[愛情甜故] 因為一次睇到佢打飛機,所以我地變咗做炮友: 95.S238.當總裁與小員工打邊爐時(下)

「其實呢，大家唔洗咁嘅~放咗工，大家都係普通人啫~唔洗咁拘謹。」周樂恆開口話，「暢所欲言就得㗎啦~」
「咁我地就真係暢所欲言㗎啦...」阿Wind講完，佢地你眼望我眼咁
「得啦得啦~係咪去打邊爐呀~行啦~」周樂恆話，「去攞車呀!行啦!」
我行喺周樂恆隔離，佢地三個行喺我地後面
佢地坐喺後面嗰個三人位度
「你地可以講下嘢㗎!」我擰轉面望佢地
佢地點點頭
「總裁你同我地食飯會唔會好屈就，我地食大排檔㗎咋...」坐喺最左邊嘅阿Wind微微側頭
「係囉，總裁應該都係食慣高級餐廳嘅嘢...」坐最右邊嘅阿Wing都點頭示意同意
「講真呀，成日都食高級嘢唔慣，食慣咗茶餐廳嗰D，所以大排檔我ok㗎~」周樂恆笑起嚟


「吓!?」佢地個樣超愕然
「以前我同Venus放咗學成日去食茶記㗎~所以我食慣咗，反而食高級嘢就唔太慣。」周樂恆望一望我
佢地聽到之後，就即刻望住我
「以前讀書又冇話好有錢，所以咪食茶記囉~」我笑一笑
「原來你地以前...喔~」佢地三個好夾咁樣講
「哈哈...曾經啦~如果Venus比多次機會我，咁宜家都會係嘅~」周樂恆竟然認咗，我個心真係無言了
「好笑...」我無奈咁望住佢
「Venus~咁快D比多次機會總裁啦!」阿Wind伸手搭住我個椅背
「痴線...總裁講笑咋!」我伸手打佢手背
「Venus你咁睇我㗎!」周樂恆開玩笑咁講


「到啦!落車啦!」我話
我地行入大排檔，搵咗個位坐低
「食咩呀想?」周樂恆拎咗張點餐紙同鉛筆，「點都要有菜嘅~」
「生菜呀~大家都食㗎係咪呀?」我話
「係呀~要肥牛肥牛!」「魚蛋!呢間D白魚蛋好好食㗎!」「要埋個豆卜呀!」
佢地你一言我一語咁，睇嚟即刻就融洽了
「Venus你想食咩呀?」周樂恆問我
「食咩都冇所謂，你地點咩我都食嘅~」我笑咗一笑
「好啦~你地仲想食咩呀?」周樂恆問佢地，「不如你地剔呀~食咩就剔啦~今餐我請啦~」
「耶!多謝總裁!」佢地開心咁歡呼


大家叫咗一桶啤酒，一邊飲一邊食
明明係夏天熱辣辣，但同大家一齊打邊爐都唔覺得熱，反而覺得開心
同大家一齊咁樣食飯，就會諗起以前
「Venus食呢個呀!」阿豆將牛肉從個鍋入面夾出嚟放到我個碗度
「你唔食先?」我問佢
「你先啦~」佢笑咗一笑
就算失戀了，但我都開心，因為仲有一班好同事喺我身邊，上天都算待我不薄
做人最重要嘅係向前望，有D唔值得你回頭嘅事，就唔好再花精神去諗
要知道上天唔會要人絕望，月老令你斷了呢條紅線，大概係因為佢留咗個更好嘅比你
所以唔好折磨自己...應該繼續努力生活
歌詞都有得你睇啦
你快樂過生活 我拚命去生存
總之一句講晒，人要向前望
原來過咗成個鐘啦，枱面D嘢食都食得差唔多啦~
「埋單唔該!」周樂恆話


我地行到大排檔出面等周樂恆
「行得。」周樂恆行出嚟，佢望到佢地三個，「車埋你地番去呀!」
「唔洗啦~」阿Wing搖搖頭，「我地行嗰邊呀!我地搭巴士番去就得啦!」
「總裁你車Venus番去啦!」阿Wind笑言
「我地聽日見啦!」阿豆講完之後佢地三個就走咗
我同周樂恆企喺原地，然後對望，笑咗一笑
「去海邊行下?」周樂恆問我
「好呀。」我點點頭
佢揸車去到海邊，我同佢行落沙灘，我地坐咗喺一個石博上面
「一轉眼，就過咗咁耐啦...」佢突然慨嘆起嚟，「我同你呀...都唔再係當日著住校服嘅中學生啦...」
「嗯...係呀...」我抬頭望上去夜空
一轉眼...已經過咗咁耐啦...

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link