荒島日記（新手、後宮甜）（不定期更新）: 戰爭二

一個衣著黃色衫嘅老伯從藍衫人群中走出，藍衫人見到老伯後紛紛微微鞠躬，表達自己對老伯嘅敬意。
「鼎爺！！！」

叫鼎爺嘅黃衫老伯用拐杖指一指前方。
「大家，今晚有無信心？」

「有！！！」
「佢地依家全部都係老弱殘兵，全部都係烏合之眾！」
「無錯！」
「對面人影都無隻，睇嚟係怕咗我地，哈哈哈！！」



鼎爺點一點頭。
「今晚，我地誓要搶奪依到，攞曬佢地嘅食物，男嘅就全部捉去做勞力同耕種，而女嘅呢，大家想點玩就點玩！」

「好！！！」
藍衫人聽到後士氣大振。

鼎爺立即將藍衫人群分成三組人。
「你地跟住馬川繼續去衝鋒陷陣，而你地身手敏捷，就跟住緋仁去內部刺殺，最後你地，就跟住我！」



「好！！！！！！」

「出發！」
鼎爺手中嘅拐杖一揮，所有人立即出發，不容怠慢⋯⋯








一名穿著整齊乾淨制服嘅男人衝入某間房裡面，房裡面已經有幾個人在等佢到來。
「依家情況係點？」

檯上其中一個戴眼鏡嘅男人開始發言。
「哨兵準備交更時遇到突襲，一名哨兵生死未卜，另一名哨兵受咗幾處刀傷。」

「傷者有無中毒跡象？」
制服男繼續問到。

一個身穿白色衣服嘅中年婦人講。
「未肯定⋯但好似有抽搐嘅症狀⋯」

「可惡⋯」
男人憤怒地打了一拳牆壁。



普通傷仲可以救治，但如果係中毒，佢地就束手無策，因為上一次嘅戰爭，唯一嘅醫生就俾對方殺害。

一直默默坐係一邊無講嘢嘅著西裝男人，突然企咗起身走過嚟制服男身邊。
「再咁落去唔係辦法，我建議同佢地講和。」

「講和？」
在場所有人對於西裝男嘅說話感到驚訝。

西裝男雙手放後。
「我地依邊係上一次嘅大戰已經傷亡慘重，況且佢地好似知道文太已經離開咗我地，所以就嚟襲擊我地，少咗文太依個技術高強嘅人，我地就更加無辦法抵抗佢地。」

