[真人真事][校園][純愛]《總有一天，會再次遇見》: 第五十一章
結果嗰一晚喺屋企食完飯就出咗去
之後再根據晞澄俾我嘅地址出發
原來唔使搭車都去到
當然搭車會快啲嘅,
但係夜晚咁樣自己一個行其實幾舒服
又唔算好熱
都有啲風吹下,
咁咪早少少出門口慢慢行過去囉
之後去到我就喺門口等佢,
大約五分鐘後晞澄就出嚟
佢一出嚟就見到我,
之後就同我打眼色,
叫我望過去另一個男仔度
我估佢叫我望嗰個男仔
就係今晚纏住佢嗰個,
一望過去,
普通一個四眼仔冇乜特別
唔係原本諗嗰種mk仔
套用返依家嘅講法,
佢似係一個文青
之後我見到呢個文青狗公,
一見晞澄行出嚟就即刻搵佢
文青狗公:「Charlotte你今日真係唔得閒
我依家除低件制服就可以走得
好快咋喎
」之後晞澄行咗埋嚟我嗰度,
仲翹住我隻手
將個身挨埋嚟
細細聲同我講:「扮住野先
」咁我嗰刻就知咩事
不過咁,
雖然話就話係扮野啫,
但依家有女仔挨埋嚟我嗰度
都係第一次
何況呢個仲要係我自己鍾意嘅女仔,
咁梗係更加緊張啦
但係我又唔可以將緊張嘅表情擺喺個樣度
咁樣嘅話就會俾晞澄察覺
亦都會俾狗公文青發現我地係做戲
咁就幫唔到晞澄啦,
所以我一定要控制好情緒
不過嗰個衝擊真係好大
我完全冇諗過佢咁樣做,
之後佢就同返狗公文青講
晞澄:「唔好意思呀今晚真係約咗人
」文青狗公:「呢個男仔係
」佢指住我講
晞澄:「我男朋友呀.」
估唔到晞澄玩到咁大
咁樣都講得出口
好彩我同佢熟先至唔尷尬
如果唔係陣間都唔知點算
文青狗公:「咁好啦唔阻你喇拜拜
」跟住我見到佢成個人落晒形,
好彩冇仇視我啫
你知啲狗公架啦,
邊個搶走佢女神佢就藐視邊個
完全唔講道理
依家係你女神唔要你
關我叉事咩
不過我見呢個文青狗公,
可能已經接受唔到自己女神有男朋友,
再冇多餘嘅心機去仇視我喇
跟住我地亦都走咗
行咗一陣之後,
佢仲係翹住我
開唔開心
唔使問啦下話
不過有個人翹住自己行路,
冇咁方便係真嘅
起碼唔可以郁嚟郁去啦
我見佢仲未放手,
咁就梗係開口問佢
我:「行咗好遠喇喎,
唔使扮野喇
翹咗我隻手咁耐仲唔係想抽水
」晞澄:「自私鬼,
翹耐啲都唔得.」
呢句說話,
可能你地唔覺得有乜特別
因為就咁睇呢幾句文字,
係唔能夠透露佢當時嘅語氣出嚟
但係對於負責聽嘅我嚟講,
我就覺得有好大問題
呢啲說話晞澄成日講,
不過佢每次講嗰陣,
佢嘅態度語氣總係輕佻,招積
簡單啲講即係摟打
但係頭先佢講呢句嘅時候,
同佢平時態度完全唔同
沉實好多,
好似真係控訴緊咁樣
直覺話俾我聽有啲事
如果唔係佢唔會用咁嘅態度同我講,
我:「你......做咩呀
語氣唔似你平時嘅
」晞澄:「你聽得出呀
」我:「梗係啦我咁醒
點會走甩我法眼
」其實呢個時候我目標好簡單,
就係講埋啲低b野睇下可唔可以引佢笑
有邊個男仔會想見到自己鍾意嘅女仔愁眉苦臉,
又有邊個男仔唔想氹自己鍾意嘅女仔笑逐顏開,
根本就每一個男仔都會咁樣做
晞澄:「其實呢,
唔知點解愈近放榜我就愈驚
」我:「你都驚嘅話咁我咪要瞓街
」晞澄:「早排親戚食飯
佢地講咗好多自以為是嘅例子,
話有唔少會考生過分樂觀
我好驚考出嚟嘅成績,
同我自己又或者屋企人預期嘅有好大落差
但我喺屋企又唔想俾佢知我咁諗
」我:「痴線唔使理其他人點講啦
同埋唔考都考咗,
再驚都真係冇用
世間咁多事點到你擔心得晒
」晞澄:「我都知,
我亦覺得考之前已經算係溫得唔錯
臨場都冇乜緊張,
不過好擔心嗰啲細科會拖低大科嘅成績
」估唔到讀書叻我咁多嘅晞澄都會有呢啲煩惱
係咪成績愈好就會愈諗得多
我:「既然你唔想俾屋企人知,
你有咩驚嘅或者有咩想講嘅就依家講
今日做免費聽眾
」晞澄:「即係遲啲要收錢
」我:「唔知呀
不過今晚一定唔使先囉
」晞澄:「巴閉學人收錢
」我:「又係你話多野煩
我幫你接收咪已經算係咁,
多謝都冇句
」晞澄:「咁多謝你喎
不過我唔會將我啲煩惱俾你哈哈
」我:「點解
」晞澄:「一陣你彈返俾我咪死
」我:「我邊度似咁衰嘅人
」晞澄:「咁呀
至少今晚唔係啦
」我:「一晚都好過冇
」之後佢就一路翹住我直至到佢屋企樓下,
我:「抽完水喇
返屋企啦
」晞澄:「多謝晒.
我:「講真嘅,
我地都就嚟放榜
如果呢排真係有啲乜野想拎出嚟講,
我最多好似今晚咁唔收你錢聽晒你啲野
執到啦
」晞澄:「講咗咁多好啲架啦
」我:「真係唔好亂諗
」晞澄:「嗯,
咁我上去喇
」我:「得啦拜拜
」睇見佢最後嗰個笑容,
我諗我算完成咗自己嘅目標
對於我嚟講,
其實咁就已經好足夠.