[愛情甜故] 因為一次睇到佢打飛機,所以我地變咗做炮友: 107.S250.接受(上)

我點會咁諗㗎!我唔可以咁做...
畢竟都係有生命嘅個體，我唔可以奪去佢生存嘅權利
嗰一刻嘅諗法...唔可以再有!
我輕撫小腹，放心啦...
「Venus，周樂恆喺出面，佢好擔心你呀...」靜愉輕輕用力捉住我隻手，「個小朋友係佢嘅，咁就比佢負番起會應該要負嘅責任啦!」
「原來你係嚟做說客嘅...」我苦笑道，「我知點做㗎啦...」
「知就好啦...你睇下宜家，最後咪又係同番周樂恆一齊!」靜愉笑咗一笑
「兜兜轉轉...終究都係佢...」我慨嘆道
係咪一早就注定咗係咁?
緣份嘅嘢好難講...有緣自會相見，天意弄人?


兜兜轉轉，都係周樂恆，疑幻似真...
「既然兜兜轉轉都係佢，咁就要好好把握緣份啦~」靜愉笑咗一笑
「嗯...」我點點頭，一個下意識抬頭望向門口嘅瞬間，我望到周樂恆企咗喺門口，「你企喺嗰度做咩呀...」
「你地好好傾下啦~我喺出面等。」靜愉企咗起身，然後彎下身喺我耳邊講，「心平氣和。」
靜愉出咗去之後，周樂恆行到嚟我床邊
「企喺度做咩呀...你唔係要我抬頭同你講嘢呀嘛...」我低着頭，手摸住自己嘅小腹
「好好好...」佢即刻坐低，然後望住我
我地大家沉默咗一陣，但係好快佢就先開口講嘢
「Venus，不如你跟我番去見我爸媽。」佢一開口就係講見家長
「哈...吓?」我一頭霧水咁望住佢


「今次係正式嘅...真㗎!」佢坐上嚟床邊，用力咁捉住我隻手，「好唔好呀?」
我諗起靜愉叫我試下接受佢，我諗咗一陣
其實周樂恆...都唔錯呀!
溫柔，細心，體貼，對我好，顧家，孝順，有責任感...
全部都係佢嘅優點嚟...重要嘅係，佢對我，一!條!心!
佢比葉子朗好，一切都比葉子朗好...
我揀佢都係理所當然嘅事
我接受佢...亦未嚐唔係一件好事嚟
佢係BB嘅爸爸...負責任亦係必須嘅...咁我同佢一齊，都唔係錯事...
「嗯...好呀...」我輕輕點頭


「好!我去安排呀!」佢笑住咁講，我點點頭
喺醫院留咗兩日，我就出得院
星期五我又如常番工，嘩，我真係好勤力
星期五我帶咗佢番屋企，同我爸媽解釋...
「Auntie，uncle，真係好對唔住。」坐我隔離嘅周樂恆對住坐喺我地對面嘅爸媽講，「但我一定會對芷諾負責任㗎!」
「嗯...」我爸點點頭，然後語重心長咁講，「我地都知道你係一個咩人，咁既然你會對我地個女負責，咁就得啦...」
「嗯...」我媽都點點頭
「我聽日就會帶芷諾番屋企見我爸媽。」周樂恆話
去到第二日嘅晏就...
周樂恆揸車嚟接我，去到佢屋企大宅門口，都係有D緊張
「唔洗驚，以前都見過我爸媽㗎啦!係咪~咁所以唔洗咁擔心。」周樂恆伸手拖住我，然後行入屋
「咁但係...性質唔同...」我細聲咁講
一推開大門，就望到一個好大嘅客廳
嘩~我都忍唔住嘩咗出嚟
「爸，媽。」我跟喺周樂恆身後，去到飯廳


佢爸媽坐咗喺餐桌前，我恭敬咁微微彎腰
「Auntie，uncle...」
「芷諾都大個女啦~」佢呀媽拉住我去客廳坐梳化
張梳化都好好坐呀~軟綿綿咁樣~
「係呢，Alvin你有話有嘢要同我地講嘅?就係要帶女朋友番嚟見一見?」佢同佢呀爸都過咗嚟坐低
佢呀媽坐咗去另一邊，同uncle一齊坐
周樂恆坐咗喺我隔離，我有D緊張，所以捉住條裙
佢見到我咁，就捉住咗我隻手
「係咁嘅...芷諾佢有咗...而個BB係我嘅...咁所以我都要對佢同個BB負責任。」周樂恆開口講，「但我同芷諾...唔打算咁快簽紙結婚。」
「唔得!點都要簽紙!如果唔係，傳咗出去仲得了!?」uncle皺起眉頭，「陣間出面D人話我個仔搞大咗人地個肚然後個女嘅未婚懷孕咁點算?唔得!」
「Alvin，爸爸講得啱㗎...你有冇考慮到芷諾㗎?」Auntie一臉憂心，「芷諾，你點睇?」
「呃...」我一時之間唔知點答
「我同芷諾決定咗唔會簽紙住...」周樂恆拖住我隻手，等我個心平靜D
「你當人地係乜嘢，你簽咗紙，比個名分芷諾都好。」uncle講
「你都唔想出面D人亂講嘢㗎。」Auntie講


「爸，媽...我同芷諾再傾一下先...」周樂恆講完就企起身拉我行
佢將我帶到去佢房
「我都話咗，佢地唔會比㗎啦...」周樂恆解鬆咗佢條呔

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link