[真人真事][校園][純愛]《總有一天，會再次遇見》: 第三十二章

跟住我地就返屋企啦

都係照例我送佢啦

基本上我同邊個行都係會咁樣,

男又好女又好

除非真係好唔得閒啦,



唔好話我係狗公呀

一路行嗰陣我地就喺度傾計

晞澄:「中六你唔喺度我仲可以搵邊個笨 」

我:「你要搵嘅話大把啦

小姐唔好搞著我啦 」



晞澄:「搵你笨過癮啲 」

我:「成日話人變態

其實你先係 」

晞澄:「你條友真係好好玩

如果你咁樣諗會好過啲嘅我都唔反對 」



我:「痴線 」

晞澄:「好耐冇食過菠蘿油喇,

請我 」

我:「痴線你自己冇錢咩

你真係天真竟然當我係你嗰啲觀音兵 」

晞澄:「你都傻嘅

我真係想收你做兵就唔嗌你請菠蘿油啦

同埋再講多次我係冇收兵 」



我:「點q知你呀 」

晞澄:「唔該丫唔該丫 ,

突然間好想食 」

我:「菠蘿包啦我想慳兩蚊 」

晞澄:「嗰兩蚊我幫你俾囉好未 」

我:「啱啱先食完又食

不過我都有啲餓 」



晞澄:「請返你囉好冇 」

我:「有錢請人冇錢俾自己

你真係好無聊 」

晞澄:「你識乜野呀 」

結果我地兩個真係去買咗菠蘿油

仲一路行一路食,

我:「話說你食咗菠蘿油幾耐 」

晞澄:「細細個就已經食 」



我:「真係咁鍾意

食咗十幾年都唔厭 」

晞澄:「其實呢,

有時食野唔係淨係食本身嗰樣野 」

我:「你講乜呀老友 」

晞澄:「唔知你會唔會啦,

唔止係食野,



聽歌都係

唔知點解食某一樣野又或者聽某一首歌嗰陣,

就會諗返起以前第一次食或聽嘅時候

透過呢啲野嚟回憶返以前嘅自己 」

我:「梗係唔會啦邊似你咁有感觸呀

我就好簡單,

食就淨係食 」

晞澄:「可能係我問題啦,

亦都有可能你遲啲都會有同樣經歷 」

我:「係咩 」

晞澄:「唔知啦 」

我真係不厭其煩講多一次,

晞澄真係好有先見之明.

跟住落嚟成個八月嘅星期一三五,

我就會同晞澄去溫書

有時星期一有幾個同學都會嚟

包括晞澄嘅好姐妹呀穎

另外仲有幾個同學,

嗰啲都係書蟲嚟

原本我都想叫呀邦嚟,

但係佢條友話想喺屋企溫多啲

同埋唔想阻住我喎

呢條pk又抽水

不過老老實實嗰班同學甚至係晞澄有時都好俾心機教我

完全冇嫌棄過我

呢點真係好多謝佢地

調返轉嘅話我一定會鬧返呢啲人

咁都唔識唔係下話等等

同埋睇得出佢地真係嚟溫書而唔係嚟溝女

咁既然佢地咁認真,

我扮野又好費事阻住佢地都好

我自己都要認真啲啦費事影響氣氛

事關呢啲人真係好衰格

我話得人衰格自己都唔會做啦

而星期三五多數都係得我同埋晞澄

晞澄呢條友真係好搏命

星期二四就同呀穎溫

一三五就同我

我都有叫晞澄,

平時我地出嚟溫書嗰陣叫埋呀穎咪得

點知佢條友話我懶醒

跟住我都唔講

由得你啦

頂唔順嗰陣冇人可憐你

佢口口聲聲話唔會喎

之後我都冇理佢喇

有時溫得耐咗夜晚就會一齊食飯,

我仲好記得第一次食夜晚飯嗰陣

晞澄:「其實你條友真係唔係蠢

加油呀 」

我:「仲有半年咁快加油

去到三月嗰陣咪冇油 」

晞澄:「講下野鼓勵你又唔得嘅 」

我:「咁係丫嘛 」

晞澄:「不過估唔到你條友真係會出嚟 」

我:「我呢啲君子不嬲都唔講大話 」

晞澄:「原來兜個圈係想話自己係君子 」

我:「唔係你估

不過都要多謝你教得好嘅係咪先

咁樣講滿唔滿意 」

晞澄:「ok啦 」

事後諗返起,

原來有條友陪你一齊衝會考都真係幾得意

起碼去到依家諗返起會考嗰陣,

都會諗返起以前有條友喺你隔離,

的確係要多謝晞澄嘅.