數小時後


「報告!上將!我們已經接近這暴風雨的海域了!」
其中一個駕駛船隻嘅軍人,轉身向後面嘅數人講。

「好!」
上將從後走出,慢慢走到窗前。

此刻船隻與烏雲籠罩住嘅海域嘅距離只有二十海哩,眼前嘅烏雲不斷有閃電同發出打雷嘅聲音,彷彿在警告佢地唔好接近。



一個一直看著電腦螢幕嘅軍人,突然好緊張咁講。
「報告!衛星顯示⋯前方並沒有島嶼⋯」

上將好淡定咁同佢講。
「大海是充滿神秘的地方,現在是科技發達的時代,人類探索宇宙,使人類更加了解宇宙,但對比與我們十分近的大海,卻有許多事情,是科學解釋不了。繼續前進,我相信我們進去會找到答案。」

天空上出現一大群海鳥飛過,佢地在烏雲身邊飛過,一名軍人好似發現咗啲嘢,緊張地吞口水。
「上將⋯這片海域上的烏雲⋯居然沒有移動⋯沒有向四周擴散⋯它是一直圍繞著這片海域⋯」



所有人聽到這名軍人嘅說話後,立刻觀察烏雲密佈嘅海域,發現依片海域上嘅烏雲得確沒有移動、沒有擴散,好似有個無形嘅結界限制住烏雲飄動。

「上將,這片海域非常奇怪,我感覺我們會遇到危險,沒必要往危險的地方前進!」
另一名軍人亦從後走上前,企咗係上將旁邊,雙眼一直望住窗前。

「中將,你是怕我們的船撐不過這片烏雲,還是你膽子小,沒有膽量進去呢?」
上將對住中將譏諷地說到,中將聽到後面紅耳赤,慢慢緊握拳頭,但自己地位低於上將,只好繼續忍讓。

「雅典娜女神號一定是進入這片海域,拿起廣播,通知所有人!準備進入這天氣異常的海域。」
佢雙手放後,目光依然注視著這片海域。




另一邊
荒島


旁晚,所有人都帶住一桶桶收穫返到空地上,每隔幾米就起一個火堆,令就嚟漆黑一片嘅空地光亮起嚟。

每個火堆上,都煮著一鍋鍋鮮甜嘅蟹湯,蟹湯嘅香氣四溢空地每個位置。

眾女們圍住火堆坐,細心地烹調辛苦得嚟嘅食物,佢地嘅手腳上都有一絲絲被螃蟹腳爪過嘅傷痕,但面上嘅笑容,卻比以往笑的咁燦爛,笑的更開心。

我同達叔企係山洞前,目光注視著空地上嘅女仔,見到空地突然咁熱鬧,真係有些少唔習慣。

從旁經過嘅女仔見到都我同達叔企係山洞前,都紛紛點點頭表示感謝,達叔唔好意思地捽一捽鼻。



「東哥,幫到人真係幾開心。」

「又唔算幫嘅,啲收穫係佢地自己辛辛苦苦捉返嚟。」

「我果然無識錯你地。」
我同達叔擰轉頭望,先發現四眼妹無聲無息地出現係我地背後。

我俾四眼妹嚇到。
「嘩⋯你幾時走到我地後面㗎⋯」

四眼妹笑騎騎咁講。
「一早就企咗你地後面啦!係你地兩個傾得太入神!無視咗我!」

雪兒同秋儀拎住啲食物走出山洞,而辣椒妹攬住我手臂。


「大陸仔,我地今晚就係空地到煮晚餐啦!你睇空地個到幾熱鬧!」

說罷,辣椒妹邊扯住我走向空地⋯⋯



而營地個邊,對比我地依邊空地嘅熱鬧,營地嘅空地卻顯得十分冷清。

肥豬劉同高佬佳攞住係藍醫生山洞得到嘅藥膏,搽滿身上俾蚊咬嘅患處。
「好彩啲蚊唔係白紋伊蚊,唔係我地就中咗日本腦炎死咗啦⋯」

肥豬劉嘅女伴們整個火堆,架起個煲,將一隻隻洗好咗嘅螃蟹掉入煲裡面,而肥佬陳乜都唔洗做,狺狺腳咁坐係中間,等待美食嘅來臨。

文健匆匆忙忙咁趕返嚟營地依邊,然後停係眾人面前喘曬氣,肥佬陳抬頭望一望文健後,便問到。
「食物呢?文健。」



文健一邊喘氣一邊講。
「呵⋯呵⋯陳總⋯佢⋯佢地⋯話搬離營地⋯唔會再需要你保護⋯所以以後⋯唔會再俾食物你⋯」

肥佬陳激動地企起身。
「什麼!!!她們竟然有這麼大的膽子!她們是不是想死!!」

高佬佳立刻煽風點火。
「陳總,佢地咁有膽反抗你,一定係有人撐腰有人教啦~你諗吓~以前佢地都好聽聽話話~」

原本撫摸咁面上紅腫部位嘅肥豬劉,亦加把口講。
「肯定係大陸仔教嘅啦!佢一直都無放陳總在眼內!」

肥佬陳聽到後面紅耳赤,瞳孔散發出想殺人嘅紅光,秘書Lily立刻安撫肥佬陳,不斷按肥佬陳嘅膊頭。
「陳總不要生氣,現在已經天黑了,有什麼事明天再說吧,你看!蟹湯就快煮好了,我們要保持好心情,好好的享受這美味豐盛的晚餐。」



「對!有什麼事明天再說吧!我已經好久沒吃螃蟹了!」
肥佬陳回望返鍋裡嘅蟹湯,口水就嚟從嘴角邊流出。

大家目光投放曬係火堆上嘅美食時候,文健望一望河邊方向,突然感到驚恐。
「喂喂喂⋯好似有人行咁過嚟依邊⋯」

高佬佳不屑咁講。
「佢地唔係已經搬曬過去咩?夜媽媽仲有邊個行過嚟?」

肥豬劉望向高佬佳同肥佬陳。
「會唔會係大陸仔過嚟攞彩?話曬佢係班女面前民望咁高!」

「有道理!」
眾人立刻望住從河邊走過嚟嘅人影,而高佬佳同肥豬劉立刻企起身,雙眼憤怒地望住走咁過嚟嘅人影。

人影愈嚟愈接近,肥豬劉同高佬佳緊握著雙拳,拳頭上青筋快說冒起,肥豬劉憤怒地向前揮拳。

「打擾我地食嘢!你老⋯⋯」
肥豬劉用力向前揮拳,佢清楚望到前嚟嘅人影後,身體便停止向前揮拳,憤怒嘅表情亦轉變成驚訝。

而佢後面嘅高佬佳同文健,亦驚訝地望住人影,個樣似中吶喊畫裡扭曲嘅人。

肥佬陳見佢三個講不出聲,身體好似俾人點穴而僵硬。
「你們⋯你們是誰⋯」



待續
已有 0 人追稿