[真人真事][校園][純愛]《總有一天，會再次遇見》: 第十七章

跟住第二日返到去,
上到班房就見到成班人喺度派朱古力
我都有份收
真係人間有愛
不過呢粒就唔係晞澄派
嗰個女仔幾好人,
雖然唔係話好靚女,
但係識落幾nice
如果唔係nice,
都唔會派俾我啦係咪先


講開晞澄,
佢仲早返過我
我坐低咗之後,
我就見到佢同其他人喺度傾計,
可能佢地傾得太投入,
完全唔知我返左嚟
呢個時候就梗係偷聽啦
同學a:「charlotte你尋晚整到幾點呀 」
晞澄:「好夜呀
點半先上床瞓 」


同學b:「你整咗好多咩 」
晞澄:「係呀
一年一次咪整多啲囉 」
同學a:「咁搏命想送俾邊個啫 」
晞澄:「冇呀,
成班人一齊食咪仲開心 」
同學b:「咁大方
唔似你喎 」
晞澄:「不嬲都咁大方 」
同學b:「又係嘅


頭先我都係講下笑啫 」
晞澄:「你地整咗咩味 」
同學a:「冇呀,
都係去買嗰啲即食朱古力
跟住整溶佢再自己整第二個形狀咋 」
我聽到呢度心諗,
呢條友咁q懶嘅
買啲朱古力返嚟整溶佢再倒落去第二個模,
傻都識啦下話
同學b:「唔怪得你咁快啦 」
同學a:「冇時間係咁架啦 」
晞澄:「我尋日買咗好耐呀 」
同學b:「買咩呀 」
晞澄:「朱古力同埋奶囉,
我鍾意食多啲奶丫嘛 」


同學b:「咁唔怪得你整到咁夜,
你就係整牛奶朱古力 」
晞澄:「係呀 」
佢條友果然冇整杏仁朱古力
仲話坐隔離位
少少野都唔肯整,
失望
不過你地又唔怪得我嗰陣咁樣講,
事關我真係唔識整野食
就係咁無知架啦,
以為好方便丫嘛
跟住我見到嗰兩個人都有食晞澄整嗰啲朱古力
同學b:「好好食呀 」
同學a:「真係 」
晞澄:「我原本仲驚太甜添 」


同學a:「你整甜品真係好勁 」
晞澄:「都係左抄右抄咋 」
扮謙虛
可恥
睇穿佢啦

跟住終於上堂喇
晞澄:「嘩你幾時坐喺度架 」
我:「啱啱返咋嘛 」
晞澄:「行路冇聲嘅 」
我:「你聾咗呱
有冇整朱古力呀 」
事關佢唔知我偷聽,
所以頭先聽嘅野我要當冇聽過
晞澄:「有呀 」


我:「我嗰啲呢 」
晞澄:「咩叫你嗰啲 」
我:「尋日唔係叫你整杏仁朱古力咩 」
晞澄:「痴線你叫我整就整
買唔到喎
得牛奶你要唔要 」
原本我就冇所謂嘅,
不過你條友咁串,
我就打死都唔食
做男人梗係要有骨氣
我:「唔食喎.」
晞澄:「咁唔好食
多多要求,
麻煩友 」
我:「心都噏埋


坐隔離位,
少少朱古力都唔肯整 」
晞澄:「係咁架喇
你試下搵第二個睇下有冇整囉 」
我:「有嘅話呢,
你鼻哥塞落去俾我睇 」
晞澄:「無聊
搵到先算啦 」
我:「點會搵唔到 」
晞澄:「睇下點.」