荒島日記（新手、後宮甜）（不定期更新）: 郵輪.二

主管子傑揮手叫我地幾個男人上前。
「幾位男士，唔知你地有無興趣搵份工作呢？咁啱我依家有份工作好需要大量人手，糧票絕對比其他工作多。」

「乜嘢工？」

主管子傑低聲客氣說到。
「你地過嚟個陣都有見到架郵輪俾攔腰折斷嘅喇，咁我地有用鋼鐵同木板去封死個一邊嘅，但無奈之前發生過火災，所以遮擋嘅木板已經燒爛曬。」

建造業？果然依個世界無論去到邊，都係需要建築業。



睇到主管子傑嘅表情同佢嘅語氣，就知道依份工真係難請人。

主管子傑繼續講。
「咁我地需要人力去用木材同鋼板再次封住個到，但無奈人才凋零，唔知你地幾位有無興趣？」

「人工係點？」
我開門見山問。

打工仔咁係最關心人工嘅喇。



主管子傑攞出糧票出嚟俾大家睇。
「做一日有九張，一餐只係用一張。」

份工都幾唔錯喎，做一日就已經可以解決三日嘅糧食問題。

肥豬劉推開我，然後搶著說到。
「我做！我幾個老婆都做！」

「幾個老婆？」
主管子傑疑惑地望住肥豬劉。



「你地過嚟。」
肥豬劉叫著佢三個女伴過嚟，然後每個女伴都舉起雙手，露出強而有力嘅臂彎同結實飽滿嘅老鼠仔。

「咁之後就麻煩曬你地。」
於是係主管子傑非常滿意之下，肥豬劉佢地就承包曬建築業。

見面結束後，我地眾人便走出房門外。

「麻煩讓一讓，謝謝各位。」
一個身穿長袖長褲，十分樸素嘅矮小老伯在門口掃地。

掃地老伯抬頭看了我地幾個一陣，然後便靠近我地細聲說到。
「地下一樓到四樓，你們最好不要去。」



「吓？」
我地仲未聽清楚，個掃地老伯已經一邊掃地，一邊遠離我地幾個。

「奇奇怪怪嘅阿伯。」
辣椒妹說到。

「激死我喇！」
四眼妹仲為著剛才嘅事而生氣。

四眼妹其中一個女伴安慰著。
「彤姐唔好嬲，我地依家上去睇房喇，聽講有好多房俾我地揀。」

「係啊係啊，彤姐我地跟過去睇吓。」
於是四眼妹俾佢三個女伴帶走去睇房間，眾人紛紛離開，只剩下我同三女。



秋儀拉一拉我手臂問。
「學東哥，不如我地都去揀間房？」

「我都有啲眼訓。」
辣椒妹講完便打喊露。

「Baby～shark, doo, doo, doo, doo, doo, doo,baby～」
此刻樓下傳來小朋友們合唱聲。

「有細路仔唱歌。」
雪兒探出頭向下層望去，尋找歌聲來源嘅地方。

見雪兒咁好奇，我地幾人便落去尋找歌聲嘅來源，去到二樓後，歌聲愈嚟愈清晰，睇嚟我地愈嚟愈接近。

直到行到其中一個門外。


「Baby～shark, doo, doo, doo, doo, doo, doo,baby～」

係依到喇。

我打開門看，房內色彩繽紛，其中一角擺放著唔少公仔同玩具。

十幾個小朋友好整齊咁分開兩行坐，而企係小朋友前有個高挑嘅女人，正在指著白板上嘅英文歌詞教小朋友唱歌。

那個女人見到我地四個後感到難以置信，然後便走過嚟。
「林雪兒？王學東？白穎林？何秋儀？」

「Miss Chan！」
我地異口同聲說著。

眼前嘅女人，就係學校負責教英文嘅miss陳可兒，係海外留學返嚟教書，今年應該廿五歲左右，身高約170左右，身材十分火辣，唔少同學嘅性幻想。



傳聞有唔少老師都係佢嘅追求者，但都俾佢一一拒絕。

可能係海外留學關係，Miss Chan嘅思想十分開放並且沒有架子，對待我地嘅時候似家姐多過似老師。

「可以見返你地幾個真係太好。」
Miss Chan有些激動地攬住佢地三個人，然後用手摸一摸我個頭，三女亦緊緊攬實返佢。

「見返你實在太好喇，Miss Chan。」
就連辣椒妹依種唔鐘意返學上堂嘅人都好鐘意Miss Chan。

Miss Chan用手抹一抹眼角上嘅淚珠。
「我一直都係郵輪到，見你地唔到⋯我仲以為你地已經⋯」

「我地幾個一開始就俾海沖上個島上面，然後就一直係島上面生活⋯⋯」
雪兒詳細地講述依幾個月發生嘅事。

Miss Chan對於我地係島上幾個月嘅生活感到驚奇不已。
「oh！所以你地依家先嚟到。」

「係啊，Miss Chan你一直係到教書？」
辣椒妹看著十幾位小朋友便問到。

「Yes，Cruise ship出事之後，我就一直係到教小朋友。」
Miss Chan回頭好溫柔咁同小朋友們講。
「小朋友，你地自己乖乖地練習吓，Miss出去同朋友仔傾一陣，好快就返嚟。」

「好！」
小朋友們整齊地回答著。

Miss Chan好溫柔咁關門，上一秒仍笑容滿面嘅Miss Chan突然嘆了口氣。
「依到十六個小朋友，平均七八歲左右，你唔好睇佢地依家幾活潑開朗嘅樣，其實有一半以上係無爹地媽咪⋯」

我地幾個聽到後沈默了一會，原來依到除咗係學校之外，亦係孤兒院⋯⋯



待續