bbbbbbbbbb: 重遇 《二十九》

差不多十一點，我們終於到了那間串燒店。
「想食咩？係張紙嗰度剔。」
若心把手上的筆點在太陽穴上打轉。
「我喺度諗緊點食窮你，等我揀啲又貴又唔飽嘅先。不過好似全部都抵食夾大件咁，食你唔窮添。」
天真的笑容和雪白的牙齒十分賞心悅目。
其實若心和言樂容也不是差很多，看著她比看著言樂容還要順眼。
「喂。。。喂！做咩猥猥鎖鎖咁望住我，不過都唔怪得你嘅，姐太靚啦。見你係我男朋友，比你望飽佢啦。」
哈，我是言樂容的男朋友^_^(*☻-☻*)
有人拍了拍我的肩膀一下，轉過身來。
「勁喎，幾個鐘之前我先叫你搵言樂容傾下，而家做埋人地條仔，西利西利。」


是李老師
「大家咁話，姐姐Hello，你係阿sir嘅娘娘呀？」
站在李老師旁邊那個姐姐看上去二十來歲，十分超級無敵漂亮，比起言樂容和若心，她多了一分成熟的韻味。
怎麼好像有點眼熟？
「哦～你就係阿sir嗰日話好大波嗰個社工姐姐，幾時尼講次性教育講座呀？」
哇！很痛。
「屌你，我淨講話佢身材幾咋喎，撚有講過。。。」
社工姐姐捉住李老師的耳朵。
哈哈，鬼拍後尾枕。
「你講咩話！？」


社工姐姐生氣的樣子十分可愛。
「目及夠未啊？！」
啊，我的耳朵。
「要望就望我啦。」
若心的手托着頭笑着，也十分可愛。
「返到學校你就仆街，上堂唔撚比你瞓教。」
雖然他們不是郎才女貌，不過卻有一種說不出的和諧。
「同學，介意我地坐低嗎？我想之尼個男人喺學校係點？放心講，有我喺度佢唔會罰到你嘅 。」
李老師此刻的眼神好像叫我不要説話似的。
「啊sir對我地好都不得了，除咗一冇老師睇堂就日鳩日講粗口之外，都十分唔錯。」


李老師用手捂著額頭。
「我好似冇聽過佢講粗口喎。」