「D狼肉幾好食㗎,保證你返尋味!」
辣椒妹搭住紫霜既膊頭,扯住紫霜走返過黎。

我攞出半邊狼出黎,秋儀同雪兒都好熟手咁搭左個燒烤架出黎,我搵左條較粗既樹枝去河邊清洗一下,然後用樹枝串起半邊狼肉。

「秋儀,你幫我燒住先啊,我洗一洗兩件狼皮。」
我摸一摸秋儀個頭後,就攞出兩件狼皮走到河邊清洗。

我回頭望一望佢地,雪兒同秋儀就好專心咁燒D狼肉,而辣椒妹搭住紫霜膊頭係度好開心咁唱歌,不過紫霜好怕醜咁,一直得低頭無望人無講嘢。



我再望隔離既文健,文健一時望住燒烤架既狼肉,一時又望住旅行袋中淨低既一隻狼,條友好苦惱咁行黎行去,睇黎文健又係度唔知諗咁咩。

兩分鐘後,我攞住濕透既狼皮走到大家面前,然後架係樹上吹乾,用餘光望住文健,文健想起身,但諗諗下又坐低,望左我一下,佢又想企起身,但思考左幾秒,又再坐返好,依個動作持續左成分鐘。

我無理會文健既奇怪舉動,走去望住雪兒同秋儀燒狼肉。

「大佬!我有D嘢要同你傾。」
文健終於忍唔住出聲啦。

「有D咩想同我傾啊?」


我繼續望住雪兒秋儀烤狼肉,並無轉個身轉個頭望文健。

「我想⋯我想離開依度!我想過去個邊同營地既人生活!」
文健鼓起勇氣說出口。

「你認真㗎?你真係離開依個隊伍?」
辣椒妹對於文健所講既嘢感到好驚奇。

「係!我考慮左好耐啦!所以我決定要離開依個隊伍!我要同營地既人生活!」
文健越講越大聲。



「你個撚樣終於走啦!」
辣椒妹好開心咁起身手舞足蹈。

「大陸仔,你認為點啊?」
雪兒轉個頭問我。

「佢要走就由佢走囉,反正佢本身就唔想留係依度,佢走左對我地無乜影響。」
我講完後,便從後攬住雪兒,手臂無意中壓夾左下雪兒既胸部。

「喂啊,正經D啦,咁多人係望住啊。」
雪兒笑住咁推開我雙手。

「文健!你要走就走啦!唔洗等我地既答覆wor。」
我背對住文健揮一揮手。



「我⋯我⋯」
文健口窒窒。

「我咩我啊?要走就快D走啦!俾你走又唔撚走!」
辣椒妹忍唔住鬧文健。

「我想攞返D狼肉!」
文健指住旅行袋裡面既狼肉。

「你想攞幾多?」
雪兒轉個頭問文健。

「成隻!」



「哇!你傻撚左個腦啊?」
辣椒妹好大聲咁講。

「唔好咁貪心wor,文健。」
雪兒都頂唔順文健既貪婪。

「咁D狼肉全靠我先有㗎嘛,如果無我冒死攞住既話,大家依家食穀種啦!我攞返我個份,好應該啊。」
文健講到好似真係完全係佢既功勞。
已有 0 人追稿