我愣住了,然後慢慢向後踏咗一步
「你番嚟啦…?」佢行近我,然後用力咁攬住我,「唔係我眼花呀嘛?你真係番咗嚟呀?」
「葉子朗…」我嘅意識逐漸清楚,然後吐出呢三個字
「我好掛住你呀!」佢更用力咁攬住我
「葉子朗…點解你會喺度…」我用力咁推開佢,逃出佢嘅懷中
「只係咁啱經過。」佢有少許嘅失落,「我走先啦…仲趕住番公司…」
佢講完就從我嘅身邊經過,我望住佢嘅背影,總覺得佢變咗好多…
方芷諾!你唔可以再比佢迷惑到㗎啦!
我提醒自己
我邁步踏上回家嘅路途



我打開屋企嘅鐵閘同木門,唔知屋企變成點呢?
我推開木門,即刻傳嚟陣陣溫暖感同安全感
屋企仍然係半年前嘅屋企,冇乜太大嘅轉變
我閂好門,將行李放埋一邊,然後行到去我自己嘅房門前,然後打開房門
我行入房中央,仔細打量每一個角落
我離開咗半年,但我間房仍然一粒塵都冇
一定係媽媽經常打掃,所以我間房先會咁乾淨
我唔喺屋企嘅日子,佢地一定係好掛住我,好擔心我啦…
我望到自己張大床,就一下子撲過去


「嘩~係我屋企張床呀!我好掛住你呀!」我大字型咁灘喺床上面
呢個時候電話響起,我擰轉身,面向天花板咁灘,然後望一望手機,睇下邊個打比我
手機嘅螢幕上面嘅來電顯示,聯絡人係「死人葉子朗」
我望住手機呆咗一陣,然後就將手機鎖屏…

「喂,做咩呀?又call我…」我話
「方芷諾!」佢大嗌
「唉…你又飲酒嚟呀?」我無奈咁問
「方~芷~諾~」佢不停咁叫住我個名
「唉…得啦得啦…等陣啦…」我放下手上嘅筆記本,然後孭咗個袋就出去


我去到佢屋企門口,然後拎鎖匙開門
冇錯,鎖匙係佢比我嘅
我一打開門,果然如我所料,佢又飲酒啦…
我閂好門,除埋鞋,放埋低個袋喺枱上面,然後我行到佢身邊
「葉子朗,你唔好再飲啦…」我將空罐掉落垃圾筒,然後將未開嘅放番入廚房,我行番嚟佢身邊,「你又做咩呀?」
「冇呀…」佢搖搖頭
「你以為你咁講我就會信你啦咩?」我扶佢上梳化坐好
佢灘坐喺梳化上面,我幫佢解開校呔同頸喉鈕
我眼尾稍稍瞄到佢合埋咗眼,然後我就縮咗手,然後望向佢
「飲咁多酒…傷身呀…」我用手輕輕掃佢嘅臉頰,然後喺佢唇上落下一個吻
點知下一秒,佢即刻伸手攬實我
「偷錫我呀?」佢笑咗一笑,佢塊面紅卜卜,好可愛,「仲想走?」
「你唔係飲醉咗㗎咩?」我鼓起兩泡腮
「有人錫咗我,所以我又冇咁醉啦~」佢笑起嚟
「死人葉子朗!」我喺佢心口到拍咗一下


「快啲錫多兩啖先啦!」佢講完就即刻攬住我嚟錫
「喂呀!」「嚟啦!驚咩啫?」
佢將我一下子拉到佢身上,我坐喺佢大脾之上
只不過尚未進入戲劇嘅精髓,我地都只係kiss一下
佢嘅雙手圍喺我腰上,我雙手搭住喺佢嘅肩膀上
「我…又中咗你嘅圈套啦…」喺分開喘口氣嘅時候我講咗一句
「咁咪好囉…」佢笑咗一笑
佢一下子就企起身,然後抱住我行到去枱邊,佢推咗我一下,我上身趴喺枱上面,下身站着在地上面
佢將條褲除咗落嚟,然後一手將我嘅底褲拉到小腿同大腿之間
喺佢入嚟嘅一瞬間,我並冇嗌出嚟,咬住牙關忍住咗
「我都話咗,你走唔到㗎啦~」佢喺我耳邊講咗一句

腦海中竟然淨出咗一段回憶片段
「方芷諾,你唔可以咁㗎!你唔可以再比佢迷到…」我同自己講
之前做咗錯事,唔可以再犯啦!


如果唔係你會後悔㗎!
呢個時候電話響起…
「Venus,你番咗嚟香港啦?」

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link