「佢地未必肯同我地講和。」
戴著眼鏡嘅男人說到。

「佢地一定肯，只要我地～」


西裝男露出令人深寒嘅笑容。

中年婦人拍檯起身。
「我知你想講咩！我反對！我絕對唔會俾任何女性作為慰安婦送贈俾佢地！」

西裝男大笑數聲，然後轉身走到中年婦人面前，好近距離咁講。
「你個老女人！你驚咩啊？佢地絕對唔會睇得上你喎！定係你驚無人要啊？」

「你！」
白色衣服嘅中年婦女憤怒地指著西裝男。

西裝男坐返原本嘅位置，挨坐住望向制服男。
「下下都沈默，你點做大事啊？子傑。」

「哎唷喂～你們看起來很煩惱～」


一名身穿士兵制服嘅六十幾歲老伯係依個時候走入嚟，隨後有兩個年輕人跟著。

「鄭老伯，你醒啦？」
制服男子傑見到老伯後便微微鞠躬，看得出佢十分尊敬依位老人家。

「外面都吵成這樣了，我還能睡得著嗎？幹他娘，吵著大爺我睡覺。」
這名身穿士兵制服嘅鄭老伯一邊拗耳屎一邊講。

子傑有些垂頭喪氣。
「我們上次嘅傷亡太慘重，元氣仲未有恢復，如果就咁出去，恐怕要輸⋯」

「不怕，我有辦法。」

原本挨坐嘅西裝男，聽到鄭老伯說有方法後，面色開始變得凝重。



「係乜嘢辦法？」
子傑靠前問到。

「把它推出來！」
鄭老伯叫著身後嘅人，身後嘅人隨即離開，兩分鐘後，便推著一舊被布遮蓋住嘅沈重物件過嚟。

「依個係乜嘢？」

鄭老伯抽起塊布，子傑看到塊布遮蓋嘅物件後，露出難以置信嘅表情。

子傑指住個物件同鄭老伯講。
「你⋯確定仲可以用⋯⋯」






「還返我老婆俾我！！！」
突然有個四十歲嘅尋妻嘅男人揮著長棍衝向藍衫人群。

藍衫人群無諗過會有人係依個時候出現，並且單槍匹馬咁衝過嚟。

連飛刀男同犀牛男都無察覺到依個男人嘅出現，睇嚟依個男人係附近已經埋伏咗好耐，無俾任何人發現。

尋妻男手中長棍一揮，將幾個藍衫人掃跌在地上，然後雙手緊握著木棍衝向鼎爺。

一眾藍衫人仲未反應過嚟，尋妻男已經衝到鼎爺面前，佢捉住木棍一端，準備一棍棒打眼前嘅鼎爺。

「保⋯保護我⋯」
鼎爺俾眼前尋妻男嘅怒氣嚇到腳軟，癱坐係地上，避開咗尋妻男嘅猛烈一棍。

「去死啦！」
木棍在空中盤旋了兩圈，將身旁嘅藍衫人紛紛打中倒地，然後佢雙手捉緊木棍，準備用最強一擊棒打鼎爺。

「唔好啊！！」
鼎爺剛才嘅氣勢蕩然無存。

木棍飛快地揮向鼎爺，鼎爺仲未用雙手緊緊抱住自己個頭，木棍嘅一端已經快速打向鼎爺嘅左臉，鼎爺緊閉上雙眼，迎接自己嘅死亡。

依一棍打落去，鼎爺就算無被打死都會被打到腦震盪。

木棍就快打到鼎爺個頭時突然停咗落嚟，鼎爺隔了幾秒才睜開雙眼，木棍定格咁停係佢嘅左臉旁，距離只相差兩三厘米。

「啊⋯點解會咁⋯」
尋妻男發現自己身體無辦法郁動。

「是我～」
有把聲音從尋妻男身邊出現。

「你係邊個⋯」

「我是誰並不重要～」

尋妻男雙手感到無力，手中嘅木棍亦隨即跌在地上。
「你係邊到⋯」

「我～在你背後～」
慢慢有個頭從尋妻男嘅背後伸出嚟，尋妻男嚇到震咗一下，然後想揮拳打背後嘅男人，但雙手無辦法抬起，只有手指可以郁動。

尋妻男用盡全力去得低個頭後，嚇到冷汗出曬嚟，因為佢望到自己嘅手手腳腳全部都俾嘢纏繞住。

而纏繞佢手腳嘅物體，係佢背後男人嘅雙手雙腳嚟。

「驚訝吧～」
背後嘅男人邊講，邊更用力纏繞住尋妻男，尋妻男俾佢纏繞到失去平衡跪係地上，憤怒咁望住眼前嘅鼎爺。

鼎爺起返身後，對住纏繞尋妻男嘅男人拍手讚好。
「好！好！戴蜿，你嘅縮骨功果然厲害！居然纏到佢無曬力氣！」

「謝謝鼎爺。」
戴蜿對著鼎爺點點頭。

尋妻男對著鼎爺大罵。
「我呸！你地班垃圾！人渣！社會敗類！專恰老弱婦孺嘅廢柴！快啲還返我嘅老婆俾我！！！」

鼎爺擰轉頭問藍衫人們。
「邊個係佢老婆？」

其中一個藍衫人上前，伸手插入尋妻男嘅褲袋裡面，然後掏出尋妻男嘅荷包，打開個荷包，見到尋妻男同妻子嘅合照。

那名藍衫人冷笑咁講。
「鼎爺，係前幾晚俾你屌到反曬白眼，係咁叫你老公老公個條女啊。」

鼎爺聽完便奸笑著。
「哦～原來個條女係你老婆。」

尋妻男向鼎爺吐了啖口水。
「你個仆街！快啲還返老婆俾我！我要你地全部碎屍萬段！！！」

鼎爺抹走身上嘅口水，戴蜿快速地伸出其中一隻手，隻手猶如水蛇般快速轉圈纏繞住尋妻男條頸。

「啊⋯」
尋妻男開始呼吸唔到，面色發紫，一分鐘後，尋妻男因窒息而暈倒。

「直接殺咗佢！」
那名藍衫人想上前殺死尋妻男，鼎爺隨即舉起拐杖阻擋。

鼎爺冷冷一笑。
「唔好咁快殺佢住，我要佢生不如死～」




待續