「叮噹~叮噹~」
門鐘不停咁響
我鬆開咗手,葉子朗一臉不爽咁望住我
「邊個咁唔識趣呀!」佢坐起身然後落咗床
我坐喺床邊,望住佢個背影
佢企喺大門前,但冇打開門,佢由防盜眼嗰度望出去
「邊個呀?」我細聲咁問佢
佢回頭望我,然後反咗個白眼,伸手拎起個空嘅湯壺
「坐埋一邊。」佢細聲咁同我講
我即刻坐咗去床頭嗰度


唔...應該係佢呀媽嚟
過咗一陣就聽到閂門聲
我小心翼翼咁探頭出去
「佢走咗啦...」佢話
「好嘅~」我灘喺床度
「咁係咪可以繼續?」佢望住我奸笑
「冇興致lu~」我吐吐舌頭
「唉~」佢嘆咗口氣,就瞓咗喺我隔離
「聽日測驗加油啦!」我突然開口講
「哎呀!唔好提啦!」佢攬住我郁嚟郁去


「聽日考個半鐘啫,比D信心自己啦!」我鼓勵佢,因為佢對呢D測驗成日都冇信心
「你知我冇聽書㗎啦!」佢仲夠膽大聲咁講,「點會有信心呀...」
「今日教咗你㗎...宜家重溫一下,坐好。」我坐起身,然後拍拍佢
我同佢打對面坐,我問問題佢答
......
「時間已到,請停筆!」老師企喺班房時鐘下低
我將試卷向前傳
老師收好所有試卷後就放小息
「ok嗎?」我細聲問葉子朗
「ok~」葉子朗露出笑容


睇嚟真係唔錯啵~
宜家只要等到老師派卷就知結果啦
......
三日後...
「方芷諾。」老師叫咗我個名,我行出去攞卷,「今次最高分呀!要keep住呀!」
「知道。」我露出笑容,望一望個分,係我滿意嘅分數
「葉子朗。」葉子朗行出去,「進步咗好多,繼續努力。」
葉子朗拎完卷就行番埋位坐低
「不錯喔~進步了~」我細聲咁講
「比你差...」佢不屑咁望咗我一眼,「份卷80分滿分,你就拎72,我先得53分...」
「呃...」我苦笑咗一下,「最多放學請你食嘢啦...當獎勵你啦...」
「好啦~」佢露出笑容
放學嗰陣,我留咗喺課室做功課
「喂!」
我抬頭,望到葉子朗好似好型咁插住褲袋企喺門口


「行得未呀?」佢問
「得啦...」我執好D嘢就孭書包走,「行啦行啦~」
我同佢行出學校
「你想要咩獎勵呀?我唔要嗰個㗎!」我事先聲明咗先
「咁...行住先啦~」佢話
「好呀。」我點點頭
我同佢行咗成個鐘,佢都未講到佢想要D乜嘢做獎勵
「點呀...想要D乜呀?」我問佢,「行到番嚟屋企啦!」
「係咪除咗嗰樣嘢,你都會比我,只要我話要。」佢同我面對面咁企
「係。」我肯定咁答佢,「除咗嗰樣嘢唔比。」
「好...」佢點點頭,然後深呼吸,「我想要你錫我一啖。」
「認真咩?」我望住佢,「淨係想我錫你一啖?」
「嗯。」佢點頭,「要呢個就夠啦!」
葉子朗竟然淨係要我錫佢一啖就夠!?唔似佢喎...
「你驚呀?」佢笑咗一笑,「我真係淨係想要呢個。」


「好啦...你講㗎!」我微微點頭
我向佢行近咗一步,左手捉住佢手腕,輕輕借力微微掂起腳尖
背後嘅橙紅色嘅天空好靚,有一層一層嘅漸變色,天空好似變成咗呢一刻嘅我同佢之間嘅襯托
我喺佢唇上輕輕落下一個吻,雙腳再次踏喺地上嘅嗰一刻,我抬頭,剛好同佢對望
如果呢一刻變成一張相片
大概會好靚...
~~~
大家嘅意見我都收到啦!
多謝大家支持我💕
希望大家會繼續追稿
有咩意見都可以提出㗎~
可以喺Google form,ig或者下面comment比我💕
我一定會定期回答大家
Follow我ig睇最下新動態啦!🤓
除此之外,大家都好心急想知女主最後會揀邊個


但唔洗急唔洗急!繼續追故,就知道㗎啦!
希望大家多D comment我啦!

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link