[真人真事][校園][純愛]《總有一天，會再次遇見》: 第二十三章

我地離開左狗公嘅視線範圍之後,
我就二話不說拎袋金幣出嚟
我:「依家去玩呀,
我請埋你當係陪罪 」
晞澄:「有話得閒咩 」
我:「唔理你喇,
反正都換咗
玩咗先啦,
早啲去冇咁多人 」
晞澄:「等陣先啦.」




唔通佢真係咁嬲
竟然連玩都唔去
我:「仲嬲緊
唔好嬲啦 」
晞澄:「大哥咁我都要打返去屋企先架
原本我諗住補完就即刻走 」
我:「好
慢慢啦 」
終於成功咗
之前幾驚佢仲係咁記仇




玩得即係冇野啦,
咁都好啲
我:「肚唔肚餓
使唔使食野先 」
晞澄:「玩咗先啦
好耐冇去過喇
難得有人請仲唔即刻去呀 」
話咗佢鍾意架啦
大家都係中學雞,
點會唔知




之後入到去我地就樣樣都玩下,
晞澄:「玩氣墊球 」
我:「你輸梗啦
反應咁慢 」
晞澄:「輸咗請食野
夠唔夠薑玩 」
我:「怕你有牙 」
晞澄:「你話架 」
原來佢玩氣墊球好勁
反應超快
估唔到女仔原來玩呢啲都咁叻
最後竟然俾佢大炒
肯定係造馬
晞澄:「多謝晒喎 」
佢講呢句個樣仲要非常串嘴




好彩我脾氣好,
如果唔係即刻拎起個氣墊球飛埋去
我:「你勁 」
晞澄:「唔好走數呀 」
我:「得啦,
幾時走過你
驚死食唔切咁 」
晞澄:「有人請喎,
梗係驚啦 」
就係咁我就輸咗

行行下之後見到扔彩虹嗰度有個小熊維尼公仔
原來晞澄好鍾意
晞澄:「你望下幾得意 」
我:「咪又係咁 」




晞澄:「同你講真係嘥氣
快啲扔彩虹啦 」
之後我地就去扔彩虹,
我唔記得要中綠色定係藍色先至會有小熊維尼公仔
總之係好難架啦
我同佢就一齊扔,
晞澄:「你得唔得呀 」
我:「痴線點會唔得
一定幫你扔中
你諗定返到屋企擺邊度啦 」
晞澄:「信住你先 」
我真係好後悔自己口出狂言
因為玩落去先至發現真係好難
基本上係冇一次中範圍,
玩到都冇晒錢




晞澄:「算啦唔使啦 」
我:「痴線冇錢咪再入
你企喺度幫我霸位先 」
跟住我就再去換一百個代幣,
點解得一百個
因為再換多啲嘅話,
一陣就唔可以請晞澄食野
鬼叫小弟窮咩
跟住返到去,
晞澄:「你換咗好多喎 」
我:「梗係啦講咗幫你扔中
從來唔吹水 」
晞澄:「傻仔 」
我:「睇表演啦 」
點知原來真係好難




喺度入面嘅金幣,
愈扔就愈少
由初初嘅一百個,
去到得返最後五個
我:「你睇住啦,
呢五個就係關鍵
頭先嗰啲只係熱身 」
晞澄:「我不嬲都信你架 」
當然啦,
世事點會咁盡人意
最後嗰五個就梗係唔中啦
應該話中唔到晞澄想要嘅嗰個公仔,
因為其實我係扔中咗野
就係一支原子筆
真係頂你個肺
用咗二百蚊買咗支筆返嚟
我:「對唔住呀姐姐
我真係冇錢扔
再去換嘅話陣間就唔可以請你食野,
你知我不嬲窮啦 」
我諗住佢會係咁鬧我點解咁渣
點知竟然唔係
晞澄:「唔緊要啦
都起碼有支筆 」
我:「仲好講
用咗二百蚊買咗支筆返嚟 」
晞澄:「唔係呀,
呢支筆我一定會用
辛苦晒你 」
我:「竟然唔鬧我
轉咗性 」
晞澄:「點解要鬧你 」
我:「中唔到個公仔囉,
你唔係好鍾意咩 」
晞澄:「有時有啲野唔係睇結果嘅 」
我:「頂你講到咁玄 」
晞澄:「其實過程都好緊要
唔好咁表面睇結果啦 」
我:「唔睇結果咁樣睇乜野 」
晞澄:「唔使我同你講,
第日你就明
自己領悟好過我講啦 」
我:「或者啦 」
晞澄講得冇錯,
日後我真係明白係咩一回事
以前自己真係好低能,
睇野太過簡單,
結果雖然係重要,
但原來途中嘅過程,
都仲有好多好靚嘅風景,
或者結果唔會令你如意,
但至少過程入面會有好多意想不到嘅驚喜
呢啲驚喜已經足以烙印喺你個腦海度,
永世難忘.