荒島日記（新手、後宮甜）（不定期更新）: 再見.一

藍醫生搖一搖頭。
「佢傷勢比較嚴重，依家已經陷入昏迷嘅狀態，由於我無所需嘅藥物，我只可以幫佢做到嘅係止血⋯」

「咁達叔會唔會死㗎⋯」
四眼妹雙眼通紅咁望住藍醫生問到。

藍醫生得低頭回答。
「佢只要係依四十八小時內醒返嘅話，佢就回渡過危險期，如果醒唔返嘅話⋯大家做好心裡準備⋯」

從藍醫生嘅樣已經話俾我知，達叔係依四十八小時內醒得返嘅機率近乎零⋯



無藥物嘅醫治⋯只可以靠達叔本身嘅意志去醒返⋯

達叔⋯我求吓你⋯你一定要醒返啊⋯

「達叔⋯你要醒返啊⋯」
四眼妹著急地看著達叔。

「阿達⋯」
紫霜亦捉緊達叔嘅手。




「阿sir，佢地三個點樣處置？」
肥豬劉看著俾獅子狗綑綁住嘅戴帽男、彪悍男人阿標和馬奇三人。

「我等陣同陳總傾吓再處置佢地。」
獅子狗看著三人說到。

「放開我！我們大隊很快就會過來，你們全部人通通給我抓回去！你們是逃不出這片森林的！」
說罷，馬奇發狂地笑著，肥豬劉害怕地顫抖起嚟。



獅子狗連踢馬奇輸腳，馬奇立刻痛不欲生咁碌嚟碌去，今次佢想笑都笑唔出。

「我去捉個叛徒先！」
說罷，肥豬劉走去搵高佬佳。

見高佬佳完全安靜咁趴係地上，肥豬劉便過去推一推，只見高佬佳面無血色，空洞無神嘅雙眼一直望住一邊。

肥豬劉看到如此情形，便緊張地用顫抖嘅手放到高佬佳鼻前，再伸手摸一摸佢發冷嘅身體。
「死⋯死咗⋯施sir⋯阿佳佢⋯死咗⋯」

獅子狗繼續靜靜咁望住高佬佳嘅遺體無講任何說話，而獅子狗背後嘅嘉雯掩臉流淚⋯


「細佬⋯細佬⋯」


光頭佬對著懷裡嘅稀疏男說到。

「可唔可以⋯幫我叫𡃁仔過嚟⋯」
稀疏男望向我。

有個女仔走過嚟同我講。
「大陸仔⋯有人搵你⋯」

我一走到過去，便見稀疏男有氣無力咁躺係光頭佬嘅懷裏。
「細佬⋯你之前應承過我嘅嘢⋯你仲記唔記得⋯」

「記得，我話過介紹女仔俾你識。」

稀疏男伸手捉住我隻手。
「你可唔可以應承我第二樣嘢⋯」



「係啲咩？」

稀疏男望一望光頭佬，然後再望向我。
「幫我睇住大佬興⋯」

「你一定無事嘅，唔洗擔心喎，藍醫生係到，佢一定有辦法救你⋯」
我望向旁邊嘅藍醫生，藍醫生無奈地對著我搖搖頭。

「我細細個已經體弱多病⋯我知自己依家乜嘢事⋯求吓你應承我啊⋯唔係嘅話⋯我唔放心就咁走⋯」
稀疏男用力捉緊我隻手。

稀疏男嘅手好凍好凍⋯看著佢祈求嘅眼神，我便答。
「好⋯我應承你⋯」



「多謝你⋯」
稀疏男望向光頭佬笑到。
「大佬興⋯以後我唔係到⋯你要聽𡃁仔嘅說話⋯」

「嗯嗯⋯」
光頭佬一邊流淚一邊點頭。

稀疏男笑著摸光頭佬塊面。
「由細到大都係大佬興保護我⋯今次終於到我保護大佬興⋯大佬興⋯我叻唔叻⋯」

「叻⋯細佬最叻⋯」
光頭佬繼續點頭。

稀疏男哭著說。
「好對唔住⋯大佬興⋯一直以嚟要你一直保護我⋯就算俾幾個人打都驚報復係我身上而無去還手⋯好對唔住⋯」



「唔緊要⋯唔緊要⋯」
光頭佬也不斷抽泣著。

稀疏男忍住痛苦，強撐著微笑說著。
「大佬興⋯我好開心可以做你細佬⋯如果有下一世嘅話⋯我都想繼續做你嘅細佬⋯」

「我都會⋯繼續做你大佬⋯」

「大佬興⋯我覺得⋯好凍⋯」
稀疏男講嘢變得斷斷續續，身體開始不斷地顫抖著。

「細佬⋯我帶你去暖吓⋯」
光頭佬抱著稀疏男走到火堆旁。

「多謝你⋯大佬興⋯」
稀疏男嘅目光沒有離開光頭佬。

「細佬⋯依到係唔係暖啲⋯」
光頭佬低下頭看，才發現稀疏男已經閉上雙眼停止了呼吸，係佢懷裏好安詳咁辭世⋯

「細佬！！！」
光頭佬攬住稀疏男嘅遺體痛哭著，在旁嘅人都跟著流淚。

唔少人更放聲大哭，三女亦都攬住我抽泣著，而我，眼淚不斷從眼眶湧下⋯

「真是讓人羨慕的兄弟之情⋯實在是太感人了⋯」
就連一直俾我感覺毫無人性嘅肥佬陳都流下眼淚，秘書Lily把手巾仔遞給肥佬陳。



我抬頭望向天空，天色轉眼間已接近黃昏，突然天空上有顆星對著我不斷地閃爍著。

我看著這顆特別閃爍嘅星。
「你放心，我一定會好好咁睇住你嘅大佬，稀疏男，好高興認識你。」



待續