[真人真事][校園][純愛]《總有一天，會再次遇見》: 第十一章

好快就去到十二月
亦即係就嚟到聖誕,
好快可以放假喇
正
有一日我同晞澄上堂,
就係喺度傾聖誕有咩做
我:「唔講唔覺返多一日就放假 」
晞澄:「又係喎可 」
我:「諗起都爽
可以訓晏啲 」




晞澄:「你聖誕有咩節目 」
我:「可以點
咪又係喺屋企打下機咁樣
睇下會唔會同出去行下咁囉.」
晞澄:「又打機
悶唔悶呀 」
我:「你話你係咪搏鬧
我玩得梗係唔覺得悶 」
晞澄:「日打夜打打死你 」
講完之後佢仲要扮鬼臉




我:「如果我係你啲兵,
應該會覺得你幾可愛
可惜我唔係 」
晞澄:「講左好多次我冇收兵呀
就算係要收都係收你
我諗起你條友做奴隸個樣就好好笑 」
我:「諗下好喇
係喎咁你又點過 」
晞澄:「我去日本呀 」
我:「同屋企人 」




晞澄:「嗯 」
我:「手信呀唔該 」
晞澄:「諗下好喇 」
我:「唔好咁小器啦
我不嬲知你人又靚女又大方
唔貪心可以擺得落口就得 」
晞澄:「有錢咪買囉
冇就係咁先啦 」
我心諗你條友咁串嘴
話晒都坐隔離丫,
同埋我要嗰啲手信都唔係好過分啫,
又唔係食左你隻車
女人都係蠱蠱惑惑.

跟住之後嗰日我地就開聖誕聯歡會




成班人都喺度玩啦,
即係一班戇居仔圍住個圈坐喺度
食菠蘿腸呀雞翼呀等等
同一般聖誕聯歡會冇乜分別
跟住食食下食到個芒果布甸,
原來又幾鬼好食
咁我就周圍問人地邊度買啦,
點知嗰條友話係晞澄自己整
我心諗唔係下話,
佢條友識整野食
唔係淨係識食菠蘿油咋咩
你話佢自己整菠蘿油我都信丫
芒果布甸真係有保留
肯定係嗰條友呃我
跟住我就梗係去問晞澄啦,




我:「啲芒果布甸喺邊度買 」
晞澄:「自己整架
係咪好好食呢 」
我:「快啲從實招來 」
晞澄:「你估好似你咩成日亂咁噏
真係自己整
唔信就算 」
佢咁講唔通真係堅
話之佢啦,
好食咪得
我:「如果你係講真嘅話,
咁又真係好乸好食 」
晞澄:「識貨,
定係其實你係有目的
依家扮晒嘢喺度讚我 」




我:「你諗多左喇
真係覺得幾好食 」
晞澄:「咁呀,
我屋企仲有幾兜
你仲要唔要 」
我:「又好喎頂你 」
晞澄:「你一陣喺我樓下等啦,
反正我一個都食唔晒
又就嚟去旅行,
俾你都好過揼落垃圾桶嘅 」
我:「咁又係呀,
起碼垃圾桶唔識擦你鞋 」
晞澄:「無聊鬼 」
跟住喺學校解散左之後,
我就同晞澄一齊行返佢屋企




行到去佢屋企門口,
我:「唔該你快啲,
呢度好q凍
我等耐啲都變雪條 」
晞澄:「你唔上嚟坐呀 」
我:「唔喇,
你快啲就得 」
晞澄:「咁好啦 」
事關小弟真係唔鍾意上人屋企
又唔知佢屋企有冇人喺度,
有嘅話就更加麻煩
如果我開口問佢屋企有冇人,
又驚佢亂諗野,
以為我真係一個變態佬
咁就唔係咁好啦,
所以我就索性喺樓下等,
果然佢好快就落左嚟
我:「又真係幾快 」
晞澄:「行樓梯落嚟架,
費事你凍親
陣間又問我攞醫藥費
你知你幾賤架啦 」
我:「頂你你又知我想點嘅
原來仲有三個
正 」
晞澄:「頭先有人問我仲有冇,
我都係呃佢話冇
特登留俾你呀
識做啦 」
我:「你想食菠蘿油呀嘛,
係咪呀小姐 」
晞澄:「近排醒左喎 」
我:「大家咁話啦
多謝晒拜拜 」
跟住我就走,
點知晞澄突然大聲叫我個名
咁我就梗係問返佢咩事啦,
晞澄:「聖誕快樂呀 」
都唔知好嬲定好笑好,
咁大聲叫我就係想同我講聖誕快樂
咁我當然要回禮,
我:「嗯,
聖誕快樂呀 」
跟住就真係返屋企.