荒島日記（新手、後宮甜）（不定期更新）: 尋仇.七

肥豬劉只好硬著頭皮從眾人裡走出，佢好似文健一樣，握著長矛小心翼翼咁行過去，哪怕獅子狗拼命呼喚著。

獅子狗突然嘔吐著，發出響亮嘔吐嘅聲音，嚇親了在場所有人。

原來係黑熊不斷扭動著條頸壓下，對著獅子狗不斷噴口氣，獅子狗就係俾黑熊口中腐爛發臭嘅氣味搞到黃膽水都吐出嚟。

「阿sir⋯阿sir⋯」
肥豬劉繼續小心翼翼咁靠近，望著黑熊身下嘅獅子狗。

黑熊抬頭憤怒咁望住靠近過嚟嘅肥豬劉，肥豬劉見到黑熊血盆大口嘅樣，嚇到把長矛掉係一旁，然後喪跑返到眾人裡面。



高佬佳望著掉在一旁嘅長矛，俾黑熊壓住嘅獅子狗係無辦法攞到。
「師兄⋯你⋯」

「你咩你！唔見你去俾阿sir！」
肥豬劉對著高佬佳大喝，然後又擰轉頭向著獅子狗方向講。
「阿sir！長矛係你右手邊！右手邊！兩隻手嘅距離！」

「再咁落去，大家都只會死係到！」
四眼妹一邊包紮我嘅傷口一邊講到。



「仲話對獅子狗有幾尊敬又幾愛戴，原來都係得個講字！貪生怕死！」
達叔不屑地望了佢兩個一眼。

肥豬劉同高佬佳無再辯駁，突然MK傑害怕地顫抖指著獅子狗方向。
「阿sir⋯阿sir⋯」

眾人望過去，黑熊個嘴巴已經靠近獅子狗條頸，再咁落去，獅子狗會撐唔住而死在黑熊嘴下。

高佬佳拉住MK傑，肥豬劉見兩人嘅奇怪動作，於是扯住兩人嘅衣袖。


「你地兩個想點？」

高佬佳理直氣壯地說到。
「咁係快啲離開依到喇！阿sir好快就撐唔住，大家再係到等落去，都只會死係到！」

肥豬劉用力捉緊高佬佳嘅衣領，把高佬佳扯到自己面前。
「你覺得今日安全離開，以後隻熊會放過我地咩？」

「以後？以後先算喇！你好快啲放開我！」
高佬佳不斷想推開肥豬劉，但肥豬劉已經捉緊佢嘅衣領，死也不放。

「你地兩個仲有時間係到嘈？」
四眼妹看著平時稱兄道弟嘅兩人此刻反目成仇，感到有些好笑。

「大佬興！唔好⋯」


稀疏男拉唔住光頭佬，光頭佬再次衝上去救人。

高佬佳同肥豬劉眾人紛紛望過去，高佬佳立即說風涼話。
「嘩⋯個光頭佬係唔係傻㗎？」

「依啲叫捨己救人！你識條鐵咩！」
肥豬劉惡狠狠說到。

「依啲叫白白送死！我地唔好睇喇，耽誤我地逃跑時間！快啲放開我！」
高佬佳繼續用力推肥豬劉，哪怕MK傑在肥豬劉身後不斷捶打著，肥豬劉仍無鬆開手。

光頭佬執起跌在一旁嘅長矛，舉起長矛狠狠地刺向黑熊，黑熊見到光頭佬衝過嚟，便立即起身撲向光頭佬，而獅子狗好似暈眩了過去，完全無動靜。

「佢死咗啊！！！」
不遠處嘅眾人看著眼前嘅畫面，佢地以為獅子狗死咗，嚇到雞飛狗走，高佬佳同MK傑亦趁亂時推開肥豬劉，匆匆咁離開。



「佢應該未死，我見到佢個頭仲郁緊。」
四眼妹指著獅子狗說到。

肥豬劉見不少人在叢林裡四處逃竄，再望了我地幾個一眼，然後咬緊牙關。
「死就死喇！」

肥豬劉執起舊石頭衝了過去，用握著石頭嘅手不斷拍打黑熊嘅頭，黑熊起身舉起右臂向後揮去，打到肥豬劉流曬鼻血。

「阿sir⋯阿sir⋯」
肥豬劉攀爬到獅子狗身邊，不斷推著獅子狗，希望令獅子狗醒返。

獅子狗並無醒過嚟，反而黑熊逐漸逼近，肥豬劉嚇到眼淚鼻涕狂流，手腳不斷顫抖著。

「哈啊！！！」


光頭佬握著長矛偷襲黑熊，用力狠狠刺向黑熊嘅背隻，黑熊隨即發出慘叫聲。

光頭佬用蠻力想抽返起長矛，黑熊擰轉身反擊，長矛隨即斷開兩截，尖端仍在黑熊背隻上。

握著長矛另一端嘅光頭佬，俾黑熊一嘢撞飛到一邊，然後吐了一口鮮血。

稀疏男見光頭佬吐血後，著急地上前執起石粒，不斷向黑熊砸去。

「阿sir⋯阿sir⋯快啲醒啊阿sir⋯」
肥豬劉不斷拍打獅子狗塊面，但獅子狗仍然無乜反應。

「咁落去唔係辦法⋯」
俾四眼妹止血包紮完一段時間，我雖然仲感到劇烈嘅痛楚，但已經無一開始痛到頭暈目眩嘅感覺。

四眼妹同達叔緊緊捉實我，唔俾我上前。


「你傷成咁！依家過去乜都幫唔到手！而且你武器個啲乜都無！」

原來剛才逃跑過嚟嘅時候太過緊急，並無帶上跌在一旁嘅開山刀同瑞士軍刀⋯



待續