[愛情甜故] 因為一次睇到佢打飛機,所以我地變咗做炮友: 129.S314.過去篇I

「喂！葉子朗！你唔好行住呀！」
一大清早，就見到葉子朗，同埋…企喺原地大嗌嘅洛天恩
「子朗！子…點解又係你㗎！」洛天恩望到喺佢身邊行過嘅我
睇嚟我又要無辜中箭啦…
「咩點解，大家都係番同一間學校，行同一條路。」我停咗落嚟望住佢講，「你估條路你行晒呀？」
我講完就直行
「你好嘢方芷諾！」洛天恩對住我嘅背影大嗌
其實我都唔想行呢度㗎，只不過因為琴晚喺葉子朗屋企過夜，所以今日先會行呢度仲要「咁啱」葉子朗喺前面
一番到學校，我同葉子朗前後腳入課室
我地同時番埋自己位度坐低


「我小息過嚟搵你呀子朗！」洛天恩喺門口大嗌
大家都同步咁抬頭望向門口
其他同學都竊竊私語，話佢地好sweet嗰陣，只有子朗一個係面無表情，仲要有啲唔耐煩嘅樣
我坐喺佢旁邊偷偷地咁笑
「笑咩啫…」佢細細聲咁講
「冇咩…」我頓時合上嘴，忍住唔笑出嚟，「你地咁sweet，有個咁嘅女朋友你女開心先啱呀～」
「開心個屁，仲煩過我呀媽…」葉子朗打開中文書
「溫中文啦你！」我打開中文書同筆記，「陣間今日retake個測驗又唔合格。」
「是旦啦…唔合格咪唔合格囉～」葉子朗一個頹樣，托住頭，完全冇在乎過呢個retake
「就考試啦，上心啲啦好唔好？」我白佢一眼，真係冇佢乎


「係喎，你唔講都唔知就嚟考試添…」佢如夢初醒咁，「幫我溫書嘅時候到啦！」
「又幫你溫，你自己又唔係唔識溫書…」我整理筆記，拎住螢光筆highlight番啲重點，方便之後溫書
「幫我啦…」佢望住我，然後擺出一副楚楚可憐嘅樣，「你都唔想我全部拎個1番嚟㗎～」
「又唔係考DSE，有咩問題…」我呢頭講完，就即刻知道自己講錯嘢，「唔係，有問題囉！」
「咁咪係囉～」葉子朗笑一笑，「所以幫我溫書啦！就咁話啦！」
我冇出聲話唔幫佢溫之類，因為就算我拒絕咗，到咗最後佢一定會死纏難打咁叫我幫佢溫書
…
午飯時間
「方芷諾，你張通告。」周樂恆企喺我個位前面
「你幾時入嚟㗎？」我一臉疑惑


「你專心抄筆記，梗係睇唔到我幾時入嚟啦！」周樂恆笑一笑，「張通告呢就後日交嘅，記得簽番嚟。」
「你又會嚟派通告嘅？」我接過通告，然後摺好放入功課袋
「係呀，做跑腿呀！四班嘅通告都係我派。」周樂恆話
「嚟緊考試一唔一齊溫書呀？」「唔一齊。」
我望向另一邊，葉子朗企喺個位隔離，睇嚟佢重測完
「佢應承咗我幫我溫書。」葉子朗一臉不屑
「我幾時應承咗…」我無奈咁望住葉子朗
「啱啱。」葉子朗用一副「唔幫我溫書就死」嘅表情望住我
「你咪有洛天恩囉，佢成績都幾好㗎。」周樂恆反駁葉子朗
「我同芷諾同班，所以要佢幫我溫，佢坐我隔離，好清楚我嘅進度到邊。」葉子朗坐低喺我隔離，「你讀書咁勁，自己溫咪得囉～」
望住佢兩個又係咁樣，再係咁落去，又要嘈一輪
「好啦好啦…唔好嘈啦…」我尷尬咁笑起嚟，即刻企起身同佢兩個講，「之後再算啦～」
周樂恆離開咗班房，行咗過隔離派通告，葉子朗一臉自豪
「你兩個可唔可以唔好成日都係咁…」我無奈咁講
「唔會比機會佢。」葉子朗話


「嗯嗯嗯…」我敷衍咁點頭
對住佢兩個有時真係好無言，高中啦！仲成個小朋友咁…
有冇一次係佢兩個見面唔洗嘈…

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link