忍心叫醒你，所以咪車咗你上嚟。」佢望向我笑一笑，「呢度都幾好呀~」
「明明係你自己想偷懶...」我無奈咁望住佢，但我突然醒起，我咁樣咪即係冇請假就唔番工，曠工!?
「我打咗番去講咗話見客，下就先番工。」佢向我微笑，「你一定又諗緊嗰D咩打番去請個假先之類嘅嘢啦!」
「勁啦你!比你睇穿晒啦!」我望向出面
呢個周樂恆，成日都睇穿晒我諗咩，真係冇佢符...
「我梗係勁㗎!你當我第一日識你呀?」佢一臉自豪，然後佢沉默咗一下，「若然當初冇嗰件事發生，我同你應該仲喺繼續喺埋一齊...你都唔會比葉子朗傷害...」
「呢D嘢都過咗咁耐啦~仲提嚟做咩呀~」我笑咗一笑，「過咗去嘅事就隨佢過去啦~」
周樂恆望住我，然後突然伸手拉我到佢身前擁我入懷中
「你同以前都一樣，冇變過...」
「有變㗎...只係冇喺你面前表現出嚟啫...」我輕力推開佢，我行前咗兩步，企喺木欄前面眺望，「人大咗，總唔會好似以前咁，咁天真，咁單純，一定會有所改變。經一事長一智，邊會有人真係一世單純?」
我望向出面嘅高樓大廈，然後再回頭望周樂恆，露出笑容
「每次錯失都係一個教訓，教識我要點樣再次企番起身，有時所有事都係一樣，學識去面對就夠啦...過咗去嘅事就已經過咗㗎啦~當初係你提出分手，我地都算係和平分手呀!就唔好再自責啦!」
「有時候我見到你就會諗起以前，就算係以前讀中學嗰陣，見到你，我都會覺得自己好衰，我咁對你，但你都會對我好，唔係...你對所有人都好。」周樂恆雙手插住褲袋，微微低頭望地下
「你唔好讚我啦!我會怕醜㗎!」我笑言
「邊個讚你呀...」佢無奈咁抬頭望我


我著住高踭鞋，企喺石地上面有D攰，我稍稍向前彎下腰，雙手㩒住膝頭，然後又企番直個人
「我地去食嘢，然後番公司啦！」佢打開副駕位嘅車門，等我上車
「好的~」我點點頭
「想食咩呀?」佢坐喺司機位扣好安全帶
「唔...無所謂啦~」我笑咗一笑，「食咩都得呀~」
「咁好啦~」佢笑咗一笑

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link