荒島日記（新手、後宮甜）（不定期更新）: 叛徒.十

MK傑用顫抖嘅雙手握實把瑞士軍刀，一步步咁靠近獅子狗，獅子狗隨即用充滿血絲眼神咁望住MK傑。
「嗱⋯唔好怪我啊⋯我都係奉命行事⋯」

boom！！！

馬奇突然被撞飛到MK傑旁邊，MK傑被嚇到手中嘅軍刀跌到地上。

而將馬奇撞飛到地上食塵嘅人，係光頭佬！！光頭佬佢地返咗嚟！！！

光頭佬緊張地捉住稀疏男膊頭。


「細佬⋯細佬⋯」

「大陸仔⋯我嚟救你。」
雪兒唔知幾時走到我背後，佢雙手用力咁扯綑綁住我嘅繩索，但繩索柔韌度極高，根本無辦法扯的斷。

「哇他C呢亞喇石嗲！」
（等我嚟！）
雷門進一對著雪兒說到，雪兒隨即躲開。

進一拔出雪白鋒利嘅武士刀，然後揮舞武士刀斬向我地被吊起係樹上嘅繩索，我地四人隨即紛紛倒地。



「哎呀⋯疼死我了⋯」
肥佬陳辛苦地說到。

進一用刀尖輕輕划過繩索，雪兒再用小小力拉扯，綑綁我嘅繩索終於斷裂。

「好彩你無事⋯」
雪兒擔心地攬實我。

「雪兒，我地依家幫其他人解埋條繩先。」



「嗯！」
雪兒點點頭。

「大佬興⋯你終於返嚟喇⋯」
稀疏男終於睜開雙眼，看著攬住佢嘅光頭佬。

看到稀疏男醒過嚟，光頭佬面上展現返一直以來嘅笑容。
「哈～細佬～你無事就好～」

馬奇回頭望到原來係光頭佬撞倒佢，於是憤怒咁望住光頭佬。
「原來是這傻子撞我！」

馬奇左望右望，但見唔到MK傑嘅身影，只看到剛才跌係地上嘅瑞士軍刀，馬奇隨即執起。
「又一個窩囊廢！」



馬奇對著三人吩咐到。
「你們三個牽制他，我去幹掉那兩個叛徒，他媽的！」
說罷，馬奇衝向稀疏男兩兄弟。

我見馬奇發了瘋般衝向過嚟，手裡握著我把瑞士軍刀，雙眼一直盯著稀疏男兩兄弟，好似猛獸看到獵物一樣。
「喂！喂！光頭佬！！小心啊！！！」

「太晚啦！去死吧！！」
馬奇奸笑著舉起手中嘅軍刀。

嚓！

軍刀插入體內，光頭佬此刻望著稀疏男，稀疏男微微一笑，張開雙手擋係光頭佬面前。
「大佬興⋯今次終於係我幫你擋喇⋯」



「細佬⋯」
光頭佬雙眼湧出淚水，緊緊攬實稀疏男。

「還沒完呢！」
馬奇拔出把軍刀，準備刺傷光頭佬，我拼命衝咗過去，用頭錘撞向馬奇嘅腹部，馬奇嗌咗一聲，手上嘅軍刀被撞跌地上。

「我操⋯」
馬奇見無得再落手，便逃回彪悍男人佢地個邊。

見到如此情形，藍醫生衝出嚟撲救，用僅餘嘅棉花和布料去按住稀疏男背後嘅傷口，務求令佢止血。

「唔啊！！！」
獅子狗突然好似打咗興奮劑，用盡全力拉住條繩，想將套住佢嘅戴帽男扯咗過去。



戴帽男拼命用力扯住，但似乎獅子狗力量較大，幾秒後便將戴帽男扯咗過去。

「你玩得我耐喇。」
獅子狗瘋狂揮拳打戴帽男，戴帽男亦跟著還拖，但速度同力量完全跟唔上獅子狗。

看到獅子狗葉問上身咁不斷揮拳，拳速如雨點不斷打戴帽男全身，阿標瞬間滿頭大汗唔敢上前救佢。

戴帽男滿臉鮮血倒在地上，獅子狗隨即擰轉頭望住佢。

阿標察覺到後即刻逃跑，但佢跑唔到幾步便俾獅子狗捉住，阿標拼命推開獅子狗。
「點解又會係我啊⋯」

「因為你樣衰！」
獅子狗雙眼發出殺人嘅紅光⋯⋯




「馬奇⋯你睇吓個邊⋯」
阿力指著雷門進一。

馬奇看到後便皺眉頭。
「武士刀⋯是弄瞎李飛眼睛的人嗎？我聽說是個男人，怎麼現在卻是個小孩？」

彪悍男人阿力望住周圍嘅眾人已經鬆綁，正在一步步靠近包圍佢地。
「馬奇⋯形勢唔係咁樂觀喎⋯」

「啊！！！」
阿力和馬奇立刻望向大嗌嘅方向，見到阿標正在痛苦地大嗌，因為獅子狗用力扯佢雙手，令阿標雙手甩骹。

阿標痛到在地上翻滾，戴帽男亦在地上暈倒，獅子狗隨後望著馬奇阿力二人。

馬奇看著一步步靠近過嚟嘅獅子狗。
「三十六計，走為上計。」
講完，馬奇吹了個口哨。

馬匹和拉車嘅馬匹聽到哨聲便跑咗過嚟，獅子狗差啲被馬車撞到而向後退了數步。

阿力好快地走上咗架馬車，而馬奇亦騎上另一馬匹上。

「阿力⋯馬奇⋯唔好瀨低我啊⋯」
地上嘅阿標看著馬奇二人。

但阿力扯著馬繩，頭也不回快速逃離現場，根本無理會地上阿標嘅求救，無幾耐，架馬車就係叢林裡消失的無影無蹤。

馬奇此刻亦開始逃走，臨走時仍回頭望住眾入說到。
「你們等著！今天算你們運氣好！我之後會再來找你們的！！」

「邊個話俾你走！！！」
我企係馬奇逃走路線前面，馬奇呆咗咁望住我。

依家先回頭望實在太遲，我忍住手臂傷口嘅痛，用盡全力揮手上個長竹，把準備騎馬逃離嘅馬奇打落地面。

馬奇起身跑向逃脫嘅馬匹，獅子狗立即飛撲壓到馬奇到地上，馬奇拼命掙扎。
「放開我！！放開我！！！」



待續