[真人真事][校園][純愛]《總有一天，會再次遇見》: 第五十二章
結果放榜之前嗰一晚,
我就同成班friend打機
好似平時咁樣過
始終覺得已成定局,
驚嚟都冇用
同埋屋企冇點樣比壓力我
可能佢見到我呢個衰仔咁難得溫咗咁耐書
有盡力就可以啦
所以一直都係平常心
唔知晞澄點樣呢
所以我決定打完機就sms佢
費事依家問但我又掛住打機
斷嚟斷去咁樣sms我覺得唔過癮
嗰晚我地十一點九打完機就唔玩
點解咁記得時間
因為我地好少打到咁夜,
平時都係十二點之前就收皮
嗰晚都唔例外
原本諗住咁夜都係唔好搵晞澄,
因為以我所知佢都係十二點之前就瞓覺,
不過都係照send啦
反正循例問一句啫,
我:「仲有冇亂諗野
」點知佢竟然秒回
晞澄:「嗰晚同你講咗之後好咗好多喇
」我:「原來我作用咁大
」晞澄:「咁都可以認叻真係服咗你
」我:「叻梗係唔怕認
」晞澄:「你都講得啱嘅
既然已經考完,
諗咁多真係冇乜用
況且如果我唔可以原校升,
咁樣之後仲點樣屈你請我食菠蘿油
我都要有返啲信心
」我:「真係考到咪請你食一個菠蘿油囉
咁我都想請你食嘅
」晞澄:「呢句即係咩意思
」原本我想同佢講「下年我都想見到你」,
不過諗諗下呢句說話太曖昧
我驚會將我地嘅關係打入雪櫃
雖然依家個個都話我地有野,
但係我地從來都冇承認過
如果我講呢句野,
咁咪即係等於自己承認咗
你知啦我唔知晞澄點樣諗,
我淨係知講多錯多
我又點會做呢啲野呢
所以都係講過第二句啦,
我:「如果冇你下年功課我仲可以抄邊個
老實講你手字真係幾靚
同埋睇慣咗
」晞澄:「我都知你唔會講啲好野架喇
不過多謝你先
我都好希望自己聽日真係可以食到,
你請我食嘅菠蘿油
」我:「講明先一個咋
食太多我冇咁多錢
」晞澄:「你估我係你咩咁大食
一個就夠啦
」我:「好難講呀
」晞澄:「希望中六可以繼續做同學啦
瞓覺先聽日見啦拜拜
」我:「拜拜
」第二日返到學校,
成班人都好緊張
搞到我都被佢地感染咗
係有啲唔自然
好多個都喺到磨拳擦掌
只有一定唔會喺原校升嗰啲同學比較輕鬆
坐我隔離嘅晞澄我見佢係咁食m&m
我:「少有喎食m&m
」晞澄:「我覺得食住野唔使咁緊張丫嘛
」我:「乜可以定驚嘅咩
」晞澄:「梗係得啦哈哈
」講咗陣無聊野之後就開始拎成績表,
因為佢學號先過我
拎完返嚟之後佢唔敢睇
話想等埋我先一次過揭
等多陣終於到我,
其實行出去嗰下真係會開始緊張
直到我去拎嗰陣簡直係最高點,
手都震埋
的而且確係唔敢睇,
可能我係我弱雞啦
人從來都係唔鍾意接受現實,
如果現實係唔理想的話
晞澄:「原來你都好緊張喎
」我:「平時講就唔緊張啫
臨場就係第二個講法啦
」晞澄:「不如開始囉
再等落去都唔係辦法
」之後我地行出去班房揭,
因為都驚阻到人
我:「三二一開始
」之後嗰張成績表嘅內容,
就表露晒喺我地眼前
係咁搵個分幾多,
真係心都離埋
晞澄:「我搵到喇呢度呀
」之後我就睇返自己嗰張,
好彩都合乎學校要求
可以繼續喺度讀
晞澄高我五六分
我都得嘅咁佢就梗係冇問題啦
晞澄:「冇事呀冇事呀
我地下年可以繼續做同學
」睇得出佢如釋重負
呢刻真係好開心
我:「係呀
」晞澄:「你都好叻仔呀
溫一陣就有呢個分
要獎勵你
」我:「頂你當我係狗
不過獎咩先
」晞澄:「菠蘿油呀哈哈
」我:「又係菠蘿油
一陣咪我請你你又請返我
好玩咩
」晞澄:「我覺得好玩呀
喂你唔準走數呀
」我喺度扮嗰啲歌手明星得獎感言
我:「講真呢一年真係辛苦你,
唔係你我都冇咁高分
」晞澄:「痴線你咁似上堂攞獎嘅
」我:「係咪好似先
」晞澄:「係喇係喇
」跟住我地去咗平時去嗰間麵包舖嗰度買菠蘿油,
真係好無聊咁我請佢佢又請返我
食食下晞澄咁同我講,
晞澄:「你知唔知呢有人話食菠蘿油都好講技巧
」我:「痴線食菠蘿油都有技巧
」晞澄:「梗係有啦
如果係人地餵你食,
而啲菠蘿皮唔會跌到周圍都係的話,
咁你就係一個識食菠蘿油嘅人喇
」我:「頂你真係好低能
睇埋啲咁嘅野
」晞澄:「你識乜野丫
不如試下玩下囉
」我:「我覺得你一定會搞到我成件衫都係菠蘿油嗰啲皮
」晞澄:「點會呢
等姐姐餵你食啦
」我:「唔使喇
調返轉就得
」晞澄:「俾我試咗先
之後先到你餵
」我:「講真呀唔好搞到我周圍都係呀
如果唔係你就死
」晞澄:「你條友可以做到啲乜野丫
」原來我嘅威脅對佢係冇用
做男人做到咁真係冇鬼用
晞澄:「擘大個口擘大個口
」我:「頂你塞到咁埋點食
好難咬呀
」晞澄:「即係你功夫未到家啦
到你餵喇哈哈
」佢條友又真係食得好滋整
完全唔論盡
起碼啲皮唔會跌到成地都係,
晞澄:「見識到未
」我:「食菠蘿油邊夠你玩
」晞澄:「梗係啦
慢慢俾心機啦下
」當時我唔覺得有幾曖昧
因為我地成日都係咁玩
亦唔係第一次餵佢食野,
或者嗰陣仲細啦
唔知乜野叫做情趣,
淨係覺得好無聊
不過冇所謂啦,
都已經達到成年嘅目標囉,
中間晞澄又幫咗我咁多
咪當俾面佢同佢玩下.