荒島日記（新手、後宮甜）（不定期更新）: 尋仇.四（4月20號更新）

「你地做咩返嚟⋯」

「東哥，乜你會覺得我地會瀨低你一個咩？我地似依啲人咩？」
達叔望一望我，又望一望四眼妹，我地三人便笑了一聲。

「嗚啊！！！」
黑熊向後頂去，將光頭佬撞跌到地上。

原本用嚟對抗黑熊嘅粗竹，已經俾黑熊驚人嘅咬合力咬斷成兩截，黑熊擰轉身對住光頭佬。



「哈！！！」
光頭佬揮舞手上其中一截嘅粗竹，狠狠咁打向黑熊。

黑熊舉起雙手去擋，光頭佬不斷咁揮舞粗竹拍打，令黑熊不斷退後。

「你地快啲躲去一邊！」
說罷，我便緊握住把開山刀衝向黑熊。

黑熊聽到我嘅腳步聲後立即轉身，仲未嚟得切防避，我就已經舉高把開山刀，由上往下一揮，傷口由黑熊嘅膊頭直到個肚。



傷口唔係好深，但已經黑熊令黑熊痛苦萬分，慘叫聲比頭先嘅咆哮聲仲要響亮。

「掂啊！！」
達叔同四眼妹在一旁嘅樹後面，為我依一刀歡呼雀躍。

我乘勝追擊，趁住黑熊仲係到舔傷口嘅時候，再次握住把開山刀衝過去，係黑熊嘅手臂划過一刀。

黑熊再次痛苦地慘叫。

黑熊雙眼充滿紅光，對住我咬牙切齒，已經恨不得我碎屍萬段。我望向黑熊嘅傷口，只流出少量嘅鮮血，睇嚟得返頸部嘅大動脈位置先係佢嘅弱點。



「哈！！！」
光頭佬在黑熊身後不斷揮舞粗竹，棒打黑熊嘅背隻，但黑熊完全無視佢，此刻對著我，雙眼充滿著不可饒恕怒火。

「嗚啊！！」
黑熊咆哮一聲後，憤怒地衝咗過嚟，沈重嘅佢發狂式奔跑起嚟，連周圍嘅事物都震動起嚟，地上嘅塵埃亦顫動著。

我亦衝向黑熊，黑熊見我正面迎接佢嘅攻擊，立即張開個血盆大口，準備狠狠地咬我一啖。

「哈啊啊！！！」
光頭佬快速跑向黑熊，然後一嘢跨坐係黑熊身上，再次用粗竹塞入黑熊嘅嘴裡面，然後雙手好似舉啞鈴般拉扯。

黑熊俾光頭佬拉扯著，立即起身想fing甩光頭佬，光頭佬雙手繼續拉扯著嘿熊口中嘅粗竹，雙腳緊緊夾緊黑熊條腰，唔俾黑熊fing甩佢。

多謝光頭佬製造嘅機會！



我舉起開山刀衝到黑熊面前，黑熊正在擺脫光頭佬嘅纏繞，並不知道我已經衝咗過嚟，一道寒光隨即係划向黑熊嘅身體。

原本不斷扭著頭嘅黑熊隨即望向我，佢仲未反應過嚟，第二道寒光已經划過佢身體。

「嗚啊！！！」
黑熊含著粗竹，痛苦地叫著。

雖然斬咗黑熊兩刀，但傷口卻唔深，只流出少量嘅鮮血。

黑熊聞到身上嘅鮮血氣味，拼命發狠地想擺脫在身後纏繞住佢嘅光頭佬。

光頭佬雖然平時傻傻地，經常傻笑，但纏繞對方卻很有一手，無論黑熊點樣fing，都無辦法fing甩佢。

看到光頭佬手臂上嘅肌肉，有啲唔簡單。



一直默默看著黑熊身後嘅光頭佬健興，稀疏男十分著急，對著我大嗌。
「細佬！斬佢條頸啊！大動脈！大動脈！」

「係啊！大陸仔！斬佢大動脈啊！斬到佢失血過多就會死嘅喇！」
四眼妹係一邊嗌著。

達叔聽到後亦大嗌。
「係啊！東哥！斬佢條頸啊！！！」

我望向黑熊頸部，飛快地衝向黑熊，舉起把開山刀向黑熊頸部揮去。

咔嚓！

黑熊咬碎口中嘅粗竹，一直從後拉扯住黑熊嘅光頭佬向後傾下，跌倒在地上⋯



「大佬興！！！」
稀疏男緊張地眼淚都流出嚟。

黑熊擰轉身去對付跌倒在地上嘅光頭佬，我二話不說，向黑熊背隻揮出數刀。

數條白光係黑熊背隻划過，一條條血痕從而露出。

黑熊忍著疼痛無視背後嘅我，張開雙臂準備熊抱地上嘅光頭佬，光頭佬俾眼前憤怒嘅黑熊嚇到無曬反應。

「跑啊！！！大佬興！！！」
稀疏男對著光頭佬大嗌。

隻黑熊已經憤怒一定要殺死光頭佬，無論我係佢背後點樣斬都無理我⋯唔得⋯我唔可以俾嚟救我嘅光頭佬死！



我發狠地繼續斬黑熊嘅背隻，黑熊仍然無理會我⋯

望住佢皮粗肉厚嘅背隻，我斬嘅一條條傷口卻一啲都唔深⋯

望住自己一直顫抖嘅右手、手腕上嘅瘀血⋯

「嗚啊啊！！！」
黑熊再次發出震耳欲聾嘅咆哮聲。

光頭佬已經俾黑熊嘅氣勢完全震懾，嚇到想走都走唔到⋯



待續