bbbbbbbbbb: 重遇 《二十六》

是這樣嗎？
「咁我走啦，下次有緣嘅時候再見啦。拜拜。」
我呆望她的背影，當我回過神來，她已經走了很遠。
叮
有人發了一條訊息給我。
「點呀你？練成點呀？都知你唔掂㗎喇，出嚟請姐姐食個宵夜，姐姐再同你指點迷津啦。」
也好，原本以為一出來就兩三個小時，現在又不算太晚，回家又不太想。
「好呀。咁十點南昌公園等。」
這裏去南昌公園都不太遠可能上了地鐵之後十分鐘就到了。
「吓？而家九點九喇喎，你跑過嚟都未必三個字過到嚟喎。」




在家中當然沒有可能，我現在奧運站，當然可以。
「邊個同你講我喺屋企？出到嚟先講啦，一陣見」
她回了一句ok。
就來到達目的地，還有五分鐘才十時。
「咦？你咁快落咗嚟嘅。」
她穿著白色熱褲，白滑的長腿十分養眼。
雖然比起言樂容，在樣貌上若心確實比較遜色，可是若心還比言樂容高出一個頭。
「冇呀，見係屋企冇嘢做，咪做啲落嚟囉。廢事要你等姐，體唔體貼先？」
語氣十分嬌滴滴，若心還向我單了一下眼，少點定力都會着迷。
「係唔係呀你？真正嘅田若心係唔係喺屋企，定係你收埋咗佢係邊度？我報警㗎」




我把電話拿了出來，若心翻了一下白眼。
「你中五啊，唔係小五啊。同你講嘢講得多，我感覺到自己智商倒退緊。」
我做出了一個放心的表情。
「好彩姐，平時惡死粗魯嘅田若心冇死到。」
她一下把手掌打了在我的胸口上，啪了一聲。
「哇屌，痛死朕啦。等朕check下個肺有無爆到先，你再打嘅話，你打邊度我就打返邊度。」
她一手就向我瘦弱的胸口大力揸了一下。
「嚟啊！掂一掂都告你非禮」
她挺出本來已經不長肉的胸部。
「得得得，我輸。條三跑用咗咁多錢起，有咩損壞我擔當唔起。」




又是一下暴力扣球，扣了在我的頭上。
「以為自己好幽默？唔係囉，行啦，阿姐肚餓呀。」
林顧笙怎會在和言樂容分手後選了若心，反差太大了。
一個是温柔的美人胚子，一個是粗魯的長腿大眼妹，換轉是我，我一定選。。。選。。。
我也不知選那個好，也是各有各吸引之處。
「挑！講到你有簡咁。收皮啦你！」
是誰？
哦，原來是你，他是我每天在幻想時突然走出打斷我的朋友。
他好像是陳樂健大腦僅存正常的部分。