[愛情甜故] 因為一次睇到佢打飛機,所以我地變咗做炮友: 120.S305.再踏職場

其實大家都變咗好多，月亮都會有陰晴圓缺，人變咗又有幾奇怪？
我仍然係我，但唔再係以前嘅我啦…葉子朗都一樣
中學時代已經過咗啦…以前嘅四角苦戀，都只係一件小事
以前嘅我，唔係太天真咩？
葉子朗打一個電話比我，我就會即刻去到佢嘅身邊
唔理點都好，一個電話，佢講兩句，氹多兩句，我就心軟啦…就會即刻咩都唔理去到佢嘅身邊
女人被騙第一次是純真；第二次是無知；第三次就是愚蠢
我已經比佢騙了兩次，我又點可能比佢騙第三次？
我坐喺床邊，向後躺，瞓咗喺床上面…我合起雙眼…
我知道，我會放得低呢件事…


…
我換好衫，預起手袋，拎埋嗰幾袋手信就出門口
落到樓下，離遠就見到周樂恆㗎車就停咗喺前面，佢個人就企咗出嚟
我急步行過去，佢留意唔到我，因為佢睇緊手機
「喂！」我行到佢面前，「早晨！」
佢抬頭望到我，然後笑咗一笑
「歡迎番嚟呀～」周樂恆幫我打開車門
我上車扣好安全帶，佢上車坐喺我隔離嘅司機位
「唔好開車住…」我將啲手信放好，然後點點頭，「ok啦～」
「去散心都買晒嘢番嚟比同事呀？」周樂恆望咗啲紙袋一眼


「係呀～呢袋係你㗎！」我指一指最右邊嗰袋
「我都有份呀？」佢有少少驚訝，一臉期待，「買咗咩比我呀？」
「買咗你最愛嘅La Maison du Chocolat朱古力，本身諗住一人買一盒，但係知係你最愛，所以買咗兩盒比你～」我拎出嚟比佢望咗望，又擺番入去
「識得耐啲真係唔同啲㗎喎～」佢笑起嚟
「啱呀！識咗你都有8、9年啦！仲做埋你前妻啦～如果咁都唔知你中意食咩嘅話就真係…有啲唔正常啦！」我無奈咁笑
「我仲以為你番到嚟見到我會尷尬…」佢望一望倒後鏡
「尷咩尬呀～都過咗去啦…」我笑咗一笑，「以為我會嬲你？」
「哈…」佢笑咗出嚟，「你呀…又讀到我嘅心啦！」
「你之前講㗎嘛，我地一直都係咁心有靈犀㗎啦～」我笑起嚟，「其實一直都冇怪過你同嬲你，始終唔係因為你令我滑胎呀～或者係上天注定啦…」
「你冇怪我就好啦～」佢笑起嚟


「公司忙唔忙呀？」我問
「唉…工作狂真係工作狂呀！一番嚟就顧住公司事。」佢無奈咁講，「不過公司都係咁啦～同你走之前差唔多，都唔係話好忙好忙。」
「咁我諗都ok嘅～」我點點頭
「係呢，你有冇見過葉子朗呀？」佢突然間提起葉子朗
「哦，有呀～」我點點頭，「琴日見過佢。」
「你知唔知佢宜家喺我地嗰幢大廈番工…」周樂恆話
「哦…係咩…」我望向車窗外面，「佢搵到工咪好囉～」
「唔怕撞到正？」佢問
「唔怕呀～」我好爽快咁答佢，其實有少少擔心
不過唔驚啦～我諗我冇事嘅
「到啦，落車啦～佢地話攞咗位㗎啦～」周樂恆約㗎車泊埋一邊，然後行過嚟幫我開車門
我拎齊嘢然後落車，跟喺周樂恆後面
行到入去，見到阿豆，Wing同Wind喺度睇緊餐牌
「Venus！」Wing抬頭望到我，即刻就行嚟我面前攬咗我一下，「你終於番嚟啦～」
「係呀～我買咗手信比你地呀～一人一袋啦～」我將嗰三袋嘢放喺枱面


「多謝！」佢地即刻一人拎咗一袋
「我去個廁所，你地叫咗嘢食先啦！」周樂恆話
「Venus，總裁要食啲咩，我都唔知㗎～」阿豆話
「ok啦～我點餐啦～」我笑咗一笑
過咗一陣，周樂恆去完廁所行番出嚟
「點咗餐啦？」佢喺我隔離坐低
「嗯，叫咗個餐蛋麵，一杯凍奶茶比你。」我話
「好呀。」周樂恆點點頭
「你又番嚟同我地一齊啦～」阿Wind話，「少咗你一齊食lunch總係覺得唔自在呀～」
「就係囉…宜家番咗嚟就好啦！」阿豆都點點頭
「散咗心有冇好啲呀？」阿Wing問
「嗯！今次番嚟已經冇事啦～都要繼續生活㗎嘛！」我笑起嚟
「咁你同總裁…」

IG Link: https://www.instagram.com/nd_cotttoncandy/?hl=zh-tw


回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link