荒島日記（新手、後宮甜）（不定期更新）: 包圍

「啊啊啊！」
文健一邊跑一邊大嗌。

文健又再領先帶頭跑，無幾耐，再次見唔到佢既車尾燈，依條友次次到生死關頭，就會發揮佢既潛在能力。

「對唔住啊⋯大陸仔⋯」
雪兒發出少少哭泣聲。

「唔好傻啦！我唔會俾你有事㗎！」
我背住佢係咁跑。



「嗯⋯」
雪兒錫左我塊面一啖。

由於我背住雪兒跑，所以跑得唔夠大家快，不過除左文健一個之外，大家都放慢速度陪住我跑，連來福都一樣係放慢速度跑，係我身邊陪伴。

「大家⋯」
雪兒望住大家。

「我唔會離開你地㗎！」


辣椒妹一邊跑一邊拍自己心口。

「我都係！」
秋儀笑左一聲。

「大家⋯多謝你地⋯唔⋯」
雪兒講完眼淚就開始流。

「因為我地係一家人。」
我望向後同雪兒講。



「無撚錯！我地係一家人！」
辣椒妹講完摸左一下雪兒個頭。

「係啊！我地係一家人！」
秋儀講完就做左個加油手臂動作。

「嗷嗚！」
來福一邊跑一邊叫。

「啊！」
突然聽到前面有人大嗌，依把聲睇黎係文健黎。

跑左三分鐘後，見到文健停低左係前面，佢一直背對住我地，身體不停咁震，一直望住前方。



「大⋯大佬⋯你睇下⋯」

我地跑到佢身邊後，佢指住前方逃跑既路上，有四隻馬騮擋住去路。

個四隻馬騮見到我地停低後，即刻好興奮咁原地跳舞，無幾耐，後面追住既馬騮都跟到上黎。

「撲街！玩前後包抄！咁撚醒既！」
我一邊講一邊R頭。

「點算啊⋯」
雪兒係背後好虛弱地講。

「玩撚完啦！玩撚完啦！」
文健個樣好似奔潰左咁。



前面四隻馬騮停止跳舞後，四隻裡面既其中一隻馬騮走左出黎，然後帶頭叫囂，嗚！做曬抗議咁樣既手勢，我地後面既馬騮都跟住依隻馬騮既動作，不停咁舉高隻手叫囂。

「嗚！嗚！嗚！」
帶頭馬騮大叫。

「嗚！嗚！嗚！」
所有馬騮跟住叫。

跟完大馬騮嗌左三聲後，所有馬騮即刻用最快速度，跑到周圍，將我地重重地包圍住，然後流曬口水，雙眼一直望住三女，隻手又再抓住芝士腸打飛機，馬騮們個樣饑渴到，恨不得衝上去將女女們輪姦。

我地五個即刻圍住個圈望住出面，馬騮們慢慢咁逼近我地⋯

「大⋯大佬⋯依家點啊？」
文健勉強起身講。



「有無睇過復仇者聯盟？」
我用眼角望一望文健。

「咩⋯咩意思⋯」
文健口窒窒。

「姐係打柒佢地一鑊啊！傻仔！」
辣椒妹講完即刻擺定準備打交姿勢。
秋儀亦都擺出動作。

「打⋯打就打啦！」
文健扭一扭膊頭。

我將雪兒扶係四人中間。



「唔洗驚，有我地保護你。」
我講完就錫左雪兒額頭一啖。

我扭動身體拉一拉筋，來福發狠咬牙切齒地望住所有馬騮。



「上！」