bbbbbbbbbb: 重遇 《三十四》

突然有人蒙住了我的眼睛。
「估下我係邊個？」
還用猜嗎？
這麼甜美的聲音可以不是若心嗎？
「唔知呀！除咗田若心之外，個個都有可能。因為把聲咁溫柔，一聽就知道係女神級嘅靚女，所以無可能係田若心。」
啊！後腦又是一下重創。
「你講嗰個女神級嘅靚女咪就係我囉。點呀？驚唔驚喜？意唔意外？係咪仲未接受得到有個超級無敵霹靂勁爆靚女嘅田若心做你女朋友，開心到傻咗，連我係咩樣都唔記得呢？」
此時林顧笙從旁經過。
「田若心，係唔係被我飛咗之後就寧濫勿缺？連個咁嘅矮仔都揀得落手？」
矮仔？是説我嗎？




我握緊拳頭，若心卻捉住我握緊拳頭的手，對我笑了一笑，示意我不用在意。
「就算佢唔夠你高大靚仔又點？最起碼佢比你錫我幾百倍，比你鐘意我幾百倍。」
林顧笙不屑一顧便加快腳步超過我們。
「多謝你。女朋友。」
難為她之前一直被我猜忌她喜歡我多點還是林顧笙多點，不完全相信她是喜歡我的。
「多咩謝？對唔住就真，累你一朝早就是因爲我被人笑。」
別把責任推到自己身上吧，若心。
「又多謝又對唔住咁，拍拖拍到好似你地咁見外就死得啦。」
原來是李老師
我和若心對望了一下，尷尬地笑了一笑。




「怕老婆嘅都發達，田若心可以盡情恰佢喎。」
。。。
「咁你咪好驚社工姐姐？要發達做咩？有咁多錢就會身㾗包二奶。所以平平淡淡就可以啦，我又唔係唔熬得。我點會要佢怕我呢？遲啲驚到唔願見我就大鍋啦！」
都是若心最體諒我
「愛死你啦若心，最錫我嘅都係你。」
李老師的手都掩着眼睛，眼不見為淨。
「兩位同學，如果你地可以喺一年後都咁肉麻，我被你地啲閃光彈閃死又點話？」