bbbbbbbbbb: 重遇 《十六》

從學校對出的斜路，一直走着。
「你同林顧笙同form？你同林顧笙以前係同學，係佢未轉校之前？定係你地之前拍過拖？」
她帶點含蓄地點了點頭，笑了一笑，再把頭髮撩到耳朵後面，看得我都心如鹿撞了。
不行！我不可以背叛若心的，不要再看了。
「咁你呢，你又form幾。Junior form都要係學校留到咁夜？」
我很矮嗎？
「咩叫Junior form？我今年form five，我好細粒咩？你都係同我差唔多高姐，咪又係米六。」
她馬上張開她的口大笑
「我係女仔，米六已經算高。你？成個form one仔咁。」
沒辦法，我也不知道我還會不會長高，都十七歲了。


「係喎，你叫咩名？如果我同林顧笙講有個女仔揾佢，佢會唔會唔知你係邊個？」
幸好記得問一問她，不然林顧笙問我那個約他的女生是誰就麻煩了。
「我叫言樂容，不過你就咁同佢講佢都應該知道係我。」
好了，要分別了。
「我地去唔同方向，就係度講拜拜啦。今日之後，我同你都應該唔會再見。因為我唔會再係學校門口等佢，不過都要睇下聽日點先知道。」
怎麼我會因爲再見不到言樂容而感到惋惜？
難道真的應驗了李老師所說的，A0毒撚特別容易對別人動心？
「好啦，再見。」
我跟言樂容揮手後便行到往中環的月台，而她就行到往荃灣的月台。
「等陣」


言樂容把頭轉過來。
我本想問她拿電話號碼，不過一想到就算拿了，我也不會夠膽主動找她，她又不會主動找我。
於是我問了言樂容一個我想知道的問題。
「你話我地之後冇乜機會再見，咁如果我地真係喺條街撞番，咁打唔打招呼好？」
因為我一直認為在街上和不熟的人打招呼很尷尬，又要想開場白，又要想一想如何跟那人寒暄。
真的想起都麻煩，不過也不乏一些不熟但又很想在街上偶遇的人，現在其中一個當然是言樂容了。