荒島日記（新手、後宮甜）（不定期更新）: 跟隨

辣椒妹走到黎番薯地依邊，然後周圍咁望，望完一陣又到處咁走黎走去，佢唔知係度搵咁D咩。

「er⋯大陸仔呢⋯唔見既⋯應該係依附近先啱㗎⋯」
辣椒妹疑惑咁望住周圍。

（咦！辣椒妹原來搵我，哈，我搵個機會嚇下佢先得，平時咁惡啊拿。）

我慢慢咁爬落樹下，然後小心翼翼咁走到辣椒妹背後，辣椒妹仲係度望周圍，仲係度搵咁我，但佢唔知我已經係佢背後，嘻嘻～嚇下你先。

「喂！辣椒妹！」


我係後面跳出黎，然後掂下佢脖頭。

「啊！」
辣椒妹嚇到大叫，然後一巴向後打過黎，
啪！我塊面即刻有個手掌印，鼻血都標埋出黎。

「啊⋯洗唔洗咁重手啊，辣椒妹。」
我一邊摸住紅印一邊講。

「X你老母，邊個叫你出黎嚇X我啊！」


辣椒妹橋住手同我講，佢一橋手，個Dcup大波波即刻彈左一下。

「我唸住玩下姐。」

「玩啊拿！咁鐘意玩！」
辣椒妹講完就係我個頭度亨左一下，佢真係完全唔留力，痛到呢⋯

「係喔！話時話，你做咩會黎依度既？我唔係叫你去撈D海膽既咩？」
我用疑惑既眼神望住辣椒妹。



「er⋯⋯幾下就撈完啦，過黎睇下你有咩要幫手啊嘛。」

「有無咁快啊⋯」

「超！我做嘢不嬲都好快，唔洗等到下個禮拜～」
辣椒妹好驕傲咁講。

我再用疑惑既眼神望住辣椒妹，辣椒妹見我一直望住佢，俾我望到有D怕醜，塊面開始紅起黎。

「喂⋯你咁望我係咩意思啊⋯唔信我啊？定係唔歡迎我啊？」
辣椒妹面紅紅咁講。

「唔係～點敢唔歡迎你啊～」
（唔驚俾你打死咩～）



「喂！辣椒妹！你塊面突然咁紅既？你發燒啊？」
我講完走過去摸辣椒妹既額頭，辣椒妹得低個頭望住地下。

「唔係啊～又唔似係發燒啊。」
隨後辣椒妹用手推開我隻手，然後繼續面紅紅咁繼續得低頭。

滴答！

我望一望地下，發現原來自己仲流咁鼻血，辣椒妹今次真係打得我太重手啦。辣椒妹見到我仲流咁鼻血，即刻好緊張咁按住我鼻樑。

「大陸仔，啊！快D！用口呼吸。」
辣椒妹一隻手按住我鼻樑，另一隻手推我背後，令我身體傾斜少少。

「無事啦，你唔洗咁緊張喔。」



「未止到血啊，等多陣先啦！」
辣椒妹仲係好緊張咁按住我個鼻，過多一陣，終於無鼻血流出黎啦。

「止到血啦！多謝你啊～辣椒妹。」

「唔洗⋯⋯」

（你對我咁溫柔，我有D唔習慣～）

我抬起頭望一望，發現辣椒妹眼大大咁望住我，我同佢塊面相隔幾cm，當我眼神同佢雙眼對焦個陣，佢塊面又迅速紅曬，然後擰轉面。

「喂，辣椒妹，做咩依幾日你奇奇怪怪咁既？你係唔係有D事？」

「無⋯無啊⋯無嘢啊⋯」
辣椒妹口窒窒咁講。



「真係無？」

「嗯⋯」

辣椒妹既然話無事，咁我起身想行返去啱啱挖番薯個度，繼續挖我既番薯。突然辣椒妹都起埋身，然後好用力咁壓返我落地下，佢成個人好似壁咚我咁。

「er⋯辣椒妹⋯你做咩⋯」
我俾辣椒妹既動作搞到有D驚驚地。

「大陸仔⋯我⋯⋯」
辣椒妹又再口窒窒，望我一眼後又望其他地方。

「咩⋯咩啊⋯」
我講完，辣椒妹又再望返住我。







「我⋯我⋯⋯我鐘意你⋯大陸仔⋯」
辣椒妹講完就嘴左過黎⋯⋯