[真人真事][校園][純愛]《總有一天，會再次遇見》: 第三十三章

去到八月中

亦即係就快去到小弟嘅生日

當然啦,

之前都講過,

晞澄係大我十日



咁樣喺佢生日

其實我都冇做特別野

淨係同佢講咗聲生日快樂就算

事關我真係唔識同人慶祝

加上佢都好似有節目



咁就無謂搞到咁大陣仗啦

冇記錯我嗰日買咗支檸檬茶俾佢做生日禮物

事關一路飲野一路溫書真係好正

原本我以為佢呢條友會嫌棄

點知又唔係喎



佢好似估唔到我會咁樣做,

成個樣都好有驚喜

跟住嗰日全日都喺度笑口噬噬

我:「今日你牛一你最大,

不過唔使咁開心下話 」

晞澄:「你知啲乜丫 」

我:「我就真係唔知

老實講我冇咁多錢買禮物



頭先嗰包檸檬茶粗粗地頂住先啦 」

晞澄:「唔使送禮物啦 」

我:「竟然 」

晞澄:「你當我唔想欠你野啦 」

我:「你自己話架

咁我唔係其他野㗎喇

又或者下年先 」



晞澄:「嗯

多謝你句生日快樂 」

我:「一時間咁客氣唔知點好喎 」

晞澄:「冇野喇你條友,

都係唔鬧唔舒服嗰種

死蠢死蠢死蠢 」

我:「我見今日係你生日

忍你 」



晞澄:「死蠢死蠢死蠢 」

我:「今日由你鬧

如果你有命過到聽日都仲係咁,

你就知味道呀 」

晞澄:「我使驚你 」

我:「嚟丫嚟丫 」

晞澄個生日就係咁樣完咗



完全唔隆重,

同埋正如我所講,

我真係諗唔到要做啲乜丫嘛

至於去到我生日

我記得當年正日係禮拜二

平時嘅禮拜一三五晞澄都會約我出嚟溫書,

嗰個禮拜都唔例外

咁樣喺禮拜一,

我同佢就照舊去咗圖書館啦,

正當黃昏,

我地溫完書,

諗住返屋企嗰陣

點知晞澄叫停咗我

晞澄:「你去邊 」

我:「返屋企囉做咩 」

晞澄:「有冇野做 」

我:「冇嘅 」

晞澄:「咁就得喇 」

我:「頂你講白啲好唔好 」

晞澄:「今晚約你食飯

順便當慶祝你生日 」

我:「唔使啦

使乜搞咁大 」

晞澄:「話咗咁就咁啦咁婆媽

定其實你唔想 」

我:「唔係唔想

不過成日凝住會俾你捉住痛腳 」

晞澄:「呀生

你啲幻想力會唔會太豐富 」

我:「好難講呀 」

晞澄:「嚟啦去附近行下先啦 」

我:「咁你等我打返俾屋企先 」

晞澄:「好 」

講完之後我地就喺附近行,

因為嗰陣大家都未肚餓

雖然附近嗰個商場成日都行

不過有時行商場都係志在吹水嘅啫

你估真係想睇野咩

當然晞澄間唔中都會入去啲舖頭啦,

試下衫咁樣

咁多數我就喺出面等佢

佢又唔似一般女仔,

成日喺度煩住我問邊件好

佢好似對自己嘅眼光好有信心咁樣

咁樣事實上又真係唔錯嘅

起碼我覺得順眼先

不過佢都係試多過買

我:「點解唔買 」

晞澄:「望望下又唔覺得靚到一定要買 」

我:「你真係麻q煩 」

晞澄:「關你鬼事咩

有少少餓不如依家去食野啦 」

我:「你話點就點囉 」