[真人真事][校園][純愛]《總有一天，會再次遇見》: 第十章
同晞澄坐左個幾禮拜,
發現佢有一樣野好特別
就係佢用左手揸筆
你知我啦,
冇乜見識,
嗰陣就梗係覺得好驚訝啦
因為當時身邊冇一個人係用左手揸筆,
識嘅人入面唯獨係佢
我冇同佢講我知啦,
一嚟我唔覺得有乜野特別,
二嚟我覺得同佢講左都冇乜用,
咁樣好似狗公咁樣撩佢傾計啫
所以都係自己知就算
咁當然,
我喺度講得出嚟就梗係有用啦,
日後我會講架喇
容許我賣一賣關子先,
另一方面,
依家我同佢坐得咁近,
關係自然會漸漸咁樣提升
我嗰陣好單純,
淨係當佢一個朋友咁樣諗
完全冇非分之想,
不過佢都真係幾受男仔歡迎
可能始終本身都係靚女,
同埋”公認”性格好啦
老老實實我就唔覺得特別好
牙尖嘴利,
又麻鬼煩
不過大家frd得就梗係唔討厭
同埋我好少同女仔有偈傾,
佢算係比較少數嘅一個
因為我都話一個唔識搵話題嘅人,
即係一個悶蛋
所以由細到大咪冇乜女人緣
但係坐落有發覺同佢幾好傾,
同埋佢依家好少叫我就變態佬
多數叫我全名,
咁都好嘅,
變態佬呢個名點可以俾人知呀
一陣人地以為真係咪食屎
但係當初我地喺稱呼上面原來都發生左少少事,
其實就冇乜特別,
不過可以講下嘅
話說有一日小息,
我諗住問佢借本書,
想抄返頭先嗰啲筆記,
咁我就開口問啦
我:「喂晞澄借本書嚟丫唔該
」之後我見佢o左咀,
我:「做咩事
有乜野咁出奇
」晞澄:「你啱先叫我咩話
」我:「咪你個名,
咁我問你借野唔係講你個名,
係講邊個名呀醒目
」晞澄:「冇野覺得好出奇啫
因為好耐已經冇人咁樣叫我,
啲人都係叫我做Charlotte
即使係啲姊妹都係.」
我:「你知我英文屎
唔識讀你英文名嘛,
咪求其講你個中文名
」晞澄:「會唔會係咁呀
」我:「呃你做乜春
」晞澄:「咁好啦,
你自己抄啦
」之後佢就借左本野俾我,
我:「唔該晒呀大佬
」之後佢就笑容滿面咁樣行開左,
我都唔知佢笑啲乜.
之後佢嗰日好似癲癲地咁樣
成日都笑口噬噬,
就連我問佢野,
佢都竟然冇串同埋潤我
真係好難得
平時唔係咁架嘛,
搞到我都有啲驚,
呢條友肯定有蠱惑
我:「做乜今日咁開心
」晞澄:「係咩?
冇呀
」我:「你講呢句嗰陣都係笑住咁講呀大佬
仲話冇,
無啦啦發咩姣
」晞澄:「你就發姣
笑下都唔得咩
」我:「但你笑左成日喎
仲誇張過平時,
就連我你都冇串
難得你把口咁乖
」晞澄:「串你就應該嘅
不過今日就由你啦
」我:「好少可,
你係咪痴q左
」晞澄:「你想知咩
」我:「都係架,
等我八卦下都好
」晞澄:「放學同我去商場我話你聽
今日我要補習
」我:「頂你又想搵我笨陪你行
」晞澄:「唔想咪唔好陪囉,
我又冇乜所謂
」我:「廢話,
冇所謂你又講
」晞澄:「有人想知咩事嘛,
咁我都要睇下佢有幾多誠意想聽
」我:「我算,
當放狗
」晞澄:「最衰冇狗繩,
如果唔係實拖住你
」我:「你就係狗乸
」晞澄:「狗公
」就連我地喺度講呢啲咁無聊嘅野,
佢都係笑容滿面
放左學之後,
佢條蛋散話要去教員室搵老師
搵完先走得,
以免一陣唔知喺邊度等,
所以我同佢一齊去左教員室
落到去原來佢搵班主任,
班主任:「xx賢你陪Charlotte呀
」我:「鬼得閒陪佢
又唔係靚女,
不過有求於佢就算啦
」班主任:「你講真定講假,
Charlotte咁靚女都話唔靚
」晞澄:「人地眼角好高呀
我呢啲級數佢梗係睇唔上眼
」班主任:「唔係掛,
聽埋好多男仔喺你身邊周圍轉
.」晞澄:「梗係唔係啦
」我:「佢容易俾人搵笨啫
」班主任:「xx賢你把口呢
睇嚟你地感情都唔錯,
咁好心你就快啲搵Charlotte佢請教,
你知你啲英文架啦
」我:「盡量盡量
唔好講咁多啦,
你地做埋正經野先
」晞澄搞掂之後我地就行去商場個方向,
晞澄:「真係咁想知
特登等埋我都要聽
」我:「因為你今日真係好少有
你知你平時幾鬼牙尖嘴利
」晞澄:「對住你條友咁樣係好正常
唔串下你真係唔舒服
」我:「你都真係痴痴地線
」晞澄:「講俾你聽都唔係唔得,
不過唔準同人講
」我:「同人講你都未知啦
」晞澄:「又係喎你條友咁鬼奸
」我:「放心從來唔呃女人
真係唔會講
」晞澄:「雖然你好唔可信,
不過我當啲人買六合彩咁樣,
明知機會微都會信
」我:「你夠秤買咩
」晞澄:「daddy媽咪問我攞冧把嘛
」我:「哦,
得啦
唔講出去呀
」晞澄:「嗯,
其實呢,
頭先我聽到你叫我做晞澄嗰陣,
我個腦諗返好多野
已經好耐冇人咁樣叫我.」
我:「跟住呢
當吹下水都好呀,
一路行冇野講好唔過癮
」晞澄:「話說以前我爺爺好錫我
次次見到我都會叫我做晞澄,
不過佢係我小六嗰陣就走左
跟住就冇人咁樣叫我,
小學,中學啲人都係叫我個英文名,
咁我覺得冇所謂嘅
都係一個稱呼啫,
但如果真係揀一個嘅話,
其實我鍾意啲人叫我做晞澄多啲
」我:「扮大方
」晞澄:「唔通人地叫我個英文名我就唔睬人咩
」我:「你成日都咁串架啦
」晞澄:「唔係喎,
對住你先係咋啵
」我:「你就係因為咁樣而咁開心
」晞澄:「係呀,
我諗返起細細個爺爺叫我個名,
同我落公園玩嗰啲情景,
嗰陣真係幾開心架
」我:「你真係好幻想
同埋又好奇怪,
竟然會因為一個稱呼而開心
都唔知話你咩好
」晞澄:「乜開心都有定律嘅咩
呢啲嗰個唔同架嘛
」我:「咁都係嘅
」晞澄:「到你講返喇
」我:「你想我講乜
」晞澄:「乜都求其講下啦
」我:「冇喎,
我冇你咁好幻想力
聯想到咁多野,
不過細細個嗰陣其實都真係幾開心
明明嗰陣做嘅野都係冇乜特別.」
晞澄:「去到遲下,
愈大個嗰陣你就愈明呀
」我:「可能係掛
」晞澄佢冇講錯,
愈大個真係會愈明白呢一點,
不過唔同嘅係,
以前我口中嘅細個,
淨係指幼稚園嗰陣,
依家口中嘅細個,
係包括埋中學小學嗰個年代
人,
始終都係眷戀以前.