活喺世上,人應該要放眼將來,總係成日停留喺過去,只會令一個人停滯不前
世上所有嘅事都一直變緊,包括我,同你,仲有佢
周樂恆車咗我番屋企
「我地聽日番工見啦。」我望住周樂恆講
「嗯…」周樂恆微微點頭,然後露出淡淡的笑容
我企喺路邊,望住佢駕車駛走
睇嚟我要好好咁解決一下我同周樂恆之間嘅問題啦…

第二日嘅晏就,我就約咗葉子朗出嚟
「呢度。」我見到葉子朗喺餐廳門口


佢行到過嚟坐低
「今日做咩約我出嚟嘅?」佢問我
「我今日約你出嚟係想要解決我地之間嘅事。」我都唔轉彎抹角
「我地之間嘅事…」葉子朗苦笑,「仲有咩可以解決?」
「我都唔想轉彎抹角,直接宜家解決咗呢個問題,總好過一直都拖泥帶水。」我一臉認真,「我同你之間已經冇可能,你唔好再等我,唔好再浪費時間喺我身上。」
「嗯…」葉子朗輕聲回答
「我同你之間其實真係冇機會㗎啦…當年…」我諗起以前,然後窒咗一窒,「當年係年少無知,知道唔啱,但冇拒絕你,但宜家真係唔想再番去以前咁。」
「嗯…」葉子朗臉色一沉
「我同你亦已經試過好多試,機會亦都已經比夠啦,我地唔適合一齊就係唔適合,再係咁落去,對你同對我都唔係一件好事。」我繼續講
「唔係一件好事…講得真係好聽…」葉子朗抬頭望我,「由始至終,你都冇信過我係對你真心。由以前開始就係…」


「我冇。」我即刻答佢
「你有。」葉子朗冇比時間我解釋,「你冇信過我,你話完就完,每一次都係。以前係咁,宜家係咁,冇中意過對方嗰個係你!你唔係等嗰個你唔會明白!幾耐都好,我等你,你呢?你有冇等過我呀?你冇呀!咁多年都冇,因為冇咗我都好,仲有一個周樂恆喺你身邊陪你,等你。你享受比人等嘅過程,但冇諗過等你嗰個係幾痛苦。」
聽到葉子朗咁講,我個心瞬間揪了一下
唔係㗎…我唔係冇中意過你㗎…我都有中意過你嘅時候,有真心愛過你嘅時候
但點解每一次你都要我失望到極致呀?我唔明白呀…
我有等過你…我想同佢講,我有㗎…
當年佢仲同洛天恩一齊,我一直都等緊佢;我單戀佢,佢拒絕咗我,我等緊佢㗎
一直都等緊佢…
點解就要覺得我冇對你好過,冇愛過?
但我宜家唔可以感情用事…


「我有信過,直至你又出軌。」我簡單咁回答
你同我,本來就係兩個世界嘅人,但突然間有一日,我地又相見了,由冇交點嘅平行線成為咗有交點嘅兩條線…
我愛過,痛過,傷過,信過,我冇諗過你嘅感受,咁你有冇呀?

~~下一章會進入過去篇啦!~~

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link