bbbbbbbbbb: 重遇 《三十五》

我和若心能不能走得長遠？
「日子一日一日咁過，一年好快就過。同埋一路數住我地一齊咗幾多日，會搞到拍拖好似交功課咁。如果真係鐘意，一齊嘅時間就會過得特別快，一年，又算得係乜嘢？」
終於走完校門前那條大斜路。
「你好似變咗，田若心。」
李老師意味深長地説了這一句。
「咁係變好咗定差咗？」
若心調皮地笑着。
「係好咗，估唔到陳樂健先係最啱你嗰個人。你顛覆咗我一向以為靚女係同靚仔最夾嘅觀念。」
若心在旁笑而不語。
「顛乜嘢覆啊？你同社工姐姐咪係靚女配傻仔囉。」




若心在旁在也忍不住大笑起來。
「快啲去早會啦。我就返教員室歎冷氣，你？去操場曬日光浴啦。一陣見。」
我和若心到操場後便要分開，回到各自的班別集隊。
「咁。。。中午食飯見。但係如果你得閒嘅話，小息都上嚟搵我啦。」
又要分開了，不過不要緊，小別勝新婚。
「咁好啦，拜拜。」
也應該要在小息或午饍時跟若心商量一下轉歌的事情。
「魔音健，做咩事今日咁姣嘅？食咗春藥啊？明明噚日頹到成隻狗咁㗎。」
人逢喜事，當然心情舒暢。
一群損友整天在互相揶揄為樂，每天都過得很有火花，也十分開心。




日後離開校園，都不知道會不會再有這一群交心的朋友。
「比你地挽少日爽過食春藥啦。姚兆世同學。」
兩隻中指在我面前舉起。
「早會即將開始，唱校歌。」
千篇一律，幾年的早會天天如一，不過若心還有不足半年便離開校園了，每天發生的一切都為她倒數。
「做咩無啦啦又頹返，你精神分裂啊？等我帶你上醫療室，再搵Miss Hui 同你做下身體檢查。」
Miss Hui是我們的英文老師，亦是紅十字的負責老師，所以每當有同學要用醫療室，都要知會一下她。
她雖然長得不高，卻長得浮凸有致，年輕貌美的她很受同學歡迎，尤其是男同學。

























喺我最無靈感嘅時候見返你，你好。
今年之前幾年無見，但係淨係今年就見咗兩次
靈感女神
致現實的田若心，我唔敢喺度響你真名