嗷嗚!
(設計對白:𡃁仔!你邊范㗎!你知唔知我係邊個啊?)

嗷嗚!來福回應返個獨眼狼。
(設計對白:你係邊個啊?無人識你wor!)

嗷~嗚!
(設計對白:我叫刀狼!唔係唱歌個位刀郎,我係依個狼族既首領。)

嗷嗚!


(設計對白:我叫來福!來福個來!來福個福!)

嗷嗚!
(設計對白:來福!受死啦!)

刀狼加速跑到來福身邊,然後用頭一嘢撞過去,來福俾佢依一下撞到飛起,刀狼回頭想再撞來福,不過來福即刻反應到,避開左依一下。

嗷嗚!
(設計對白:身手幾敏捷wor!細路!)



嗷嗚!
(設計對白:你都唔差啊!咁大年紀都仲跑得咁快。)

來福同刀狼同時一齊跑,然後互相伸出狼爪爪向對方,大家既右臂都有條血痕,啪!來福爪到失去平衡,所以跌左落地下,刀狼回頭望住趴係地上既來福。

「大陸仔!諗下辦法啊,來福好似打唔贏佢啊!」
雪兒好緊張咁。

「大陸仔!攞枝箭射佢個扑街!」
辣椒妹攞幾枝箭俾我。



我攞起弓箭然後拉弓,箭頭對準刀狼,其他狼見到我地想幫手,即刻不停咁吠不停咁叫,有幾隻仲按捺不住想衝過黎。我正想鬆手射刀狼個陣,來福即刻起返身,然後擋住我。

「來福佢⋯」
秋儀雙眼充滿淚光。

「來福想靠自己贏對面,所以⋯我地都係唔好插手啦⋯」
我講完放低弓箭。

刀狼走返狼群個邊,來福亦都走返黎我地依邊,狼群再次嗷叫。

嗚!刀狼衝左過黎,來福即刻跳起,跳上刀狼既身上,然後咬實刀狼既頸,刀狼不停又跑又跳,想整甩纏住佢身上既來福。

幾秒後,來福跌左落地,刀狼爬上來福個背度,咬返來福轉頭,來福即刻係地下碌黎碌去,擺脫左刀狼既攻擊,來福趁刀狼未反應得切,一下向後踢,踢飛刀狼。



刀狼勉強咁起返身,但幾秒後又再跌返低,可能來福依一下後踢太重手,刀狼頭暈暈咁趴係地上。所有狼見到來福抽贏左刀狼,即刻得低曬頭唔敢望來福,來福走到去刀狼邊。

來福無殺死刀狼,反而用頭係咁撩刀狼個頭,想刀狼清醒返起返身,一兩分鐘後,刀狼終於起返身,然後趴係來福面前,所有狼都跟住刀狼趴曬係來福面前。

嗷嗚!
來福抬頭大嗌一聲,其他狼都跟住來福大嗌,響片成個森林。

「來福要離開我地啦。」
我望住來福個背影。

「點解wor⋯」
雪兒雙眼充滿淚光。

「來福依家已經係狼族既首領,而且佢始終都係狼,需要同同類生活。」
秋儀聽到我咁講,開始忍唔住喊,來福見佢地兩個喊,即刻跑過黎。



「來福⋯」
秋儀走過去攬住來福喊,來福係咁lam秋儀面上既眼淚,雪兒亦都走過去攬住來福。

「來福,以後要小心D,記得要返黎搵我地啊?知唔知⋯」
我邊摸來福邊講,來福用個頭摩擦我條褲。

「好啦,你去你同伴個度啦。」
我講完後,來福走到狼群個方向,佢走幾步就回頭望下,走幾步就回頭望下,無幾耐佢融入狼群裡面。

「我地一定會再見既!」

「嗯!」
已有 0 人追稿