荒島日記（新手、後宮甜）（不定期更新）: 再見.二

「王學東，你來啦？來，坐這。」
離開飛機殘骸不遠，便見到肥佬陳等人圍住個火堆坐下。

我望一望火堆旁，有獅子狗、肥豬劉、藍醫生三人係到。

秘書Lily係派食物嘅時候同我講今晚有會要開。
「咁夜搵我乜嘢事？」

「其他人呢？」
肥佬陳望一望我背後。



「佢地攰到一早訓著咗。」
我地十幾個人係飛機殘骸範圍內，挖咗個兩米深嘅坑埋咗稀疏男同高佬佳嘅遺體。

秘書Lily點頭表示其他人已熟睡。

肥佬陳好認真咁望住我。
「那就我們幾個人開會吧，有你來就行了，現在我們進入主題吧。」

首先發言嘅係藍醫生。


「根據進一所講，我地跟住佢提供嘅路線，我地以以往嘅速度行走，行一個星期就會去到佢之前嘅居住地。」

「一個星期實在太久了⋯」
肥佬陳皺起眉頭。

獅子狗翹住雙手講。
「如果我地夜晚都行嘅話，應該大概可以縮短三日嘅時間。」

肥佬陳雙眼發光咁望住獅子狗。
「真的嗎？四天能到達？」



我沈思一輪。
「但係⋯夜晚係叢林裡走動好危險⋯我唔係好贊成。」

獅子狗聽完我所講後，便用充滿殺氣嘅眼神望住我。
「我地如果以一個星期嘅速度行過去就更加危險，王學東，你知唔知佢地一開始放嘅係乜嘢煙嚟？」

秘書Lily接住講。
「我看過電影，這種可以燃燒這麼久還有顏色的煙，我想他們放的是信號煙來的。」

獅子狗點點頭。
「無錯，王學東，你唔好唔記得佢地係有人走甩咗，依家肯定趕返去搵人幫手。」

「無錯啊，我撐阿sir啊！」
肥豬劉一如既往支持獅子狗。



「今次對付佢地四個人我地就已經焦頭爛額，如果佢地下次嚟十幾二十人。」
獅子狗一直緊盯著我，令我壓力甚大。

「有道理，施老師說的對！」
肥佬陳點點頭。

「要不我們投票來決定吧？」
秘書Lily提議投票決定。

「好，那我們投票吧，贊成夜晚繼續前進的請舉手。」
肥佬陳一邊講一邊舉手。

獅子狗舉起手贊成，而肥豬劉亦跟住舉手，藍醫生望著大家。
「我棄權。」



肥佬陳拍一拍手。
「很好，三比一，一棄權，我們就明天起趕路去進一所說的地方。」

獅子狗準備起身離開，我叫停獅子狗。
「獅子狗，個三條友，你點處理佢地？」

由於我同眾人忙於挖窿，所以馬奇三人係交咗比獅子狗同肥豬劉處理。

至於馬奇三人依家點樣，我地其他人唔知，只有佢同肥豬劉先知道。

獅子狗慢慢轉個身，嘴角逐漸上揚。
「你估下。」

「你殺咗佢地？」



「哈哈哈，唔知呢。」
說罷，獅子狗便頭也不回的離開。

肥豬劉亦起身離開，我捉住肥豬劉手臂。

見獅子狗唔肯講，我就只好捉肥豬劉問到。
「肥豬劉，你地兩個點處理個三條友。」

肥豬劉搖頭表示。
「我唔知啊，我只係負責幫阿sir佢綁曬佢地，之後阿sir就叫我返去先啦，至於阿sir將佢地帶咗去邊，點樣處理，我就真係唔知喇。」

我認真咁望住肥豬劉，佢無避開我眼神，而且說話無斷斷續續，應該無講大話。

於是我放開肥豬劉俾佢離開，而肥佬陳走到我面前，伸手拍一拍我膊頭。


「那幾個人渣就別理他們死活了，今晚好好睡一覺，明天我們就要出發了。」

講完，肥佬陳亦離開，緊隨肥佬陳後面嘅秘書Lily對著我點頭。
「晚安，小弟弟。」

我抬頭看一看天上嘅月亮。
「唉⋯」

獅子狗唔講，我無辦法搵到佢地⋯幫唔到達叔搵佢兩個老婆嘅下落。




數小時前



「你們完了！我們的大隊很快就會找過來！到時你們全部都給我去死！」
馬奇躺在地上惡狠狠咁望住獅子狗。

由於佢地三人被獅子狗同肥豬劉綁起，肥豬劉離開返回飛機殘骸後，獅子狗便將佢地三人托去無人知嘅地方。

「喂兄弟⋯你如果依家放咗我地⋯我包你之後無事。」
彪悍男人阿標對著獅子狗說。

獅子狗無理會二人，繼續係到做自己嘅嘢，突然獅子狗走咗過嚟將彪悍男人阿標捉起，阿標嚇到不停問。
「你想點啊⋯你想點啊⋯」

獅子狗用力令阿標企直個人，然後用繩索套係阿標嘅肩膀上。
「依條繩套得好鬆，我勸你企好，唔係條繩索會慢慢向上扯住你條頸。」

獅子狗此做法就係逼阿標企到腳斷等救援，否則就俾繩索套上唞唔到氣而死去。

「喂⋯兄弟⋯唔係玩到咁大啊嘛⋯」
阿標自知之明企唔到部隊嚟救援嘅一刻，害怕地向獅子狗求饒。

「我操你媽的！你這傢伙想折磨死我們！放開我！有種來單挑一次！！！」
馬奇對著獅子狗不斷咆哮⋯⋯



待續