荒島日記（新手、後宮甜）（不定期更新）: 公仔麵

「真係可以？」
辣椒妹對紫霜既大方感到好開心。

「嗯⋯」
紫霜回答辣椒妹，但雙眼望住地下，迴避辣椒妹雙眼。

「多謝你！」
辣椒妹攬左個紫霜一下，個紫霜塊面變到好似番茄咁紅啵啵。

紫霜起身走到一邊讓開，令煮公仔麵既煲出現係大家面前，辣椒妹開心到大笑幾聲，然後攞起筷子進食，然後露出幸福既笑容。



「我都好耐無食過公仔麵⋯」
「我都好想食啊⋯」
雪兒同秋儀眼甘甘咁望住辣椒妹食。

「俾⋯你地⋯」
紫霜遞出兩對筷子俾雪兒同秋儀。

「多謝！」
雪兒同秋儀亦都加埋公仔麵戰團，三個人狼吞虎嚥咁搶食。



「喂啊！雪兒！你食咁多㗎！」
「你食得仲多啦！辣椒妹。」
「係囉！辣椒妹食最多！」
「秋儀！你連湯都搶住飲！」

我俾三女既行為搞到想笑，雖然好耐無食過公仔麵姐，但都唔洗爭到咁既樣掛。
咕嚕咕嚕⋯
我突然聽到咁既聲音，於是不停望周圍，尋找聲音既來源。



咕嚕⋯
紫霜摸住個肚，原來係佢肚餓既聲音，但係佢既公仔麵俾左辣椒妹佢地食左⋯

紫霜雙眼一直望住三女食公仔麵，不停吞下口水，隻手安撫住餓到咕咕聲既肚。

「er⋯紫霜？」
紫霜即刻望住我。

「你仲未食嘢㗎？」

紫霜望一望自己個肚。
「好⋯好對唔住⋯」

「做咩講對唔住？我地對唔住就真，食左你既公仔麵。」
見到佢蒼白既樣，無血色既嘴唇，骨瘦如柴既身型，令我更加內疚。



「紫霜，你仲有無公仔麵啊？一個唔夠我地三個食啊⋯」
辣椒妹走過黎問紫霜。

「我都好肚餓，我都想食包公仔麵。」
文健望住周圍，睇下仲有無公仔麵。

「個⋯個一包係⋯最後一包⋯好對唔住⋯」
紫霜起身走過黎，想執拾好D垃圾同攞個煲去河邊洗。

「我地食既，等我地洗啦。」
雪兒抓住紫霜隻手講。

「係啊，俾我地洗啦。」
秋儀亦都抓住紫霜隻手。



「要⋯要儘快洗⋯」
紫霜講完就甩開雪兒同秋儀隻手，急急腳咁走去向河邊個方向想清洗個煲。

我一嘢抓住紫霜，紫霜隨即停下腳步，轉過頭黎，但目光投向地下，並無望住我。

「食D嘢先再洗啦。」
我對住紫霜講。

「係啊係啊，你都食D嘢先再洗啦。」
雪兒走過黎抓返住紫霜。

「我地有肉食啊！食D嘢先啦，當多謝返你既公仔麵。」
辣椒妹笑騎騎，細細力拍紫霜個背隻。



「喂！D狼肉係我既wor！」
文健攬住個旅行袋講，不過大家無視文健講嘢。

紫霜望一望大家。
「嗯⋯」