bbbbbbbbbb: 重遇 《二十五》

真的很平平凡凡好嗎？
「到時你地見到靚仔咪又係比佢地迷住，而家就係度話靚仔尼樣，靚仔嗰樣。平凡嘅小毒撚就係比尼啲說話呃到，成日以為向女神獻殷勤就會感動到女神。跟住就成為咗兵仔，永無脱單日。」
把心中的烏氣吐出來真爽。
「又唔係嘅，唔好以偏概全先得㗎。與其喺度自憐自怨，不如諗下自己有咩唔夠人嚟。唔好以為我唔知你喺度映射緊自己。雖然我同你地唔熟，不過我一啲都唔覺得嗰個田若心當你係兵。就算我對佢無乜好感都係咁話。」
就算若心不當我是小兵，但她始終都有想利用我，我也不可能不在意。
「都啱嘅，其實諗下諗下，我都無為佢做過啲乜嘢，就算有，都係啲小事。都無乜資格話自己做緊兵。」
一直和言樂容倚在欄杆，看着海上停泊的船隻。
月光打在言樂容的臉上，高高的鼻子、大大的眼睛、長長的睫毛，形成十分完美的側臉。
「估唔到同你都幾好傾喎，我都要走啦。你今次識得嚟尼度撞我，我估我地以後都會有機會再見。下次見啦。」
難得花了半個小時來到這裡，聊了十五分鐘就要走。




「我地多嘢傾係因為我地唔熟姐，有好多對方嘅嘢都唔知先至有興趣想知多啲，咁咪多嘢講囉。」
言樂容終於把臉轉過來面向我。
「你點解要強調自己同人唔熟，想同我劃清界線？熟都係又唔熟開始姐，如果次次同人講嘢都不停提住自己同人唔熟，咁樣乜嘢女仔都追唔到啦！」
她說得也沒有錯，不過我只是不想自己想多了才不停提醒自己。
「唔係，只係我唔想同一個人渾熟咗之後先發覺佢唔當你係熟人。所以咪要提下自己唔好咁投入囉。既然我地有咁多嘢講，咁不如你電話號碼我，咁幾時講都得啦。」
希望能拿到她的電話。
「如果你攞到我電話，咁你就唔會特登走嚟尼度。咁同我講嘢嘅機會咪唔矝貴囉，同埋我唔想你有咗我電話之後，揾我係為揾而揾。」