bbbbbbbbbb: 重遇 《二十七》

「係喎，你啱啱去咗邊？咁快過到嚟嘅？」
好不好跟若心説剛才是去了找言樂容？
不知道會不會觸動到她的情緒？
「去咗啱啱放學之後你帶我去嗰個海邊行咗一陣囉。」
她疑惑的看著我
「你去嗰度做咩？你唔係真係走咗去撞嗰個言樂容係嘛？」
她為什麼那麼緊張？
「叻喎！咁都比你估到，係男仔都想同靚女傾下計㗎啦。請不必覺得驚訝」
她好像又有一點憤怒。
「我唔靚女咩而家？嗰個言樂容成日扮哂溫柔咁，假到死，偏偏就你班男仔就個個都鐘意尼啲。以後唔好見佢喇，想見靚女就搵我啦。」


若心撩一撩她的頭髮，一陣陣洗髮精的香味撲鼻而來，一不留神就可能被迷住了。
女人的妒忌心真可怕。
「你啊？都可以收收皮㗎喇，冇乜人鐘意被人句句侄住哂。幾靚女都係咁話。」
若心好像有點失落，我好像說得太過份了。
「你以前都唔係咁㗎，明明以前都好聽我尼個社長話㗎，而家你夠句句都侄住哂啦！扮溫柔姐，我夠得咯，我只不係想係你面前做返自己姐。點知原來你都係咁，淨係知道言樂容有幾溫柔，我有幾粗魯。」
若心把頭抬起，不讓淚水掉下來。
「喂，唔好喊啦。我知我講得過份咗，唔係個個男仔都鐘意溫柔㗎，我講嚟激下你咋。其實我都係見言樂容幾靚女所以先想望多兩眼㗎咋。我都貪新鮮想識下女仔先至去搵佢㗎，最多我以後淨係搵你一個。」
她終於忍不住哭了，眼淚不停的落下。
「其實識你尼一年你點樣對我，我知道㗎，不過我見你又成毒男咁，又唔靚仔，所以一直都睇唔上你。但係林顧笙同我一齊嘅時候我冇同你講，係因為我仲想施住你，同佢分開之後我有諗過搵你做水泡，不過我又覺得對你唔住。直到我開始被你一直以嚟陪住我而感動倒，點知你又好似已經冇咁鐘意我，我好驚你會好似林顧笙咁因爲言樂容而唔要我。」
她越哭越凶，額頭都冒起一點點的汗珠，臉都通紅了。