[愛情甜故] 因為一次睇到佢打飛機,所以我地變咗做炮友: 108.S251.接受(下)

今朝早...
我同周樂恆喺餐廳食緊早餐
「不如咁啦...我地唔簽紙結婚，等個BB出世之後先再算啦...」我用紙巾抹嘴
「我唔覺得，我爸媽會比...」佢望一望我
「始終我唔想咁快結婚，而且仲要為咗個BB先結婚...兩個人唔係真心相愛，結婚都冇意思。」我認真咁講
「晏就番去見佢地嘅時候同佢地講啦，等我嚟講。」佢無奈咁點頭
「嗯。」
......
「咁你有咩諗法呀?」我坐喺床上面問佢
「佢地就希望攞張紙啫，咁可以唔擺酒，一切從簡。」周樂恆話


「嗯...你決定。」我聳聳肩
一個月之後，我同佢去婚姻註冊處簽咗紙
我爸媽同佢爸媽都有嚟到見證呢一刻
喺交換戒指嘅嗰一刻，佢為我左手嘅無名指戴上結婚戒指
嗰一刻...感覺就好似要永遠失去自由咁...
「番去啦~」周樂恆伸手拖我
「去邊呀?」我問佢
「番我地屋企。」佢笑咗一笑，然後佢轉身望向我同佢嘅爸媽，「咁我地走先啦。」
「好啦好啦~去啦!」我爸媽笑咗一笑
「親家我地去飲茶呀~」佢爸媽同我爸媽講


我同佢上咗車，然後向新屋出發
「到啦!」佢停咗車
我落車，然後向上望...
嘩~半山區...豪宅呀!
「上去我地嘅新屋睇下中唔中意啦~咁快就停喺度!」周樂恆落咗車然後拉我行
嘩~玻璃大門，仲要係自動門...
上到32樓...一層得...4個單位?
我地行到去B室嘅門前，周樂恆拎咗條鎖匙出嚟，然後遞比我
「做咩呀?」我不解地側着頭
「你係呢間屋嘅女主人，我想你親自打開。」佢笑咗一笑


「真係?你唔開?」我遞番條鎖匙比佢
「間屋係我一早買定嘅，咁我又點會唔知入面咩樣?所以你開啦~」周樂恆將條鎖匙拎走咗，然後再放咗我手心上
「你開啦...」我笑起嚟，然後搖搖頭
「我地結咗婚㗎啦...我嘅嘢咪即係你嘅嘢~」佢伸手摸一摸我個頭
「嗯哼~結咗婚就應該聽老婆話，所以你開啦~」我笑住咁反駁佢
「好啦好啦...」佢無奈咁拎番條鎖匙開門
大門一打開，我嘩一聲就跑咗入去
「好大呀呢度!」我行去左又行去右
「呢間屋要嘅傢俱都差唔多㗎啦~」佢閂埋門，然後行嚟我隔離
「嗯~唔知點解，間屋入面嘅每一樣傢俱都好合我心~」我行去梳化坐低，然後四處張望
「當然合你心意啦...我係根據你中意嘅嘢，喜好去揀㗎...」佢坐喺我隔離
「嗯...」我點點頭
「芷諾呀...我以後會好好對你㗎啦...」周樂恆面向我坐，用力咁捉住我雙手
「我知啦~」我微微一笑，「我入去執下D嘢。」
「我去執啦!」佢拉住咗我，「你休息下啦!」


佢入咗房，而我就坐咗喺廳度睇電視
一切都會好起嚟㗎!
「BB唔洗驚~媽媽會陪住你㗎~」我嘅手輕撫着小腹


IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link