[愛情甜故] 因為一次睇到佢打飛機,所以我地變咗做炮友: 96.S239.被等待

人大咗，總係好容易會諗起以前
過去總會與未來掛勾，利用現在嚟回憶過去，然後展望將來
你會，我會，大家都會
「宜家出咗嚟做嘢，我先發現原來以前番學一D都唔辛苦。」周樂恆抬起頭笑咗一笑，「以前反而比宜家仲輕鬆。」
「係呀~以前真係幾好嘅~」我都笑咗一笑
「你宜家同葉子朗分咗手，你宜家打算點呀?」周樂恆又提起葉子朗
「冇打算點㗎，分咗手咪仲好~我都幾享受單身㗎~」我望向周樂恆，笑一笑
「有冇諗過識一個新嘅男仔?」周樂恆咁樣一問，我心底就感覺到佢想問D乜嘢
「你呀...又想講嗰樣嘢呀?」我雙腳曲起，右手嘅前臂放喺左手嘅前臂上面，雙手放喺膝頭上面，我側住頭咁靠喺自己嘅右前臂上
周樂恆望一望我，笑咗一笑，然後微微耷低頭


「Alvin，唔係得你了解我㗎，我都好了解你。」我微笑住咁望佢
「嗯...」佢笑咗一笑，「中三同你分開咗，我同佢亦分開咗，我一直都等緊你呀...直到宜家...」
比人等比人追，係幾多個女仔渴望嘅事?
比人等，仲要係一個長情嘅人，佢花幾年嚟等你，不望回報，只想留喺你身邊
有幾多人會被感動?
等待，永遠係最長情嘅告白
代表住嘅，係佢對自己嘅嗰一份情真，話比你聽佢對你乃係出自真心
唔用言語，只用行動同時間去證明比你睇，佢到底有幾中意你
喺我眼前嘅呢一個男仔，等咗我7年，佢冇要求過我要同番佢一齊，雖然會暗示比我知，話我知佢仲中意我，但佢從來都冇逼過我
佢對我係點，我睇喺眼內，眼見佢對我咁好，出自真心待我，我又何嘗唔同其他人一樣會心動


佢曾經不忠，背叛咗我，我祝佢幸福，但佢最後都係揀咗留喺我身邊等待我
我真係有一刻曾經想要答應佢，同番佢一齊，但我知道呢個時候並唔適合，係我唔適合
我唔想再開一段新嘅戀情，我都需要時間冷靜同復原
「我唔介意等，但希望你唔好疏遠我。」周樂恆一臉誠懇
「可以。」我點點頭，答應佢
「每日可以接你番工放工，我已經心足啦!」佢笑起嚟，「我真係唔係想逼你要同番我一齊，我只係想你知道，無論點都好，都有我喺你身邊。」
「嗯...我知㗎啦...」我輕輕一笑
「知就好啦!」佢點頭，「你幾時中意我，要同我講呀!知唔知呀!我一定會9秒9飛去你身邊」
我只係笑咗一笑，冇再講其他嘢
我其實明白，亦睇得出佢係中意我，一個男仔願意等待，就係最好嘅證明


真係好似TBB嘅肥皂劇咁樣，一個富家公子追一個窮家女孩
有錢仔中意咗一個住屋邨嘅女仔...
呢D劇集嘅結局就係，個男仔唔理屋企人嘅反對，排除萬難，同咗個女仔一齊
就好似嗰D童話故事咁，最後一定係話「從此以後，王子同公主就幸福快樂地生活下去了!」
但現實喎...
結局冇人知，呢D嘢冇人可以肯定
雖然話未來掌握喺自己嘅手中，但係又有邊個可以肯定自己嘅未來一定係如自己所願?
「我同你如果係真係真係有緣份嘅話，就算我地天各一方都好，我地最後都會喺埋一齊。但如果我同你係冇緣份嘅話，就算我同你只你喺對方身邊，我地永遠都係冇可能一齊。」我微微笑
「我相信我同你係仲有緣份，我同你嘅緣未斷㗎!」周樂恆一臉堅定
「嗯，我同你見番面，都係一種緣份引領。」我點頭同意
我深信，緣份會引領我去遇到啱嘅人
「番去啦!」我企起身，拍一拍自己條裙
「好呀!」佢企起身，笑咗一笑
未來嘅事，唔知呀!順其自然啦!
都係嗰句啦～緣份會引領我去遇到啱嘅人


「好啦，你早D番去休息啦!」佢停咗車
「嗯，知啦!」我落車，然後閂門，隔住個窗同佢揮手講Bye Bye
我行到番屋企樓下，我突然望到企喺燈柱下嘅嗰個人，然後我停咗喺原地

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link