「雪兒!你係邊啊?你唔好嚇我啊!」
我開始大嗌。

「雪兒⋯」
文健想嗌又唔咁嗌太大聲。

「雪兒啊!雪兒!」
辣椒妹環顧四周。

突然聽到後面草叢有聲傳過黎,之後見到有個人影慢慢咁行出黎。



「我係⋯係度⋯係度啊⋯」
雪兒慢慢咁走過黎。

(真係差D俾你嚇到瀨屎啊。)

佢個樣顯得好辛苦,隻手一直按住個肚,唔通佢受左傷?我地即刻衝過去雪兒身邊,我直接攬住佢,佢有D虛弱咁挨係我身上,塊面有D蒼白。

「大陸仔⋯」
雪兒講嘢都有氣無力咁。



「雪兒,你無事啊嘛?」
俾雪兒咁嚇一嚇有D緊張。

「無事⋯」
不過雪兒完全無曬力,重重挨住我。

我回頭望一望擋住前路既馬騮,見到馬騮既行為,我瞬間明白發生左D乜嘢事,我有D驚恐,但為左唔嚇親大家,我壓抑住驚恐既表情,扮到好冷靜咁。

(大陸仔⋯你要冷靜D⋯你要冷靜D⋯你如果都亂埋⋯咁大家只會等死既啦⋯)



我望住懷抱中既雪兒講。
「雪兒,你今日黎M啊?」

「嗯⋯」
雪兒好細聲咁講。

「大陸仔!你點X知㗎?」
辣椒妹好驚訝。

「你地望下D馬騮⋯」

眾人即刻回頭望三十幾隻馬騮,個三十幾隻馬騮同一動作,全部抓住自己既芝士腸,雙眼發曬紅光,一直張開嘴,露出佢地既牙齒,係咁流口水,瘋狂咁打飛機⋯簡直就好似日本愛情動作片D癡漢咁。

「點⋯點解會咁㗎⋯」


文健驚到震曬,擋住自己個屎眼位。

「啱啱雪兒黎M,所以散發出強烈既雌性氣味,將依班馬騮吸引左過黎⋯依班馬騮想過黎交配⋯」
我攬住雪兒更加緊。

(馬騮其實無咁可怕,發情既馬騮先至最可怕⋯動物發情上黎真係癲㗎⋯)

「你知唔知高登有隻神獸⋯」
我望住前方既馬騮。

「你話係金翅撲街鳥?」
辣椒妹回頭問。

「唔係⋯係玩撚猿⋯有D大撚鑊⋯」
我要冷靜想辦法應對。



「今次真係玩撚完啦!」
文健嚇到腳都軟埋,跪左係地下。

我用腳踢一踢跪係地下既文健。
「喂⋯起身啊喂⋯」

「大佬⋯我腳軟⋯」
文健摸住自己對腳。

「文健!你再唔起身,等陣俾馬騮圍住打死或者雞姦就唔好怪我地啊!」

啪!
文健打自己一巴,令自己清醒返,希望雙腳唔好發軟,好吃力咁企返起身。



我將旅行袋交俾辣椒妹,弓箭交俾秋儀,其他嘢就擺曬係地上唔要,然後我拍左下文健既膊頭,示意叫佢留心聽我講嘢。

「大家!我數三聲,大家即刻向後跑,明唔明白?」

「明白!」

我背住雪兒。
「三!二!一!跑啊!」



我地全部人包括來福,瞬間掉頭瘋狂咁跑,D馬騮發呆左幾秒後先有反應,即刻追住我地。

「嗚!嗚!」
已有 0 人追稿