荒島日記（新手、後宮甜）（不定期更新）: 人與狼

肥豬劉感到擔憂。
「你地做咗啲咩嚟⋯」

我不屑咁望咗佢一眼。
「等陣你未知囉。」

秋儀聽到叫聲後變得好開心，然後望住辣椒妹問到。
「係唔係來福啊？」

高佬佳回頭恐懼咁望秋儀。


「邊個係來福⋯講⋯」

辣椒妹奸笑幾聲。
「哈！你班仆街！今次仲唔大撚鑊！」

營地眾人仍在恐懼既氣氛當中，幾分鐘後，其中一個營地既女仔指住我地背後既樹林中。
「咩⋯咩嚟㗎⋯」

營地全部人望過去，見到我地身後既樹林中閃閃發光，距離愈嚟愈近，營地眾人一開始以為係螢火蟲，但螢火蟲無理由會一對對整齊咁飛行。



野狼既眼睛係月光既照射下，令佢地雙眼閃閃發光。來福佢地慢慢咁走出嚟，然後就停低係我地旁邊。

「狼⋯係狼啊⋯好多狼啊⋯」
見到十幾隻野狼突然出現係營地，營地眾人已經嚇到面青青。


點解達叔心口既笛子可以呼叫來福佢地，其實係我地趕路個陣，
達叔貪得意吹咗下個笛子。
原本周圍行咁既狼突然停下腳步，
然後走到達叔面前，


望住達叔吹笛子，
佢地既神情好似係到欣賞一場演唱會咁，
全神貫注咁望住達叔。


我望一望旁邊既來福，見到佢好似狗仔般傻笑，於是我咪咗佢塊面一下，然後細細聲講。
「喂⋯叫你嚟幫拖，凶狠啲啊喂⋯露啲牙出嚟嚇下佢地啊喂⋯」

不過來福唔識聽我講既嘢，仍然好似狗仔般咁傻笑，而且仲想訓低要我幫佢R一R痕，好彩我拉住佢唔俾佢訓低。

「唔⋯唔洗驚！我地有火把！啲動物見到火係唔敢衝上嚟！」
肥豬劉講完便從其中一個女仔手上搶了火把，然後高舉，其他營地人點點頭，亦跟住高舉火把。
「無錯！」

我輕輕踢一踢來福。


「來福，吠兩聲嚟聽下啊喂。」

來福仍然聽唔明我講咩，繼續傻笑咁望住我，雪兒突然想到辦法，於是蹲下身係來福耳邊講。
「來福，秋儀同辣椒妹係裡面啊。」

來福即刻望住雪兒指住個方向，營地眾人群中，見到火光下既辣椒妹同秋儀面孔，佢終於感覺到危險，於是發狠地吠叫，其他狼見到來福吠叫後，亦跟住一齊吠。

嗷嗷！嗷嗷！嗷嗷！

營地女仔因為來福佢地既吠叫聲嚇到手軟腳軟，火把全部跌曬落地上，然後碌到去另一邊。

高佬佳見啲女仔嚇到丟火把，於是對住佢地發怒。
「傻咗啊！做咩丟火把啊！快啲執返嚟啊！」

其中一個營地女仔嚇到眼淚湧曬出嚟。


「唔得⋯碌得太遠啦⋯唔敢執⋯」

我地同來福狼群慢慢咁上前行去，營地眾人即嚇到出冷汗，有幾個女仔已經嚇到爆喊。
「唔好⋯唔好過嚟啊⋯唔⋯」

跌係地上既火把差唔多完全熄滅，失去武器既營地眾人只能夠不停咁退後，直到最後面既人撞到山壁。

營地眾人緊逼埋一齊，身形矮小既人都有啲唞唔到氣，肥豬劉望一望肥佬陳，突然想起。
「陳總⋯陳總，不如你用支槍射死其中一隻，可以起到殺雞儆猴既作用㗎！啲狼一定嚇到走曬！」

肥佬陳聽到後，轉面欲哭無淚咁對住肥豬劉講。
「槍⋯槍我放在山洞裡了⋯我沒拿⋯」

高佬佳聽完後感到絕望。
「咁重要既嘢無攞出嚟⋯點算啊⋯」



「還有辦法。」
肥佬陳突然擺出堅定既眼神，然後走出人群外，肥豬劉同高佬佳終於見到希望。

肥佬陳雙手搓一搓，然後擺出慈祥和藹既樣同我講。
「小兄弟，有事好商量，何必弄到大家現在這麼僵硬呢？」

肥豬劉同高佬佳依家先知，原來肥佬陳所謂既辦法，就係同大陸仔求和⋯

我繼續不屑咁望佢三個。
「啱啱唔係好大口氣既咩？」

肥豬劉繼續一邊搓手一邊好慈祥咁講。
「不好意思，是我教得不好，我放了她們，這是就這樣結束吧？」



達叔大喝。
「咁仲唔快啲放人！」

「好！好！好！快放了她們！快！」
肥佬陳指揮著營地既女仔解開辣椒妹秋儀佢地身上既繩索，肥豬劉同高佬佳係旁邊不敢出聲，只能默默睇住佢地鬆綁。

辣椒妹起身後即刻踢向肥豬劉下體，肥豬劉硬食曬依一腳，短時間內被踢兩次下體，令佢痛不欲生跪係地上，辣椒妹無理肥豬劉痛苦樣，繼續發狠咁踢。
「我話撚咗會報仇！會報仇！踢死你個仆街！踢死你！」

肥豬劉痛到係地上碌嚟碌去，其他營地人只係旁邊觀看，無一個敢阻止辣椒妹，肥豬劉既女伴們亦一樣，最後四眼妹同秋儀驚佢打死人，先將佢扯咗返嚟。

四眼妹同秋儀左右夾住辣椒妹，而辣椒妹不停咁講。
「唔好拉住我！我未踢夠啊！我要踢死佢個仆街！」

肥佬陳微笑咁拍一拍手。
「好了好了，已經解決好了，大家可以回去了，散會！」

嗷嗷！嗷嗷！嗷嗷！

所有狼包圍住營地既人，唔俾佢地任何一個人離開。

肥佬陳躲係人群中，無奈咁望住我。
「小兄弟⋯事情不是解決了嗎⋯怎麼還這樣對我們呢⋯」

「一單還一單！食物單嘢我都仲未同你地計！一個都唔洗旨意離開依到！」



待續