[真人真事][校園][純愛]《總有一天，會再次遇見》: 第二十四章

我:「食糖水好冇 」
晞澄:「好呀,
有人請食乜都得 」
我:「其實唔使咁強調有人請 」
晞澄:「嘻嘻真係唔知你邊度嚟嘅自信 」
我:「鬼知你咁勁咩
知嘅話我就唔同你鬥,
我以為女仔一般都係手腳好鈍架嘛 」
晞澄:「你之前同其他女仔玩過 」
我:「冇


都係我估啫.」
晞澄:「係喎,
識你咁耐未問過你啲感情史 」
我:「坐低先講啦問 」
之後我地就入咗去糖水舖,
好快就落單,
晞澄:「一個楊枝甘露 」
我:「海底撈嘢 」
叫完野食之後,
晞澄:「快啲講啦 」


我:「講乜 」
晞澄:「頭先我問你嗰啲呀 」
我:「哦記得喇,
冇喎
真係冇乜特別鍾意邊個 」
晞澄:「實係咁啦 」
我:「講真真係冇,
咁多年未試過鍾意人
見係你先同你講
毒男一條


邊度會有憧憬拍拖,
況且我都覺得拍拖好煩
都係自由啲好 」
晞澄:「真係一個對象都冇 」
我:「冇呀
我知你一定有
快啲講 」
晞澄:「冇喎 」
我:「咁多裙下之臣,
點會一個都係睇唔啱呀 」
晞澄:「佢地當我朋友姐啫 」
我:「唔係掛
你咁樣呃自己 」
晞澄:「真心覺得拍拖呢樣野寧缺勿濫 」
的而且確嗰陣收兵嘅風氣冇依家咁嚴重,


有啲女仔真係好似晞澄咁樣諗
當然啦依家好少女仔會有呢個諗法
始終一代真係唔同一代,
我:「點都有鍾意嘅人呱 」
晞澄:「唔講呀 」
之後我見到佢個樣極度尷尬,
面又紅埋,
九成九有啦
我:「邊個嚟啫
放心真係唔會同人講 」
各位一定講過呢句野
當你想知道秘密嗰陣,
一定會話唔會同人講,
晞澄:「食野啦你
八卦 」


我:「講少少特徵,
我識唔識架 」
晞澄:「唔知呀
冇呀 」
我:「唔講就算 」
晞澄:「呢啲點會同人講 」
我:「你都會怕醜 」
晞澄:「痴線咩叫我都會 」
我:「耳仔幾靈敏喎 」
晞澄:「梗係啦,
你咁陰濕
梗係要專心啲聽你講野
真係冇試過鐘意人 」
我:「小學雞年代叫做有好感囉,
不過我諗唔算係鍾意 」


晞澄:「最後有冇結果 」
我:「冇呀,
擺明我就係嗰啲單戀人嘅毒男 」
晞澄:「睇唔出喎 」
我:「你有好多野都唔知添.」
晞澄:「可能你會改變初衷呢 」
我:「或者啦.」
有時我都覺得,
晞澄嘅預言真係好準
好多野之後都一一驗證,
冇得唔服佢
之後我地準備埋單,
點知晞澄極速行埋去俾錢
我都呆咗一呆,
我:「咪話咗我請 」


晞澄:「爭住先啦 」
我:「點解呢 」
晞澄:「我知道頭先有人用咗好多錢換金幣
我又唔鍾意欠人咁多野,
你下次唔好走數呀 」
我:「得喇 」

之後我就送佢返屋企,
途中我地當然喺度傾計啦
晞澄:「話時話點解你會無啦啦出現
咁啱經過 」
我:「你個好姊妹同我講架嘛 」
晞澄:「呀穎真係丫 」
我:「點呀唔嬲喇下話 」
晞澄:「唔係喎 」
但其實佢講呢句嗰陣係笑住講
我:「你個樣出賣咗你 」
晞澄:「你呀,
下次唔準再咁樣
我咁信你你就出賣我 」
我:「仲敢出賣你咩
你咁鬼記仇 」
晞澄:「鬼叫你一路唔道歉呀 」
我:「點道歉呀
你個樣食咗火藥咁樣
仲敢撩你傾計 」
晞澄:「總之下次唔準呀
如果唔係到時真係反面 」
我:「下次唔玩啦
玩咗一次就夠
再玩就唔好玩 」
晞澄:「你真係
呢啲都掛住玩
激死,
不過今日都真係幾好玩嘅
多謝你呀 」
我:「應該嘅應該嘅
如果唔係我啲功課就大鑊 」
晞澄:「唔理你咩原因啦嘻嘻 」
我:「話時話你同呀穎識咗幾耐
你地咁friend嘅 」
晞澄:「我地係幼稚園同學
大家媽媽都係friend底,
識咗十幾年 」
我:「原來咁犀利架 」
晞澄:「我都好慶幸自己有個咁好嘅姊妹 」
我:「我就冇你咁幸福 」
晞澄:「咁有陣時朋友又唔係淨係睇識咗幾耐嘅 」
我:「你有你嘅道理,
或者啦 」
晞澄:「咁好啦,
星期一見啦拜拜 」
我:「拜拜 」
之後我都返屋企,
依家諗返起,
原來以前嘅自己,
都真係幾有傻勁
為咗女仔一句說話,
用咁多錢去換金幣呢啲咁戇居嘅野,
都竟然肯照做
依家一定唔會咁咯,
每樣野衡量過先,
多咗一份穩重,
同時亦都少咗一份驚喜
或者咁講啦,
每個男仔,
都總會有一個令自己心甘情願,
不斷改變底線嘅女仔
有啲人可能有好多個,
但我去到依家廿幾歲就嚟三張,
我都可以好肯定只有一個,
就係中學時代嘅嗰一個女仔.