荒島日記（新手、後宮甜）（不定期更新）: 輪番

「唔撚理佢啦，依條友無得救既啦。」
我抓緊雪兒跑更快D。

嗷～嗚！
後面傳出一群狼既叫聲同萬馬奔騰既聲音，我驚恐咁回頭望一望，唔撚係啊嘛⋯
我見到⋯應該有成⋯幾十⋯唔係⋯係過百隻狼⋯係後面追住我地⋯

「大佬大佬⋯點算啊⋯」
文健係後面緊貼住跑。



「唔撚知啊！你自己惹返黎既！我無殺你已經係仁至義盡！」

「大佬⋯大佬⋯」

「唔好嗌啦！留返口氣跑好過啦！」

但我地始終唔夠D狼跑，跑左唔夠10分鐘，我地就已經俾狼群追上，我地五個人緊貼埋一齊，狼群慢慢咁逼近我地。

「大佬⋯真係無辦法？」
文健滿頭大汗咁望住我。



「有撚辦法啊？你俾把機關槍我，我就掃低曬佢地。」

「死啦死啦⋯」
文健跪左係地上。

「如果唔係你個撚樣！我地會咁？」
辣椒妹講完後一巴打落文健度。

突然有兩隻狼衝左上黎，我見到之後諗住用開山刀一嘢斬過去，點知來福係後面跳左出黎，一嘢爪傷其中一隻狼塊面，然後用頭撞另外一隻狼。



來福開心到係度原地踏步，兩隻狼見到後，嬲都加速跑上黎，來福一跳，兩隻狼互相撞埋一齊。

其他狼見到來福既英姿後，不停咁互相望其他既同類，幾秒後，又再走出兩隻狼出黎，兩隻狼即刻衝向來福度。

來福跳起到其中一隻狼身上，然後一嘢咬落隻狼條頸度，隻狼痛到係咁亂跑亂跳，來福俾佢整跌落地，另外隻狼見機會黎啦，即刻衝過佢爪來福，來福黎個向後踢，踢到隻狼飛起。

「來福！姦巴嗲！來福！姦巴嗲！」
三女係度幫來福打氣。

兩隻狼敗退返狼群裡面，其他狼又再開始互相對望，佢地又再係度選新既挑戰者挑戰來福。

嗷嗚！
（設計對白：等我黎！）
一隻較肥既狼跑左出黎，用佢雙鬥雞眼一直望住來福，口水不停咁流。



嗷嗚！
（設計對白：咪撚出黎獻醜啦肥貓！）

嗷嗚！
（設計對白：肥貓！小心地下跣啊！）

嗷嗚！
（設計對白：我知既啦！）
肥貓大叫一聲，即刻衝過去來福個度，來福一直企定定等佢，肥貓差唔多就要撞上來福，來福即刻黎個急速轉身避開，肥貓轉個頭望向來福。

嗷嗚！
（設計對白：小心啊！肥貓！）

嗷？


肥貓望返前面，但已經撞上棵樹度，bom！肥貓撞到有D暈陀陀，然後暈低趴左係地上。

嗷嗚！
（設計對白：肥貓好似真係咩都唔識個啵！）

嗷嗚！
（設計對白：全部散開！）
其中一隻狼大叫，全部狼即刻向後退幾步，大叫個隻狼慢慢咁走出黎，佢面上有幾條疤痕，有一條仲長到由頭穿過一隻眼，再落到去嘴邊。睇依隻狼既毛髮，就可以睇得出已經有一定既年紀。

依隻狼出現係我地面前，我即刻感到好強烈既殺氣⋯⋯