為咗解決房內昆蟲大軍嘅問題,我又返到嚟較為熱鬧嘅大堂。



「後生仔,我就知你一定會返嚟嘅喇。」
那個賣鹹書嘅猥瑣老伯又再次走到我面前。


「我唔係嚟搵你㗎⋯」




猥瑣老伯笑得非常地猥瑣,然後打開佢自己手中嘅龍虎豹。
「我明白嘅,唔洗怕醜喎,睇鹹書係人之常情,你睇本書,睇吓個女主角個神情,影得幾清晰,影得幾生動,個角度捕捉的幾咁好。」


我看一看猥瑣老伯嘅攤位。
「阿伯,你有顧客喎!」


「係咩?」


猥瑣老伯回頭看去,見到肥豬劉蹲坐係佢攤位前看漫畫書看的津津有味。


猥瑣老伯立即返去熱情招呼肥豬劉。
「後生仔,我都知你實會返轉頭。」


終於擺脫咗個鹹濕猥瑣老伯,我可以專心地搵滅蟲工具。




於是我走去其他攤位望吓。


其中一個攤位嘅大媽對著我特別好笑容,我望去佢賣嘅貨物,係一堆女性內衣底褲。


大媽熱情地攞起其中一件胸圍。
「摸下吧小伙子,很有彈性的。」


肯定係因為剛才猥瑣老伯大聲說話,令到大媽認為我係個鹹濕變態佬⋯


「我唔係買底衫褲,我係嚟買殺蟲水。」




檔主大媽一聽到唔係買佢嘅貨物,立即收返起笑容。
「沒有沒有。」


然後我每一檔都詢問,但檔檔都係一樣嘅回覆無殺蟲水賣。


睇嚟要靠我自己一個捉曬啲蟲佢⋯


我上返上樓梯,見到剛才出辦公室時見到嘅矮小掃地阿伯,正在攞住掃把行落嚟。


掃地阿伯係負責搞清潔嘅,咁佢應該知道邊度有殺蟲水賣,甚至佢本身就有殺蟲水。




「阿伯,你有無殺蟲水?定你知唔知邊到有殺蟲水賣?」


掃地阿伯搖搖頭。
「這裡沒有殺蟲水。」


「哦⋯唔該⋯」
見掃地阿伯都無殺蟲水,我便失望地繼續向上走。


「不過你可以找小可,她養的那隻貓可以解決你的問題。」




「小可?」
我回頭向下望去,已經不見掃地阿伯嘅蹤影。



如是者我上去搵抱著英短貓嘅小妹妹,差唔多到達六樓嘅時候,就見到小妹妹已經企咗係到等我。
「你叫小可?」


小妹妹點點頭。


我望向佢懷裡懶洋洋嘅英短貓。
「你隻貓識捉蟲?」




小妹妹繼續點點頭。


「可唔可以幫吓我?」
說罷,我便帶佢到我所住嘅605室,一打開房門,小妹妹小可便把懷裏嘅英短貓放在地上。


英短貓伸一伸個懶腰,然後一躍跳上梳化,對著梳化上嘅昆蟲瘋狂廝殺,唔夠一陣,貓掌下嘅昆蟲死傷無數。


解決完梳化上嘅昆蟲,英短貓便轉向對付床上、化妝台上、浴室裡面嘅昆蟲,短短十分鐘,房間裡面嘅昆蟲大軍已經變成一堆屍骸。


「已經搞定了?」
掃地阿伯神不知鬼不覺地企咗係我背後。


阿伯佢見英短貓慢慢咁行出嚟,便攞起掃把同鏟走入房裡,將昆蟲大軍嘅屍骸掃的一乾二淨。


「唔該曬。」


「不用謝我,謝謝小可。」
掃地阿伯一邊掃地一邊說到。


我望返房門外,小妹妹小可抱起英短貓,然後用水汪汪嘅雙眼一直望住我。


「如果可以,給一兩張糧票作為謝禮吧,小可和她奶奶兩人相依為命,很可憐的。」
掃地阿伯繼續一邊掃地一邊說到。


糧票?但係我無糧票⋯我唯有把醃製過嘅肉交俾小可,英短貓見到後便跳下,好讓小可空出雙手接過啲食物。


小可攞住數塊醃製風乾肉,開心地蹦蹦跳跳跑返去搵婆婆。
「婆婆~婆婆~」


「係呢阿伯。」
我擰轉頭望返入房裡面,原本在房間裡掃地嘅阿伯再次消失的無影無蹤⋯


掃地阿伯行路真係完全無聲⋯


「係喇⋯」
突然想起兩樣好重要嘅事。



我搵咗好耐,先嚟到位於郵輪三樓嘅醫療室,望住室內病床上仍然處於昏迷嘅達叔。


而紫霜坐在一邊靜靜咁陪住佢。


藍醫生細心咁檢查完達叔身體,然後幫達叔吊鹽水,轉身看到我有些擔憂嘅樣後便說到。
「放心將佢交俾我,如果佢醒返,我會第一時間通知你。」


「唔該曬你藍醫生。」


「唔洗客氣。」
藍醫生用紙筆記下達叔今日嘅狀況。


咔嚓。


醫療室門打開,光頭佬棒著兩箱嘢入嚟,見到我後便傻笑著打招呼。
「哈哈~細佬~你好~」


「原來你係到,我正想搵你。」
我應承過稀疏男要好好照顧光頭佬。


「健興佢都會留係到,我目前好需要佢嘅幫手,唔洗擔心。」
藍醫生一邊同我講,一邊檢查著啱啱光頭佬搬返嚟嘅兩箱嘢,然後記低在紙上。


「係啊~藍醫生話需要我搬搬抬抬~叫我留係到幫佢~哈哈~」
光頭佬傻笑著不斷摸自己嘅腦殼。


「咁住宿個到⋯」


藍醫生繼續說到。
「佢會住係依到,依個醫療室裡面有個幾大嘅休息室,裡面有床位係到,而且我同個主管傾過,佢會出份糧俾健興佢,所以你唔需要擔心佢。」


光頭佬傻笑地和應著。
「係啊係啊~」


既然係咁,我只能對著藍醫生鞠躬感謝。
「真係唔該曬你,藍醫生。」



夜晚八點。


郵輪內某個秘密嘅會議室。


身穿西裝高傲嘅男人敲兩下門後便打開,會議室內已有主管子傑、霞女士、眼鏡男、鄭老伯等人坐曬係到。


西裝男輕輕關上門。
「咁夜搵我有咩事?」



待續
已有 0 人追稿